ಸಾಮುದ್ರಿಕ ಶಾಸ್ತ್ರ ಮತ್ತು ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಮಾನವನ ದೇಹದ ಮೇಲಿರುವ ಮಚ್ಚೆಗಳು ವ್ಯಕ್ತಿಯ ಗುಣಸ್ವಭಾವ, ಭವಿಷ್ಯ ಹಾಗೂ ಭಾಗ್ಯವನ್ನು ಪ್ರತಿಬಿಂಬಿಸುತ್ತವೆ. ಶರೀರದ ಪ್ರತಿಯೊಂದು ಭಾಗದಲ್ಲಿರುವ ಮಚ್ಚೆಗೂ ತನ್ನದೇ ಆದ ವಿಶೇಷ ಅರ್ಥವಿರುತ್ತದೆ. ಅದರಲ್ಲೂ ಮುಖದ ಪ್ರಮುಖ ಭಾಗವಾದ ಮೂಗಿನ ಮೇಲೆ ಮಚ್ಚೆ ಇದ್ದರೆ ಅದು ವ್ಯಕ್ತಿಯ ಜೀವನದ ಮೇಲೆ ವಿಶೇಷ ಪ್ರಭಾವ ಬೀರುತ್ತದೆ ಎಂದು ಹೇಳಲಾಗುತ್ತದೆ.
ಆತ್ಮವಿಶ್ವಾಸ ಮತ್ತು ನಾಯಕತ್ವ ಗುಣ ಮೂಗಿನ ತುದಿಯಲ್ಲಿ ಅಥವಾ ಮಧ್ಯಭಾಗದಲ್ಲಿ ಮಚ್ಚೆ ಇರುವವರು ಜಾಣರು, ಚುರುಕಾದ ಬುದ್ಧಿವಂತರು ಹಾಗೂ ಹೆಚ್ಚು ಆತ್ಮವಿಶ್ವಾಸ ಉಳ್ಳವರಾಗಿರುತ್ತಾರೆ. ಇವರು ಸ್ವತಂತ್ರ ಮನೋಭಾವದವರಾಗಿದ್ದು, ಯಾವುದೇ ಕೆಲಸದಲ್ಲಾದರೂ ನಾಯಕತ್ವ ವಹಿಸಿಕೊಳ್ಳುವ ಗುಣ ಹೊಂದಿರುತ್ತಾರೆ. ಸವಾಲುಗಳನ್ನು ಧೈರ್ಯವಾಗಿ ಎದುರಿಸುವ ಸಾಮರ್ಥ್ಯ ಇವರಲ್ಲಿ ಹೆಚ್ಚಿರುತ್ತದೆ.
ಆರ್ಥಿಕ ಸ್ಥಿತಿ ಮತ್ತು ಅದೃಷ್ಟ ಶಾಸ್ತ್ರದ ಪ್ರಕಾರ ಮೂಗಿನ ಮೇಲೆ ಮಚ್ಚೆ ಇರುವವರಿಗೆ ಭಾಗ್ಯದ ಬಾಗಿಲು ಬೇಗನೇ ತೆರೆಯುತ್ತದೆ. ಇವರು ತಮ್ಮ ಸ್ವಂತ ಶ್ರಮದಿಂದ ಉತ್ತಮ ಆಸ್ತಿ-ಪಾಸ್ತಿ ಹಾಗೂ ಹಣಕಾಸಿನ ಅಭಿವೃದ್ಧಿ ಕಾಣುತ್ತಾರೆ. ಜೀವನದಲ್ಲಿ ಹಠಾತ್ ಧನಲಾಭವಾಗುವ ಯೋಗವೂ ಇವರಿಗಿರುತ್ತದೆ. ಉದ್ಯೋಗ ಮತ್ತು ವ್ಯವಹಾರದಲ್ಲಿ ಬೇಗನೇ ಯಶಸ್ಸು ಗಳಿಸುವ ಸಾಮರ್ಥ್ಯ ಇವರಿಗಿರುತ್ತದೆ.
ಕೋಪ ಮತ್ತು ಭಾವುಕತೆ ಮೂಗಿನ ತುದಿಯಲ್ಲಿ ಮಚ್ಚೆ ಇರುವ ಜನರಿಗೆ ಕೋಪ ಕೊಂಚ ಬೇಗನೆ ಬರಬಹುದು. ಇವರು ಹಠಮಾರಿ ಸ್ವಭಾವದವರಾಗಿದ್ದರೂ, ಮನಸ್ಸಿನಲ್ಲಿ ಯಾವುದೇ ಕೆಟ್ಟ ಭಾವನೆ ಇಟ್ಟುಕೊಳ್ಳುವುದಿಲ್ಲ. ಪ್ರೀತಿಯ ವಿಷಯಕ್ಕೆ ಬಂದರೆ ಇವರು ತಮ್ಮ ಸಂಗಾತಿಯನ್ನು ಹೆಚ್ಚು ಪ್ರೀತಿಸುತ್ತಾರೆ ಮತ್ತು ಕುಟುಂಬದ ಜವಾಬ್ದಾರಿಯನ್ನು ಸರಿಯಾಗಿ ನಿಭಾಯಿಸುತ್ತಾರೆ.
