ಪಾಕಿಸ್ತಾನಿ ಗಾಯಕ ಜೀಶನ್ ಅಲಿ ಲಗ್ ಜಾ ಗಲೇ ಹಾಡಿದಾಗ ಫವಾದ್ ಖಾನ್ ಪ್ರತಿಕ್ರಿಯೆ ಹೀಗಿತ್ತು

ಇತ್ತೀಚೆಗಷ್ಟೇ ಪಾಕಿಸ್ತಾನಿ ನಟ ಫವಾದ್ ಖಾನ್ ಅವರ ವಿಡಿಯೋ ವೈರಲ್ ಆಗಿತ್ತು. ಇದರಲ್ಲಿ ಅವರು ಗಾಯಕ ಜೀಶಾನ್ ಅಲಿ ಅವರು ಹಮ್ಸಫರ್ ಕಾರ್ಯಕ್ರಮದ ಶೀರ್ಷಿಕೆ ಗೀತೆಯಾದ ವೋ ಹಮ್ಸಫರ್ ಥಾ ಹಾಡನ್ನು ಕೇಳುತ್ತಿದ್ದರು. ವಿಡಿಯೋದ ಸಹಜವಾಗಿ ನೆಟ್ಟಿಗರನ್ನು ಆಕರ್ಷಿಸಿತು. ಇದೀಗ ಮತ್ತೆ ಅದೇ ಕಾರ್ಯಕ್ರಮದ ವಿಡಿಯೋವೊಂದು ಇಂಟರ್ನೆಟ್‌ನಲ್ಲಿ ವೈರಲ್ ಆಗುತ್ತಿದೆ.

ಹೌದು, ಜೀಶನ್ ಅಲಿ ಅವರು ಲತಾ ಮಂಗೇಶ್ಕರ್ ಅವರ ಎವರ್ಗ್ರೀನ್ ಹಾಡು ಲಗ್ ಜಾ ಗಲೇ ಅನ್ನು ಹಾಡುತ್ತಿರುವಾಗ ಫವಾದ್ ಅವರು ಮೂಲೆಯಲ್ಲಿ ಕುಳಿತು ಕೇಳುತ್ತಿದ್ದಾರೆ. ವಿಡಿಯೋವನ್ನು ಪಾಕಿಸ್ತಾನಿ ಗಾಯಕ ಸ್ವತಃ ಇನ್ಸ್ಟಾಗ್ರಾಂ ನಲ್ಲಿ ಹಂಚಿಕೊಂಡಿದ್ದಾರೆ. ಫವಾದ್ ಅವರು ಪ್ರದರ್ಶನ ನೀಡುವಾಗ ಹಾಡನ್ನು ಕೇಳುತ್ತಾ ಆನಂದಿಸಿದ್ರು.

ಈ ವಿಡಿಯೋ ಭಾರಿ ವೈರಲ್ ಆಗಿದ್ದು, ನೆಟ್ಟಿಗರು ಇಷ್ಟಪಟ್ಟಿದ್ದಾರೆ. ಜೀಶನ್ ಅಲಿಯ ಮಾಂತ್ರಿಕ ಧ್ವನಿಯ ಬಗ್ಗೆ ಜನರು ಕೊಂಡಾಡಿದ್ದಾರೆ. ಅಲ್ಲದೆ ಫವಾದ್ ಖಾನ್ ಅವರು ವಿಡಿಯೋದ ಹೈಲೈಟ್ ಆಗಿದ್ದರು.

https://www.youtube.com/watch?v=VUcQhlwbpx0&feature=youtu.be