ವಾಟ್ಸಾಪ್ ನಲ್ಲಿ ‘ಆನ್‌ಲೈನ್‌’ ಇದ್ದರೂ ಕಾಣಿಸಲ್ಲ..! ಬ್ಲೂ ಟಿಕ್ ಇಲ್ಲದೇ ಚಾಟ್ ಓದುವುದು ಹೇಗೆ? ಇಲ್ಲಿದೆ ಟ್ರಿಕ್ಸ್

WhatsAppನಲ್ಲಿ ಮೆಸೇಜ್ ಓದಿದರೂ ಆನ್‌ಲೈನ್ ಸ್ಟೇಟಸ್ ಅಥವಾ ಬ್ಲೂ ಟಿಕ್ ಮೂಲಕ ಎದುರಿನವರಿಗೆ ತಿಳಿಯದಂತೆ ಇರಲು ಕೆಲವು ಪ್ರೈವಸಿ ಸೆಟ್ಟಿಂಗ್ಸ್ ಮತ್ತು ಸರಳ ಟ್ರಿಕ್ಸ್‌ಗಳಿವೆ. Read Receipts ಆಫ್ ಮಾಡುವುದು, ನೋಟಿಫಿಕೇಶನ್‌ನಿಂದಲೇ ಮೆಸೇಜ್ ಓದುವುದು ಸೇರಿದಂತೆ ಹಲವು ವಿಧಾನಗಳ ಮೂಲಕ ಚಾಟ್‌ಗಳನ್ನು ಹೆಚ್ಚು ಖಾಸಗಿಯಾಗಿ ನಿರ್ವಹಿಸಬಹುದು. ಈ ಟ್ರಿಕ್ಸ್‌ಗಳು ಹೇಗೆ ಕೆಲಸ ಮಾಡುತ್ತವೆ ಎಂಬುದನ್ನು ತಿಳಿದುಕೊಳ್ಳಿ.ಯಾರಾದರೂ ಮೆಸೇಜ್ ಮಾಡಿದ ತಕ್ಷಣವೇ ಪ್ರತಿಕ್ರಿಯಿಸಲು ಸಾಧ್ಯವಾಗದ ಸಂದರ್ಭಗಳು ಇರುತ್ತವೆ. ಆದರೆ ಮೆಸೇಜ್ ಓದಿರುವುದು ಅವರಿಗೆ ತಿಳಿಯಬಾರದು ಎಂದು ಕೆಲವರು ಬಯಸುತ್ತಾರೆ. ಅಂತಹ ಸಂದರ್ಭಗಳಲ್ಲಿ WhatsApp‌ನಲ್ಲಿರುವ ಕೆಲವು ಸೆಟ್ಟಿಂಗ್ಸ್‌ಗಳನ್ನು ಬಳಸಬಹುದು.

Read Receipts ಆಫ್ ಮಾಡುವುದರಿಂದ ಹಿಡಿದು ನೋಟಿಫಿಕೇಶನ್ ಪ್ಯಾನೆಲ್‌ನಲ್ಲೇ ಮೆಸೇಜ್ ಓದುವವರೆಗೆ ಹಲವು ಮಾರ್ಗಗಳಿವೆ. ಆಂಡ್ರಾಯ್ಡ್ ಬಳಕೆದಾರರು Widget ಸಹಾಯದಿಂದಲೂ ಚಾಟ್‌ಗಳನ್ನು ನೋಡಬಹುದು.

ಬ್ಲೂ ಟಿಕ್ ಕಾಣಿಸದಂತೆ ಮಾಡುವುದು

WhatsApp‌ನಲ್ಲಿ ಬ್ಲೂ ಟಿಕ್ ಕಾಣಿಸದಂತೆ ಮಾಡಲು Read Receipts ಆಫ್ ಮಾಡುವುದು ಸರಳ ಮಾರ್ಗವಾಗಿದೆ.

ಇದಕ್ಕಾಗಿ WhatsApp ಓಪನ್ ಮಾಡಿ Settings → Privacy → Read Receipts ಆಯ್ಕೆ ಮಾಡಿ ಅದನ್ನು Off ಮಾಡಬೇಕು.

ಈ ಸೆಟ್ಟಿಂಗ್ ಮಾಡಿದ ನಂತರ ನೀವು ಇತರರ ಮೆಸೇಜ್‌ಗಳನ್ನು ಓದಿದರೂ ಅವರಿಗೆ ಬ್ಲೂ ಟಿಕ್ ಕಾಣಿಸುವುದಿಲ್ಲ. ಆದರೆ ನೀವು ಕಳುಹಿಸಿದ ಮೆಸೇಜ್‌ಗಳನ್ನು ಇತರರು ಓದಿದರೂ ನಿಮಗೂ ಬ್ಲೂ ಟಿಕ್ ಕಾಣಿಸುವುದಿಲ್ಲ.

