ನಕಲಿ ಆತ್ಮಾಹುತಿ ಬಾಂಬ್ ಕಿಟ್ ಧರಿಸಿ ಬ್ಯಾಂಕ್ ದರೋಡೆಗೆ ಯತ್ನ: ಅರೆಸ್ಟ್

ಹೈದರಾಬಾದ್‌ ನ ಜೀಡಿಮೆಟ್ಲಾ ಪ್ರದೇಶದಲ್ಲಿ ನಕಲಿ ಆತ್ಮಹತ್ಯಾ ಬಾಂಬ್ ಕಿಟ್ ಧರಿಸಿ ಸ್ಥಳೀಯ ಬ್ಯಾಂಕ್ ದರೋಡೆಗೆ ಯತ್ನಿಸಿದ 32 ವರ್ಷದ ವ್ಯಕ್ತಿಯನ್ನು ಬಂಧಿಸಲಾಗಿದೆ.

ಶುಕ್ರವಾರ ಸಂಜೆ ಈ ಘಟನೆ ನಡೆದಿದ್ದು, ಆರೋಪಿ ಶಿವಾಜಿ ಎಂಬಾತ ತನ್ನ ಬಳಿ ಬಾಂಬ್ ಇದೆ ಎಂದು ಹೇಳಿ ಶಾಪುರ ನಗರದ ಆದರ್ಶ ಬ್ಯಾಂಕ್‌ನ ಕ್ಯಾಶ್ ಕೌಂಟರ್‌ಗೆ ನುಗ್ಗಿದ್ದ.

ಸಂಜೆ 5 ಗಂಟೆಗೆ ಕ್ಯಾಶ್ ಕೌಂಟರ್‌ಗೆ ಆಗಮಿಸಿದ ಶಿವಾಜಿ ಬಾಂಬ್ ಸ್ಫೋಟಿಸುವುದಾಗಿ ಬೆದರಿಕೆ ಹಾಕಿದ್ದು, ಕ್ಯಾಷಿಯರ್‌ನಿಂದ 2 ಲಕ್ಷ ರೂ.ಗೆ ಬೇಡಿಕೆ ಇಟ್ಟಿದ್ದ.  ಇದು ಬ್ಯಾಂಕ್ ಸಿಬ್ಬಂದಿಯಲ್ಲಿ ಕೆಲಕಾಲ ಆತಂಕ ಮೂಡಿಸಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಸಿಬ್ಬಂದಿಯಲ್ಲಿ ಒಬ್ಬರು ಠಾಣೆಗೆ ಮಾಹಿತಿ ನೀಡಿದ್ದಾರೆ. ಸ್ಥಳಕ್ಕಾಗಮಿಸಿದ ಪೊಲೀಸರು ಸಿಬ್ಬಂದಿಯ ಸಹಾಯದಿಂದ ಚಾಣಾಕ್ಷತನದಿಂದ ಶಿವಾಜಿಯನ್ನು ಹಿಡಿದು ವಶಕ್ಕೆ ತೆಗೆದುಕೊಂಡರು.

ಶಿವಾಜಿ ಎದೆಗೆ ಎಲೆಕ್ಟ್ರಾನಿಕ್ ಸರ್ಕ್ಯೂಟ್ ಸಾಧನವನ್ನು ಕಬ್ಬಿನ ತುಂಡುಗಳಿಗೆ ಜೋಡಿಸಲಾಗಿದೆ. ತನಿಖೆ ವೇಳೆ ಶಿವಾಜಿ ಈ ಹಿಂದೆ ಎಲೆಕ್ಟ್ರಾನಿಕ್ ಶೋ ರೂಂನಲ್ಲಿ ಕೆಲಸ ಮಾಡಿರುವುದು ಬೆಳಕಿಗೆ ಬಂದಿದೆ. ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.