ಇಮ್ರಾನ್ ಖಾನ್ ಆರೋಗ್ಯದ ಬಗ್ಗೆ 21 ಮಾಜಿ ಕ್ರಿಕೆಟ್ ನಾಯಕರಿಂದ ಶಹಬಾಜ್ ಷರೀಫ್‌ಗೆ ಮನವಿ

ಇಸ್ಲಾಮಾಬಾದ್-ಪಾಕಿಸ್ತಾನದ ಪ್ರಧಾನಿ ಮಿಯಾನ್ ಮುಹಮ್ಮದ್ ಶಹಬಾಜ್ ಷರೀಫ್ ಅವರಿಗೆ ವಿಶ್ವದ ದಿಗ್ಗಜ ಕ್ರಿಕೆಟಿಗರು ಮತ್ತೊಮ್ಮೆ ಪತ್ರ ಬರೆದಿದ್ದಾರೆ.

ಜೈಲಿನಲ್ಲಿರುವ ಪಾಕಿಸ್ತಾನದ ಮಾಜಿ ಪ್ರಧಾನಿ ಹಾಗೂ ವಿಶ್ವಕಪ್ ವಿಜೇತ ಮಾಜಿ ನಾಯಕ ಇಮ್ರಾನ್ ಖಾನ್ ಅವರ ಆರೋಗ್ಯ ಹಾಗೂ ವೈದ್ಯಕೀಯ ಚಿಕಿತ್ಸೆಯ ಕುರಿತು ಜಗತ್ತಿನ 21 ಮಾಜಿ ಅಂತರರಾಷ್ಟ್ರೀಯ ಕ್ರಿಕೆಟ್ ನಾಯಕರು ತೀವ್ರ ಕಳವಳ ವ್ಯಕ್ತಪಡಿಸಿದ್ದಾರೆ.

ಗಡಿಗಳು ಹಾಗೂ ರಾಜಕೀಯ ಭಿನ್ನಾಭಿಪ್ರಾಯಗಳನ್ನು ಮೀರಿ ಕ್ರೀಡಾ ಲೋಕದ ಬಾಂಧವ್ಯದ ಹಿನ್ನೆಲೆಯಲ್ಲಿ ಈ ತುರ್ತು ಮನವಿಯನ್ನು ಮಾಡಲಾಗಿದೆ.

ಮೂರು ಪ್ರಮುಖ ಒತ್ತಾಯಗಳು

ಇಮ್ರಾನ್ ಖಾನ್ ಅವರಿಗೆ ಸೂಕ್ತ ವೈದ್ಯಕೀಯ ಚಿಕಿತ್ಸೆ, ಕುಟುಂಬ ಸದಸ್ಯರ ಭೇಟಿಗೆ ಅವಕಾಶ ಹಾಗೂ ನ್ಯಾಯಾಲಯದ ನಿರ್ದೇಶನದಂತೆ ಸ್ವತಂತ್ರ ವೈದ್ಯಕೀಯ ಪರೀಕ್ಷೆ ನಡೆಸಬೇಕು ಎಂದು 21 ಮಂದಿ ಮಾಜಿ ಅಂತರರಾಷ್ಟ್ರೀಯ ಕ್ರಿಕೆಟ್ ನಾಯಕರು ಪಾಕಿಸ್ತಾನ ಪ್ರಧಾನಿ ಶಹಬಾಜ್ ಷರೀಫ್ ಅವರಿಗೆ ಪತ್ರ ಬರೆದು ಒತ್ತಾಯಿಸಿದ್ದಾರೆ.

