ಉಪ್ಪಿಟ್ಟು ಮಾಡಿದಾಗ ಅದರ ಜತೆಗೆ ಸಿಹಿ ಅವಲಕ್ಕಿ ಇದ್ದರೆ ಸಖತ್ ಆಗಿರುತ್ತದೆ. ಹಾಗೇ ಅವಲಕ್ಕಿ ಕೂಡ ಸುಲಭವಾಗಿ ಮಾಡಬಹುದಾದ ಒಂದು ತಿಂಡಿ. ಸಂಜೆಯ ಸ್ನ್ಯಾಕ್ಸ್ ಗೂ ಇದು ಚೆನ್ನಾಗಿರುತ್ತದೆ. ಇಲ್ಲಿ ಮಾಡುವ ವಿಧಾನ ಇದೆ ನೋಡಿ.
ಮೊದಲಿಗೆ 2 ಕಪ್ ತೆಳು ಅವಲಕ್ಕಿ ತೆಗೆದುಕೊಂಡು ಅದರಲ್ಲಿ ಕಸ ಇರದಂತೆ ನೋಡಿಕೊಳ್ಳಿ. ನಂತರ ½ ಕಪ್ ಬೆಲ್ಲಕ್ಕೆ ಸ್ವಲ್ಪವೇ ಸ್ವಲ್ಪ ನೀರು ಸೇರಿಸಿ ಬೆಲ್ಲ ಕರಗಿಸಿಕೊಂಡು ಅದನ್ನು ಸೋಸಿಕೊಳ್ಳಿ. ಬೆಲ್ಲದ ಪಾಕವನ್ನು ಸಣ್ಣ ಉರಿಯಲ್ಲಿ ಗ್ಯಾಸ್ ಮೇಲೆ ಇಟ್ಟು ಅದಕ್ಕೆ ¼ ಕಪ್ ತೆಂಗಿನಕಾಯಿ ತುರಿ ಸೇರಿಸಿ ಮಿಕ್ಸ್ ಮಾಡಿ.
ನಂತರ ಅವಲಕ್ಕಿಯನ್ನು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ ಗ್ಯಾಸ್ ಆಫ್ ಮಾಡಿ. ¼ ಟೀ ಸ್ಪೂನ್ ಏಲಕ್ಕಿ ಪುಡಿ ಉದುರಿಸಿದರೆ ರುಚಿಕರವಾದ ಅವಲಕ್ಕಿ ತಿನ್ನಲು ರೆಡಿ.
