ಜೊಜೊಬಾ ಆಯಿಲ್ ಒಂದು ನೈಸರ್ಗಿಕವಾದ ತೈಲವಾಗಿದೆ. ಇದನ್ನು ತ್ವಚೆಯ ಆರೈಕೆಗೆ ಬಳಸುತ್ತಾರೆ. ಇದು ಚರ್ಮಕ್ಕೆ ತೇವಾಂಶವನ್ನು ಒದಗಿಸುತ್ತದೆ. ವಿಶೇಷವಾಗಿ ಇದು ಮುಖಕ್ಕೆ ಹಚ್ಚಿದ ಮೇಕಪ್ ತೆಗೆಯಲು ಸಹಕಾರಿಯಾಗಿದೆ. ಇದು ಮೇಕಪ್ ನಿಂದ ಚರ್ಮಕ್ಕಾಗುವ ಹಾನಿಯನ್ನು ತಪ್ಪಿಸುತ್ತದೆ.
*ಜೊಜೊಬಾ ಆಯಿಲ್ ಮತ್ತು ಬಾದಾಮಿ ಎಣ್ಣೆಯನ್ನು ಸಮಪ್ರಮಾಣದಲ್ಲಿ ತೆಗೆದುಕೊಂಡು ಅದಕ್ಕೆ 3 ಹನಿ ವಿಟಮಿನ್ ಇ ಎಣ್ಣೆಯನ್ನು ಮಿಕ್ಸ್ ಮಾಡಿ ಮುಖಕ್ಕೆ ಹಚ್ಚಿ ನಿಧಾನವಾಗಿ ಮಸಾಜ್ ಮಾಡಿ. ಬಳಿಕ ಹತ್ತಿಯ ಚೆಂಡನ್ನು ತೆಗೆದುಕೊಂಡು ಮುಖವನ್ನು ಒರೆಸಿಕೊಳ್ಳಿ.
*ಜೊಜೊಬಾ ಆಯಿಲ್ 1 ಚಮಚ ಹಾಗೂ ರೋಸ್ ವಾಟರ್ 1 ಚಮಚ ಮಿಕ್ಸ್ ಮಾಡಿ ಮುಖಕ್ಕೆ ಹಚ್ಚಿ ಮೃದುವಾಗಿ ಮಸಾಜ್ ಮಾಡಿ ಒಣ ಬಟ್ಟೆಯಿಂದ ಒರೆಸಿಕೊಳ್ಳಿ. ಇದರಿಂದ ಮೇಕಪ್ ಕ್ಲೀನ್ ಆಗಿ ಹೋಗುತ್ತದೆ. ಮೇಕಪ್ ನಿಂದಾಗುವ ಅಡ್ಡಪರಿಣಾಮವನ್ನೂ ನಿವಾರಿಸುತ್ತದೆ.
