ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿ 12 ದಿನ ಕಳೆದಿದೆ. ಆದರೂ ‘ಪ್ರೇಮದ ಊರಲಿ’ ಸಿನಿಮಾದ ಕಲೆಕ್ಷನ್‌ನಲ್ಲಿ ದೊಡ್ಡ ಇಳಿಕೆ ಕಂಡುಬಂದಿಲ್ಲ. ವಾರದ ದಿನಗಳಲ್ಲಿ ಸಾಮಾನ್ಯವಾಗಿ ಸಿನಿಮಾಗಳ ಗಳಿಕೆ ಕಡಿಮೆಯಾಗುತ್ತದೆ. ಆದರೆ, ಈ ಚಿತ್ರ ಮಂಗಳವಾರವೂ ಉತ್ತಮ ಕಲೆಕ್ಷನ್ ಮಾಡಿದೆ.
ಅಕ್ಟೋಬರ್ 6ರಂದು 834 ಶೋಗಳಿಂದ ಸಿನಿಮಾ ₹3.65 ಕೋಟಿ ಗಳಿಸಿದೆ ಎಂದು ವರದಿಯಾಗಿದೆ. ಇದರಿಂದ ಭಾರತದಲ್ಲಿ ಚಿತ್ರದ ಒಟ್ಟು ಗ್ರಾಸ್ ಕಲೆಕ್ಷನ್ ₹24.69 ಕೋಟಿಗೆ ತಲುಪಿದೆ. ನೆಟ್ ಕಲೆಕ್ಷನ್ ₹21.22 ಕೋಟಿ ಎನ್ನಲಾಗಿದೆ.
‘ಪ್ರೇಮದ ಊರಲಿ’ ಮೊದಲ ದಿನ ₹13 ಲಕ್ಷ ಗಳಿಸಿತ್ತು. ಬಳಿಕ ಪ್ರೇಕ್ಷಕರಿಂದ ಸಿಕ್ಕ ಪ್ರತಿಕ್ರಿಯೆ ಹಾಗೂ ಸಿನಿಮಾದ ಬಗ್ಗೆ ಬಂದ ಮಾತುಗಳಿಂದ ಕಲೆಕ್ಷನ್ ಹೆಚ್ಚಾಗುತ್ತಾ ಬಂದಿದೆ. ಮೊದಲ ವಾರದ ಅಂತ್ಯಕ್ಕೆ ₹5.32 ಕೋಟಿ ಗಳಿಸಿದ್ದ ಚಿತ್ರ, ಎರಡನೇ ವಾರದಲ್ಲೂ ಉತ್ತಮ ಪ್ರದರ್ಶನ ನೀಡುತ್ತಿದೆ.
ಎರಡನೇ ವಾರದ ಶುಕ್ರವಾರ ₹2.60 ಕೋಟಿ, ಶನಿವಾರ ₹2.80 ಕೋಟಿ ಹಾಗೂ ಭಾನುವಾರ ₹3.85 ಕೋಟಿ ಗಳಿಸಿತ್ತು. ಸೋಮವಾರ ₹3 ಕೋಟಿ ಗಳಿಸಿದ್ದರೆ, ಮಂಗಳವಾರದ ಗಳಿಕೆ ₹3.65 ಕೋಟಿಯಾಗಿದೆ.
ವಾರದ ದಿನಗಳಲ್ಲೂ ಚಿತ್ರಕ್ಕೆ ಪ್ರೇಕ್ಷಕರು ಬರುತ್ತಿರುವುದರಿಂದ ಹಲವು ಕಡೆ ಶೋಗಳ ಸಂಖ್ಯೆಯನ್ನು ಹೆಚ್ಚಿಸಲಾಗಿದೆ ಎಂದು ಹೇಳಲಾಗಿದೆ. ಎರಡನೇ ವಾರದಲ್ಲೂ ಕಲೆಕ್ಷನ್ ಉತ್ತಮವಾಗಿರುವುದು ಚಿತ್ರತಂಡಕ್ಕೆ ಮತ್ತಷ್ಟು ನಿರೀಕ್ಷೆ ಮೂಡಿಸಿದೆ.