ಭಾರತದ ಮಾಜಿ ನಾಯಕರುಗಳಾದ ಸುನಿಲ್ ಗವಾಸ್ಕರ್, ಕಪಿಲ್ ದೇವ್ ಮತ್ತು ದಿಲೀಪ್ ವೆಂಗ್‌ಸರ್ಕಾರ್ ಸೇರಿದಂತೆ ಆಸ್ಟ್ರೇಲಿಯಾ, ಇಂಗ್ಲೆಂಡ್, ವೆಸ್ಟ್ ಇಂಡೀಸ್, ಶ್ರೀಲಂಕಾ, ನ್ಯೂಜಿಲೆಂಡ್ ಹಾಗೂ ಇತರ ಕ್ರಿಕೆಟ್ ರಾಷ್ಟ್ರಗಳ ಮಾಜಿ ನಾಯಕರೂ ಈ ಮನವಿಗೆ ಸಹಿ ಹಾಕಿದ್ದಾರೆ. ಮೈಕೆಲ್ ಅಥರ್ಟನ್, ಅಲನ್ ಬಾರ್ಡರ್, ಗ್ರೆಗ್ ಚಾಪೆಲ್, ಇಯಾನ್ ಚಾಪೆಲ್, ಬೆಲಿಂಡಾ ಕ್ಲಾರ್ಕ್, ಸರ್ ಅಲಸ್ಟೇರ್ ಕುಕ್, ಆಡಂ ಗಿಲ್‌ಕ್ರಿಸ್ಟ್, ಕ್ಲೈವ್ ಲಾಯ್ಡ್, ಅರ್ಜುನ ರಣತುಂಗ, ಆಂಡ್ರ್ಯೂ ಸ್ಟ್ರಾಸ್, ಸ್ಟೀಫನ್ ವಾ ಸೇರಿದಂತೆ 21 ಮಂದಿ ಪತ್ರದಲ್ಲಿ ತಮ್ಮ ಕಳವಳ ವ್ಯಕ್ತಪಡಿಸಿದ್ದಾರೆ.

ಮೂರು ವರ್ಷಕ್ಕೂ ಹೆಚ್ಚು ಕಾಲ ಜೈಲಿನಲ್ಲಿ

ಮೂರು ವರ್ಷಕ್ಕೂ ಹೆಚ್ಚು ಕಾಲ ಜೈಲಿನಲ್ಲಿ

73 ವರ್ಷದ ಇಮ್ರಾನ್ ಖಾನ್ ಅವರು 2023ರ ಆಗಸ್ಟ್‌ನಿಂದ ಜೈಲಿನಲ್ಲಿದ್ದಾರೆ. 2022ರಲ್ಲಿ ಪ್ರಧಾನಮಂತ್ರಿ ಸ್ಥಾನದಿಂದ ಕೆಳಗಿಳಿದ ಬಳಿಕ ಅವರ ವಿರುದ್ಧ ಹಲವು ಪ್ರಕರಣಗಳು ದಾಖಲಾಗಿದ್ದು, ಅವರು ಜೈಲಿನಲ್ಲೇ ಮುಂದುವರಿದಿದ್ದಾರೆ. ತಮ್ಮ ವಿರುದ್ಧದ ಪ್ರಕರಣಗಳು ರಾಜಕೀಯ ಪ್ರೇರಿತವೆಂದು ಇಮ್ರಾನ್ ಖಾನ್ ಆರೋಪಿಸುತ್ತಿದ್ದರೆ, ಪಾಕಿಸ್ತಾನ ಸರ್ಕಾರ ಈ ಆರೋಪಗಳನ್ನು ತಳ್ಳಿಹಾಕಿದೆ.

ಈ ನಡುವೆ ಇಮ್ರಾನ್ ಖಾನ್ ಅವರ ಆರೋಗ್ಯದ ಬಗ್ಗೆ ಅವರ ಕುಟುಂಬ ಹಾಗೂ ಪಾಕಿಸ್ತಾನ್ ತೆಹ್ರೀಕ್-ಎ-ಇನ್ಸಾಫ್‌ (PTI) ಪಕ್ಷ ನಿರಂತರವಾಗಿ ಆತಂಕ ವ್ಯಕ್ತಪಡಿಸುತ್ತಿದೆ. ವಿಶೇಷವಾಗಿ ಅವರ ಬಲಗಣ್ಣಿನ ದೃಷ್ಟಿ ತೀವ್ರವಾಗಿ ಕುಂಠಿತವಾಗಿದೆ ಎಂಬ ಆರೋಪಗಳು ಈ ವರ್ಷದ ಆರಂಭದಿಂದಲೇ ಕೇಳಿಬಂದಿದ್ದವು. ಅವರ ಕುಟುಂಬವು ದೃಷ್ಟಿ ಶೇ.85ರಷ್ಟು ಕಳೆದುಕೊಂಡಿದ್ದಾರೆ ಎಂದು ಹೇಳಿದ್ದರೆ, ಪಾಕಿಸ್ತಾನ ಸರ್ಕಾರ ಇದನ್ನು ಪ್ರಶ್ನಿಸಿತ್ತು. ಮತ್ತೊಂದೆಡೆ, ಜೈಲು ಅಧಿಕಾರಿಗಳು ಆಗಸ್ಟ್ 17ರಂದು ಸಲ್ಲಿಸಿದ್ದ ವರದಿಯಲ್ಲಿ ಚಿಕಿತ್ಸೆ ಬಳಿಕ ಅವರ ಕಣ್ಣಿನ ದೃಷ್ಟಿ ಬಹುತೇಕ ಸಾಮಾನ್ಯ ಸ್ಥಿತಿಗೆ ಮರಳಿದೆ ಎಂದು ಹೇಳಿದ್ದರು.

