ಭಾರತೀಯ ಪೋಷಕರು, ವಿಶೇಷವಾಗಿ ತಂದೆ, ತಮ್ಮ ಮಕ್ಕಳನ್ನು ಎಷ್ಟು ಪ್ರೀತಿಸುತ್ತಾರೆ ಎಂದು ಅವರು ಸ್ಪಷ್ಟವಾಗಿ ಹೇಳದಿದ್ದರೂ, ಅವರು ತಮ್ಮ ಪ್ರೀತಿಯನ್ನು ಸೂಕ್ಷ್ಮ ಕ್ರಿಯೆಗಳ ಮೂಲಕ ಚಿತ್ರಿಸುತ್ತಾರೆ. ಪವನ್ ಶರ್ಮಾ ಎಂಬುವವರು ತಮ್ಮ ತಂದೆಯ ಅಂತಹ ಪ್ರೀತಿಯ ಕ್ರಿಯೆಯನ್ನು ದಾಖಲಿಸಿದ್ದಾರೆ ಮತ್ತು ಅದನ್ನು ಆನ್‌ಲೈನ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ.
ಇದೀಗ ವೈರಲ್ ಆಗಿರುವ ವಿಡಿಯೋದಲ್ಲಿ ಶರ್ಮಾ ಅವರ ತಂದೆ ರೈಲ್ವೇ ನಿಲ್ದಾಣಕ್ಕೆ ಡ್ರಾಪ್ ಮಾಡಲು ಬಂದಾಗ ರೈಲು ನಿಲ್ದಾಣದಲ್ಲಿ ನಡೆದುಕೊಂಡು ಹೋಗುವುದನ್ನು ನೋಡಬಹುದು. “ನನ್ನ ತಂದೆ ನನ್ನನ್ನು ಡ್ರಾಪ್ ಮಾಡಲು ಬಂದಾಗಲೆಲ್ಲಾ ನಾನು ಕಣ್ಮರೆಯಾಗುವವರೆಗೂ ನನ್ನೊಂದಿಗೆ ನಡೆಯುತ್ತಾರೆ. ಪ್ರತಿ ಬಾರಿಯೂ ಇದೊಂದು ಭಾವನಾತ್ಮಕವಾಗಿ ಅನ್ನಿಸುತ್ತದೆ” ಎಂದಿದ್ದಾರೆ.
ಕಳೆದ ವರ್ಷ ಅಕ್ಟೋಬರ್ 28 ರಂದು ಪೋಸ್ಟ್ ಮಾಡಲಾದ ಕ್ಲಿಪ್ 9.51 ಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಸಂಗ್ರಹಿಸಿದೆ. ಇದು ಸಹಜ ಪ್ರಕ್ರಿಯೆ. ಇದರಲ್ಲಿ ಅಂಥ ವಿಶೇಷವೇನೂ ಇಲ್ಲ. ಹೆಚ್ಚಿನ ಪಾಲಕರು ಇದೇ ರೀತಿ ಮಾಡುತ್ತಾರೆ ಎಂದು ಹಲವರು ತಮ್ಮ ಅನುಭವಗಳನ್ನೂ ಹಂಚಿಕೊಂಡಿದ್ದಾರೆ. ಇಂಥ ಅಪ್ಪ-ಅಮ್ಮನನ್ನು ಪಡೆದವರೇ ಧನ್ಯರು ಎಂದು ಹಲವರು ಹೇಳಿದ್ದಾರೆ. ತಾಯಿ ಪ್ರೀತಿಯನ್ನು ವ್ಯಕ್ತಪಡಿಸುತ್ತಾಳೆ, ಆದರೆ ಅಪ್ಪ ಅದನ್ನು ಅದುಮಿ ಇಟ್ಟುಕೊಳ್ಳುತ್ತಾರೆ. ಇಂಥ ಸಂದರ್ಭಗಳಲ್ಲಿ ಅದು ವ್ಯಕ್ತವಾಗುತ್ತದೆ ಎಂದು ಹಲವರು ಹೇಳಿದ್ದಾರೆ.
https://youtu.be/kQPWG_HaLD4