ನೋಟಿಫಿಕೇಶನ್ ಪ್ಯಾನೆಲ್‌ನಲ್ಲೇ ಮೆಸೇಜ್ ಓದಿ

ಮತ್ತೊಂದು ಮಾರ್ಗವೆಂದರೆ ಫೋನ್‌ನ Notification Bar.

ನಿಮ್ಮ ಫೋನ್‌ಗೆ WhatsApp ಮೆಸೇಜ್ ಬಂದಾಗ ನೋಟಿಫಿಕೇಶನ್ ಪ್ಯಾನೆಲ್‌ನಲ್ಲೇ ಅದರ ವಿಷಯವನ್ನು ಓದಬಹುದು. ಇದಕ್ಕಾಗಿ WhatsApp ಆ್ಯಪ್ ಓಪನ್ ಮಾಡುವ ಅಗತ್ಯವಿಲ್ಲ. ಹೀಗಾಗಿ WhatsApp‌ನಲ್ಲಿ ಆನ್‌ಲೈನ್ ಸ್ಟೇಟಸ್ ಕಾಣಿಸಿಕೊಳ್ಳುವ ಸಾಧ್ಯತೆಯನ್ನು ತಪ್ಪಿಸಬಹುದು.

Airplane Mode ಮೂಲಕವೂ ಓದಬಹುದು

WhatsApp ಒಳಗೆ ಹೋಗಿ ಮೆಸೇಜ್ ಓದಲೇಬೇಕಾದರೆ Airplane Mode ಬಳಸಬಹುದು.

ಮೊದಲು ಮೊಬೈಲ್ ಡೇಟಾ ಅಥವಾ Wi-Fi ಆಫ್ ಮಾಡಿ, ನಂತರ Airplane Mode ಆನ್ ಮಾಡಬೇಕು. ಬಳಿಕ WhatsApp ಓಪನ್ ಮಾಡಿ ಮೆಸೇಜ್ ಓದಿದ ನಂತರ ಆ್ಯಪ್ ಅನ್ನು ಸಂಪೂರ್ಣವಾಗಿ ಕ್ಲೋಸ್ ಮಾಡಬೇಕು. Recent Appsನಿಂದಲೂ WhatsApp ಅನ್ನು ತೆಗೆದುಹಾಕಿದ ಬಳಿಕ Airplane Mode ಆಫ್ ಮಾಡಿ ಇಂಟರ್‌ನೆಟ್ ಆನ್ ಮಾಡಬೇಕು.

Androidನಲ್ಲಿ WhatsApp Widget

ಆಂಡ್ರಾಯ್ಡ್ ಫೋನ್‌ಗಳಲ್ಲಿ WhatsApp Widget ಅನ್ನು ಹೋಮ್ ಸ್ಕ್ರೀನ್‌ಗೆ ಸೇರಿಸಿಕೊಳ್ಳುವುದು ಮತ್ತೊಂದು ಮಾರ್ಗವಾಗಿದೆ.

ಇದಕ್ಕಾಗಿ ಹೋಮ್ ಸ್ಕ್ರೀನ್ ಮೇಲೆ ಲಾಂಗ್ ಪ್ರೆಸ್ ಮಾಡಿ Widgets → WhatsApp ಆಯ್ಕೆ ಮಾಡಿ ಹೋಮ್ ಸ್ಕ್ರೀನ್‌ಗೆ ಸೇರಿಸಬೇಕು. ಹೀಗೆ ಮಾಡಿದರೆ WhatsApp ಆ್ಯಪ್ ಓಪನ್ ಮಾಡದೆಯೇ ಹೋಮ್ ಸ್ಕ್ರೀನ್‌ನಿಂದಲೇ ಹೊಸ ಮೆಸೇಜ್‌ಗಳನ್ನು ನೋಡಬಹುದು.

ತಕ್ಷಣ ಪ್ರತಿಕ್ರಿಯಿಸಲು ಸಾಧ್ಯವಾಗದ ಸಂದರ್ಭದಲ್ಲಿ ಮೆಸೇಜ್‌ನ್ನು ತಿಳಿದುಕೊಳ್ಳಲು ಈ ವಿಧಾನಗಳು ಉಪಯುಕ್ತವಾಗಬಹುದು. ಗೌಪ್ಯತೆಗಾಗಿ ಥರ್ಡ್ ಪಾರ್ಟಿ ಆ್ಯಪ್‌ಗಳ ಮೇಲೆ ಅವಲಂಬಿಸುವ ಬದಲು WhatsAppನಲ್ಲಿರುವ ಅಧಿಕೃತ ಸೆಟ್ಟಿಂಗ್ಸ್‌ಗಳನ್ನು ಬಳಸುವುದು ಉತ್ತಮ.