ಸುಪ್ರೀಂ ಕೋರ್ಟ್ ಮಧ್ಯಪ್ರವೇಶ

ಸುಪ್ರೀಂ ಕೋರ್ಟ್ ಮಧ್ಯಪ್ರವೇಶ

ಆರೋಗ್ಯದ ವಿಚಾರದಲ್ಲಿ ಕುಟುಂಬ ಹಾಗೂ ಕಾನೂನು ತಂಡ ಸಲ್ಲಿಸಿದ್ದ ಅರ್ಜಿಗಳ ಹಿನ್ನೆಲೆಯಲ್ಲಿ ಪಾಕಿಸ್ತಾನದ ಸುಪ್ರೀಂ ಕೋರ್ಟ್ ಆಗಸ್ಟ್ 18ರಂದು ಮಹತ್ವದ ಆದೇಶ ನೀಡಿತ್ತು. ಇಮ್ರಾನ್ ಖಾನ್ ಅವರನ್ನು ಇಸ್ಲಾಮಾಬಾದ್‌ನ ಶಿಫಾ ಇಂಟರ್‌ನ್ಯಾಷನಲ್ ಆಸ್ಪತ್ರೆಗೆ ಸ್ಥಳಾಂತರಿಸಿ ವೈದ್ಯಕೀಯ ತಪಾಸಣೆ ಮತ್ತು ಚಿಕಿತ್ಸೆಗೆ ಒಳಪಡಿಸುವಂತೆ ನ್ಯಾಯಾಲಯ ಸೂಚಿಸಿತ್ತು. ಅವರ ವೈಯಕ್ತಿಕ ವೈದ್ಯರು ಸೇರಿದಂತೆ ತಜ್ಞರನ್ನು ಒಳಗೊಂಡ ವೈದ್ಯಕೀಯ ಮಂಡಳಿಯನ್ನು ರಚಿಸುವಂತೆಯೂ ನಿರ್ದೇಶಿಸಲಾಗಿತ್ತು. ಜೊತೆಗೆ ಕುಟುಂಬ ಸದಸ್ಯರೊಂದಿಗೆ ವಾರಕ್ಕೊಮ್ಮೆ ಭೇಟಿಯಾಗುವ ಅವಕಾಶವನ್ನು ಮರುಸ್ಥಾಪಿಸಲಾಯಿತು.

ಸುಮಾರು ಒಂಬತ್ತು ತಿಂಗಳ ಬಳಿಕ ಇಮ್ರಾನ್ ಖಾನ್ ತಮ್ಮ ಪತ್ನಿ ಬುಷ್ರಾ ಬೀಬಿ ಹಾಗೂ ಸಹೋದರಿಯನ್ನು ಭೇಟಿಯಾಗಲು ಅವಕಾಶ ಪಡೆದಿದ್ದರು. ಕುಟುಂಬ ಭೇಟಿಗಳ ಮೇಲಿನ ನಿರ್ಬಂಧಗಳ ವಿಚಾರವೂ ನ್ಯಾಯಾಲಯದ ಮುಂದೆ ಪ್ರಮುಖ ವಿಷಯವಾಗಿತ್ತು.

