ನಮ್ಮ ದೇಹದ ಎಲ್ಲಾ ಭಾಗಗಳು ಸರಿಯಾಗಿ ಕೆಲಸ ಮಾಡುತ್ತಿದ್ರೆ ನಾವು ಆರೋಗ್ಯವಾಗಿರುತ್ತೇವೆ. ಯಾವುದೇ ಒಂದು ಅಂಗ ಸರಿಯಾಗಿ ಕೆಲಸ ಮಾಡದಿದ್ದರೆ ಅನಾರೋಗ್ಯಕ್ಕೆ ತುತ್ತಾಗುತ್ತೇವೆ. ಬಲವಾದ ವ್ಯಕ್ತಿಯನ್ನು ಕೂಡ ಕೆಲವೇ ಸಮಯದಲ್ಲಿ ಹಣ್ಣು ಮಾಡಬಲ್ಲ ಅಪಾಯಕಾರಿ ಕಾಯಿಲೆಯ ಬಗ್ಗೆ ಪ್ರತಿಯೊಬ್ಬರೂ ತಿಳಿದುಕೊಂಡಿರಬೇಕು. ನಮ್ಮ ಮೂತ್ರಪಿಂಡದ ಕೆಲಸವೆಂದರೆ ರಕ್ತವನ್ನು ಫಿಲ್ಟರ್ ಮಾಡುವುದು ಮತ್ತು ತ್ಯಾಜ್ಯ ವಸ್ತುಗಳನ್ನು ಹೊರತೆಗೆಯುವುದು. ತ್ಯಾಜ್ಯ ವಸ್ತುಗಳು ದೇಹದಲ್ಲಿ ದೀರ್ಘಕಾಲ ಉಳಿದುಕೊಂಡರೆ ತೊಂದರೆ ಖಚಿತ.
ಯಕೃತ್ತಿನಲ್ಲಿ ಇರುವ ಕೆಲವು ರಾಸಾಯನಿಕಗಳು ಸಾರಜನಕ ಮತ್ತು ಅಮೋನಿಯಾವನ್ನು ಯೂರಿಯಾ ಆಗಿ ವಿಭಜಿಸುತ್ತವೆ. ಈ ಯೂರಿಯಾವನ್ನು ಮೂತ್ರಪಿಂಡದ ಮೂಲಕ ದೇಹದಿಂದ ಫಿಲ್ಟರ್ ಮಾಡಲಾಗುತ್ತದೆ. ಆದರೆ ಮೂತ್ರಪಿಂಡವು ಸರಿಯಾಗಿ ಕೆಲಸ ಮಾಡದಿದ್ದಾಗ ಈ ತ್ಯಾಜ್ಯ ವಸ್ತುಗಳು ದೇಹದಲ್ಲಿ ಹೆಚ್ಚಾಗಲು ಪ್ರಾರಂಭಿಸುತ್ತವೆ. ನಮ್ಮ ದೇಹದಲ್ಲಿ ಯೂರಿಯಾ ಹೆಚ್ಚಾದಾಗ, ತ್ವರಿತ ತೂಕ ನಷ್ಟ, ನೋವು, ಆಗಾಗ್ಗೆ ಹಗಲಿನ ನಿದ್ರೆ, ಹಸಿವಿನ ಕೊರತೆ, ಉಸಿರಾಟದ ತೊಂದರೆ, ಸ್ನಾಯು ಸೆಳೆತ ಮತ್ತು ಆಯಾಸ ಮುಂತಾದ ಅನೇಕ ಲಕ್ಷಣಗಳು ಕಂಡುಬರುತ್ತವೆ.
ಅಂತಹ ರೋಗಲಕ್ಷಣಗಳನ್ನು ಗಮನಿಸಿದರೆ, ತಕ್ಷಣ ವೈದ್ಯರನ್ನು ಸಂಪರ್ಕಿಸಬೇಕು. ಯೂರಿಯಾ ಹೆಚ್ಚಳದಿಂದ ಬಾಯಿಯಿಂದ ಕೆಟ್ಟ ವಾಸನೆ ಬರುತ್ತದೆ. ರೋಗಿಯ ಮೂತ್ರ ಕೂಡ ದುರ್ವಾಸನೆಯಿಂದ ಕೂಡಿರುತ್ತದೆ. ನಮ್ಮ ದೇಹದಲ್ಲಿ ಯೂರಿಯಾ ಹೆಚ್ಚಿನ ಪ್ರಮಾಣದಲ್ಲಿದ್ದರೆ, ಈ ರೋಗಲಕ್ಷಣವನ್ನು ಯುರೆಮಿಕ್ ಫಿಟ್ಟರ್ ಎಂದು ಕರೆಯಲಾಗುತ್ತದೆ. ಮೂತ್ರ ಮತ್ತು ಬಾಯಿಯಲ್ಲಿ ದುರ್ವಾಸನೆ ಬರಲು ಯೂರಿಯಾ ಅಂಶವೇ ಮುಖ್ಯ ಕಾರಣ.ಈ ತೊಂದರೆಯಿದ್ದಾಗ ರೋಗಿಗೆ ಸಮಯಕ್ಕೆ ಸರಿಯಾಗಿ ಚಿಕಿತ್ಸೆ ನೀಡದಿದ್ದರೆ, ಗಟ್ಟಿಮುಟ್ಟಾದ ವ್ಯಕ್ತಿಯು ಸಹ ಸ್ವಲ್ಪ ಸಮಯದಲ್ಲೇ ಒಣಗಲು ಪ್ರಾರಂಭಿಸುತ್ತಾನೆ, ಆತನ ತೂಕವು ವೇಗವಾಗಿ ಇಳಿಯುತ್ತದೆ. ದೇಹದಲ್ಲಿ ಯೂರಿಯಾದ ಪ್ರಮಾಣವು ಹೆಚ್ಚಾಗಲು ಪ್ರಾರಂಭಿಸಿದಾಗ ನಾವು ಬಾದಾಮಿ, ಕಿಡ್ನಿ ಬೀನ್ಸ್, ಕಡಲೆಕಾಯಿಗಳು, ಬೇಳೆಕಾಳುಗಳು, ಸೋಯಾಬೀನ್ ಮತ್ತು ಸಮುದ್ರಾಹಾರವನ್ನು ದೂರವಿಡಬೇಕು.
