ಹಲವಾರು ಔಷಧೀಯ ಗುಣಗಳಿರುವ ಬೇವಿನ ಎಲೆ, ತೊಗಟೆ, ಹೂವು, ಬೀಜಗಳಿಂದ ಅನೇಕ ಆರೋಗ್ಯ ಮತ್ತು ಸೌಂದರ್ಯ ಸಂಬಂಧಿತ ಪ್ರಯೋಜನಗಳಿವೆ.
* ಬೇವಿನ ಎಲೆಯ ಹೊಗೆಯಿಂದ ಸೊಳ್ಳೆ ಮುಂತಾದ ಕೀಟಗಳನ್ನು ಓಡಿಸಬಹುದು.
* ಧಾನ್ಯಗಳಲ್ಲಿ ಬೇವಿನ ಎಲೆ ಹಾಕಿಟ್ಟರೆ ಹುಳಗಳ ಕಾಟ ಇರುವುದಿಲ್ಲ.
* ಬೇವಿನ ಸೊಪ್ಪನ್ನು ಕುದಿಸಿದ ನೀರಿನಿಂದ ತಲೆ ಕೂದಲು ತೊಳೆದರೆ ಹೊಟ್ಟು ಮತ್ತು ತುರಿಕೆ ನಿವಾರಣೆಯಾಗುತ್ತದೆ.
* ಬೇವಿನ ತೊಗಟೆಯ ಭಸ್ಮದ ಲೇಪನದಿಂದ ಗಾಯ ಮತ್ತು ಹುಣ್ಣು ವಾಸಿಯಾಗುತ್ತದೆ.
* ಬೇವಿನೆಲೆಯ ರಸಕ್ಕೆ ಕಲ್ಲುಸಕ್ಕರೆ ಹಾಕಿ ಸೇವಿಸಿದರೆ ಆರಂಭಿಕ ಕಾಮಾಲೆ ನಿವಾರಣೆಯಾಗುತ್ತದೆ.
* ಬೇವಿನೆಣ್ಣೆ ಮತ್ತು ತುಳಸಿ ಎಲೆ ಹಾಕಿದ ನೀರಿನ ಸ್ನಾನದಿಂದ ಕಜ್ಜಿ ಮತ್ತು ಹುಣ್ಣು ಮಾಯವಾಗುತ್ತವೆ.
* ಬೇವಿನೆಣ್ಣೆಯ ಕಷಾಯ ಹಾಗೂ ಎಳ್ಳೆಣ್ಣೆ ಚರ್ಮದ ತುರಿಕೆ ನಿವಾರಣೆಗೆ ಬೆಸ್ಟ್.
* ಬೇವಿನೆಣ್ಣೆ ಹೇನನ್ನು ದೂರಮಾಡುತ್ತದೆ.
* ಬೇವಿನ ಸೊಪ್ಪಿನ ರಸಕ್ಕೆ ಜೇನುತುಪ್ಪ ಹಾಕಿ ಬಾಯಿ ಮುಕ್ಕಳಿಸಿದರೆ ಗಂಟಲು ನೋವು ಕಡಿಮೆಯಾಗುತ್ತದೆ.
* ಬೇವಿನ ಹೂವು ನೆನೆಸಿದ ನೀರನ್ನು ಕುಡಿಯುವುದರಿಂದ ದೇಹ ತಂಪಾಗಿರುತ್ತದೆ. ಬೇವಿನೆಲೆಯ ರಸಕ್ಕೆ ಇಂಗು ಸೇರಿಸಿ ಖಾಲಿ ಹೊಟ್ಟೆಯಲ್ಲಿ ಸೇವಿಸಿದರೆ ಜಂತುಹುಳುಗಳು ಸಾಯುತ್ತವೆ.
* ಗಿಡಗಳಿಗೆ ಬೇವಿನೆಲೆಯ ರಸ ಸಿಂಪಡಣೆಯಿಂದ ಕೀಟಬಾಧೆ ದೂರವಾಗುತ್ತದೆ.
