ಬೆಂಗಳೂರು: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧದ ಪಂದ್ಯ ಮುಗಿದ ನಂತರ ಡೆಲ್ಲಿ ಕ್ರಿಕೆಟಿಗರ 16 ಬ್ಯಾಟ್, ಶೂ, ಗ್ಲೌಸ್, ಪ್ಯಾಡ್ ಗಳನ್ನು ಕಳವು ಮಾಡಲಾಗಿದೆ.
ಬೆಂಗಳೂರಿನಲ್ಲಿ ಪಂದ್ಯ ಮುಗಿದ ನಂತರ ಡೆಲ್ಲಿ ಕ್ಯಾಪಿಟಲ್ಸ್ ಆಟಗಾರರ ಬ್ಯಾಟ್ ಸೇರಿದಂತೆ ಕೆಲವು ವಸ್ತುಗಳು ಕಳುವಾಗಿದ್ದು, ಈ ಕುರಿತಾಗಿ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ. ಡೇವಿಡ್ ವಾರ್ನರ್ ಅವರಿಗೆ ಸೇರಿದ ಮೂರು ಬ್ಯಾಟ್, ವಿಚಲ್ ಮಾರ್ಷ್ ಅವರ ಎರಡು ಬ್ಯಾಟ್ ಗಳು ಮತ್ತು ಫಿಲ್ ಸಾಲ್ಟ್ ಅವರ ಮೂರು ಹಾಗೂ ಯಶ್ ಧೂಳ್ ಅವರ ಐದು ಬ್ಯಾಟ್ ಗಳು ಕಳುವಾಗಿವೆ.
ಕೆಲವು ಆಟಗಾರರಿಗೆ ಸೇರಿದ 16 ಲಕ್ಷ ಮೌಲ್ಯದ ಬ್ಯಾಟ್ ಗಳು, ಪ್ಯಾಡ್ ಗಳು ಮತ್ತು ಇತರ ಉಪಕರಣಗಳನ್ನು ಸಾಗಣೆಯಲ್ಲಿ ಕಳವು ಮಾಡಲಾಗಿದೆ. ಆಟಗಾರರು ದೆಹಲಿಗೆ ತೆರಳಿದ ನಂತರ ಬ್ಯಾಗ್ ಗಳು ಹೋಟೆಲ್ ಗೆ ತಲುಪಿವೆ.
ಬ್ಯಾಗ್ ಗಳನ್ನು ಪರಿಶೀಲಿಸಿದಾಗ ಲಕ್ಷಾಂತರ ರೂಪಾಯಿ ಮೌಲ್ಯದ ವಸ್ತುಗಳು ಕಳುವಾಗಿರುವುದು ಬೆಳಕಿಗೆ ಬಂದಿದ್ದು, ದೆಹಲಿ ಪ್ರಾಂಚೈಸಿ ವತಿಯಿಂದ ಪೊಲೀಸರಿಗೆ ದೂರು ನೀಡಲಾಗಿದೆ.
