50 ಮೀಟರ್‌ಗಿಂತಲೂ ಹೆಚ್ಚು ವ್ಯಾಸದ ಬೃಹತ್ ಕ್ಷುದ್ರಗ್ರಹವು ಮಾರ್ಚ್ 26 ರಂದು ಭೂಮಿಗೆ ಹತ್ತಿರವಾಗಲು ಸಜ್ಜಾಗಿದೆ. ನ್ಯಾಷನಲ್ ಏರೋನಾಟಿಕ್ಸ್ ಮತ್ತು ಸ್ಪೇಸ್ ಅಡ್ಮಿನಿಸ್ಟ್ರೇಷನ್ (NASA) ಈ ಬಗ್ಗೆ ಅಧಿಕೃತ ಮಾಹಿತಿ ನೀಡಿದೆ.
2023 DZ2 ಎಂಬ ಹೆಸರಿನ ಹೊಸದಾಗಿ ಪತ್ತೆಯಾದ ಕ್ಷುದ್ರಗ್ರಹವು ಭೂಮಿಯ ಸಮೀಪ ಆಗಮಿಸಲಿದೆ ಎಂದು ನಾಸಾ ಟ್ವಿಟರ್ ನಲ್ಲಿ ಬಹಿರಂಗಪಡಿಸಿದೆ. ಈ ರೀತಿಯ ಘಟನೆಯು ಒಂದು ದಶಕದಲ್ಲಿ ಒಮ್ಮೆ ಸಂಭವಿಸುವ ವಿದ್ಯಮಾನವಾಗಿದೆ.
2026 ರಲ್ಲಿ DZ2 ಭೂಮಿಯ ಮೇಲೆ ಪರಿಣಾಮ ಬೀರುವ ಬಗ್ಗೆ ವಿಜ್ಞಾನಿಗಳು ಈ ಹಿಂದೆ ಚಿಂತಿತರಾಗಿದ್ದರು. ಅಂದಿನಿಂದ ಸಂಗ್ರಹಿಸಿದ ಮಾಹಿತಿಯು ಈ ಕಳವಳವನ್ನು ನಿವಾರಿಸಿದೆ. ಮಾರ್ಚ್ 21 ರಂದು ಪೋಸ್ಟ್ ಮಾಡಿದ ಟ್ವೀಟ್‌ನಲ್ಲಿ NASA ಕ್ಷುದ್ರಗ್ರಹ DZ2 ಈ ವಾರ ನಮ್ಮ ಗ್ರಹಕ್ಕೆ ತುಂಬಾ ಹತ್ತಿರದಲ್ಲಿ ಹಾದು ಹೋಗಲಿದೆ ಎಂದು ಹೇಳಿದೆ. ಅಂತಹ ಬೃಹತ್ ಕ್ಷುದ್ರಗ್ರಹವು ಭೂಮಿಯ ಸಮೀಪದಿಂದ ಹಾದುಹೋಗುವ ಅಪರೂಪವಾದ ಸಂಭವ ಸುಮಾರು ದಶಕಕ್ಕೊಮ್ಮೆ ನಡೆಯಲಿದೆ.
“2023 DZ2 ಹೆಸರಿನ ಹೊಸದಾಗಿ ಪತ್ತೆಯಾದ #ಕ್ಷುದ್ರಗ್ರಹವು ಶನಿವಾರ 100K+ ಮೈಲುಗಳಷ್ಟು ದೂರದಲ್ಲಿ ಭೂಮಿಯ ಮೂಲಕ ಸುರಕ್ಷಿತವಾಗಿ ಹಾದುಹೋಗುತ್ತದೆ. ನಿಯಮಿತ ಘಟನೆಯಾಗಿದ್ದರೂ, ಈ ಗಾತ್ರದ (140-310 ಅಡಿ) ಕ್ಷುದ್ರಗ್ರಹವು ಪ್ರತಿ ದಶಕಕ್ಕೆ ಒಮ್ಮೆ ಮಾತ್ರ ಸಂಭವಿಸುತ್ತದೆ, ಇದು ವಿಜ್ಞಾನಕ್ಕೆ ಅನನ್ಯ ಅವಕಾಶವನ್ನು ನೀಡುತ್ತದೆ, ”ಎಂದು ಟ್ವೀಟ್ ತಿಳಿಸಿದೆ.
Loading ...