ಬೆಂಗಳೂರು: ಮೂರು ವರ್ಷಗಳ ನಂತರ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಇಂಡಿಯನ್ ಪ್ರೀಮಿಯರ್ ಲೀಗ್ 16ನೇ ಆವೃತ್ತಿಯ ತನ್ನ ಮೊದಲ ಪಂದ್ಯದಲ್ಲಿ ಆರ್‌ಸಿಬಿ ಮುಂಬೈ ಇಂಡಿಯನ್ಸ್ ವಿರುದ್ಧ ಭರ್ಜರಿ ಜಯಗಳಿಸಿದೆ.
ಎಂಟು ವಿಕೆಟ್ ಭರ್ಜರಿ ಗೆಲುವಿನೊಂದಿಗೆ ಆರ್.ಸಿ.ಬಿ. ಶುಭಾರಂಭ ಮಾಡಿದೆ. ಮುಂಬೈ ತಂಡ 20 ಓವರ್ ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 171 ರನ್ ಗಳಿಸಿದ್ದು, ತಿಲಕ್ ಶರ್ಮಾ ಅಜೇಯ 84, ನೇಹಲ್ ವಧೇರಾ 21 ರನ್ ಗಳಿಸಿದರು. ಬೆಂಗಳೂರು ಪರ ಕರ್ಣ್ ಶರ್ಮಾ 2, ಮೊಹಮ್ಮದ್ ಸಿರಾಜ್ 1, ರೀಸ್ ಟಾಪ್ಲಿ 1, ಮೈಕಲ್ ಬ್ರೇಸ್ ವೆಲ್ 1 ವಿಕೆಟ್ ಪಡೆದರು.
ಗೆಲುವಿನ ಗುರಿ ಬೆನ್ನತ್ತಿದ ಆರ್.ಸಿ.ಬಿ. 16.2 ಓವರ್ ಗಳಲ್ಲಿ 2 ವಿಕಟ್ ನಷ್ಟಕ್ಕೆ 172 ರನ್ ಗಳಿಸಿ ಗೆಲುವಿನ ನಗೆ ಬೀರಿದೆ. ವಿರಾಟ್ ಕೊಹ್ಲಿ ಅಜೇಯ 82, ಫಾಫ್ ಡುಪ್ಲೆಸಿಸ್ 73, ಗ್ಲೆನ್ ಮ್ಯಾಕ್ಸ್ ಅಜೇಯ 12 ರನ್ ಗಳಿಸಿದರು. ಅರ್ಷದ್ ಖಾನ್ 1, ಕ್ಯಾಮರೂನ್ ಗ್ರೀನ್ 1 ವಿಕೆಟ್ ಪಡೆದರು.
