ಗರ್ಭಿಣಿಯರು ಸಂಗೀತ ಕೇಳುವುದರಿಂದ ಸಿಗುತ್ತೆ ಸಕಾರಾತ್ಮಕ ಪರಿಣಾಮ

ಭಾರತೀಯ ಶಾಸ್ತ್ರೀಯ ಸಂಗೀತ ಗರ್ಭಿಣಿಯರು ಮತ್ತು ಅವರ ಹೊಟ್ಟೆಯಲ್ಲಿರುವ ಮಗುವಿನ ಮೇಲೆ ಪ್ರಭಾವ ಬೀರುತ್ತದೆ ಎಂಬುದು ಸಂಶೋಧನೆಯಿಂದ ತಿಳಿದುಬಂದಿದೆ.

ಸಂಶೋಧಕರು ಈ ಬಗ್ಗೆ ಸಂಶೋಧನೆ ನಡೆಸಿದಾಗ ಸಂಗೀತವು ಹುಟ್ಟಲಿರುವ ಮಗುವಿನ ಮೇಲೆ ಯಾವ ರೀತಿಯಾದ ಸಕಾರಾತ್ಮಕ ಪರಿಣಾಮಗಳನ್ನು ಬೀರುತ್ತದೆ ಎಂಬುದನ್ನು ಕಂಡುಹಿಡಿದಿದ್ದಾರೆ.

*ಗರ್ಭದಲ್ಲಿನ ಮಗು ಸಂಗೀತವನ್ನು ಕೇಳುವುದರಿಂದ ಮಗುವಿನ ಚಲನೆ ಸುಧಾರಿಸುತ್ತದೆ. ಮಗು ಸಂಗೀತದೊಂದಿಗೆ ಮೂವ್ ಮಾಡಲು ಪ್ರಯತ್ನಿಸುತ್ತದೆ ಎನ್ನಲಾಗಿದೆ.

*ಸಂಗೀತ ಕೇಳುವುದರಿಂದ ನಿಮ್ಮ ಮಗುವಿನ ಶ್ರವಣ ಸಂವೇದನೆ ಹೆಚ್ಚಾಗುತ್ತದೆ. ನಿಮ್ಮ ಮಗು ಧ್ವನಿ ತರಂಗಗಳ ಮೇಲೆ ಕೇಂದ್ರೀಕರಿಸಲು ಪ್ರಯತ್ನಿಸುತ್ತದೆ. ಇದರಿಂದ ಮಗುವಿನ ಏಕಾಗ್ರತೆ, ಶ್ರವಣೇಂದ್ರಿಯ ಮತ್ತು ಕೌಶಲ್ಯಗಳು ಗಮನಾರ್ಹವಾಗಿ ಹೆಚ್ಚಾಗುತ್ತದೆ.

*ಕೆಲವು ಸಂಶೋಧಕರು ಮಗು ಜನಿಸಿದ ಬಳಿಕವೂ ಅದು ಗರ್ಭದಲ್ಲಿರುವಾಗ ಕೇಳಿದ ಸಂಗೀತವನ್ನು ನೆನಪಿಟ್ಟುಕೊಳ್ಳುತ್ತದೆ ಎಂದು ಹೇಳುತ್ತಾರೆ. ಹಾಗಾಗಿ ಇದರಿಂದ ಮಗು ತುಂಬಾ ಹಠ ಹಿಡಿದಾಗ ಅದನ್ನು ಶಮನಗೊಳಿಸಲು ಅದೇ ಸಂಗೀತವನ್ನು ಬಳಸಬಹುದು.

*ಗರ್ಭಾವಸ್ಥೆಯಲ್ಲಿ ಮಗು ಕೇಳುವ ಸಂಗೀತವು ಒಟ್ಟಾರೆ ಮಗುವಿನ ವ್ಯಕ್ತಿತ್ವದ ಮೇಲೆ ಪರಿಣಾಮ ಬೀರುತ್ತದೆ ಎನ್ನಲಾಗಿದೆ. ಹಿತವಾದ ಸಂಗೀತ ಕೇಳಿದ ಮಗುವಿನ ವ್ಯಕ್ತಿತ್ವ ಶಾಂತವಾಗಿರುತ್ತದೆಯಂತೆ. ಹಾಗೇ ಗಟ್ಟಿಯಾದ ಸಂಗೀತವನ್ನು ಕೇಳಿದರೆ ಮಗುವಿನ ವ್ಯಕ್ತಿತ್ವ ಆಕ್ರಮಣಕಾರಿಯಾಗುತ್ತದೆ ಎಂದು ಹೇಳಲಾಗಿದೆ.