ಆಸ್ಪತ್ರೆಯಿಂದ ಕೆಲವೇ ಗಂಟೆಗಳಲ್ಲಿ ಜೈಲಿಗೆ ವಾಪಸ್

ಆಸ್ಪತ್ರೆಯಿಂದ ಕೆಲವೇ ಗಂಟೆಗಳಲ್ಲಿ ಜೈಲಿಗೆ ವಾಪಸ್

ಸುಪ್ರೀಂ ಕೋರ್ಟ್ ಆದೇಶದ ಬಳಿಕ ಇಮ್ರಾನ್ ಖಾನ್ ಅವರನ್ನು ಆಸ್ಪತ್ರೆಯೊಂದಕ್ಕೆ ಕರೆದೊಯ್ಯಲಾಯಿತು. ಆದರೆ ಅಲ್ಲಿನ ವೈದ್ಯಕೀಯ ಪ್ರಕ್ರಿಯೆ ನಿರೀಕ್ಷಿತ ಅವಧಿಯವರೆಗೆ ಮುಂದುವರಿಯಲಿಲ್ಲ. ಸರ್ಕಾರ ನೇಮಿಸಿದ ವೈದ್ಯಕೀಯ ತಂಡವು ಅವರನ್ನು ಪರೀಕ್ಷಿಸಿ ಅವರು ವೈದ್ಯಕೀಯವಾಗಿ ಸದೃಢರಾಗಿದ್ದಾರೆ ಎಂದು ಘೋಷಿಸಿದ ಬಳಿಕ ಅವರನ್ನು ಮತ್ತೆ ಆದಿಯಾಲಾ ಜೈಲಿಗೆ ಕಳುಹಿಸಲಾಯಿತು. ಇಮ್ರಾನ್ ಖಾನ್ ಅವರ ಪಕ್ಷ ಮತ್ತು ಕಾನೂನು ತಂಡವು, ಇದು ಸುಪ್ರೀಂ ಕೋರ್ಟ್ ನೀಡಿದ್ದ ನಿರ್ದೇಶನದ ಆಶಯಕ್ಕೆ ವಿರುದ್ಧವಾಗಿದೆ ಎಂದು ಆರೋಪಿಸಿದೆ.

ಇದಕ್ಕೆ ಪ್ರತಿಯಾಗಿ ಪಾಕಿಸ್ತಾನ ಸರ್ಕಾರವು ಇಮ್ರಾನ್ ಖಾನ್ ಅವರಿಗೆ ಅಗತ್ಯ ವೈದ್ಯಕೀಯ ಸೌಲಭ್ಯಗಳನ್ನು ಒದಗಿಸಲಾಗುತ್ತಿದೆ ಎಂದು ಹೇಳಿದೆ. ಜೈಲಿನಲ್ಲಿರುವಾಗ ಅವರಿಗೆ ಹಲವು ಬಾರಿ ವೈದ್ಯಕೀಯ ಪರೀಕ್ಷೆ ನಡೆಸಲಾಗಿದೆ ಮತ್ತು ಆರೋಗ್ಯದ ಬಗ್ಗೆ ಸರ್ಕಾರದ ದಾಖಲೆಗಳಲ್ಲಿ ಗಂಭೀರ ಸಮಸ್ಯೆ ಕಂಡುಬಂದಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಸರ್ಕಾರವು ಅವರ ಮೇಲಿನ ದುರ್ವ್ಯವಹಾರ ಹಾಗೂ ವೈದ್ಯಕೀಯ ನಿರ್ಲಕ್ಷ್ಯದ ಆರೋಪಗಳನ್ನೂ ತಳ್ಳಿಹಾಕಿದೆ.

ಫೆಬ್ರವರಿಯ ಮನವಿಯ ಮುಂದುವರಿದ ರೂಪ

ಫೆಬ್ರವರಿಯ ಮನವಿಯ ಮುಂದುವರಿದ ರೂಪ

ಇಂದಿನ 21 ಮಾಜಿ ನಾಯಕರ ಪತ್ರವು ಹೊಸ ಮನವಿಯಲ್ಲ. ಇದೇ ವರ್ಷದ ಫೆಬ್ರವರಿಯಲ್ಲಿ 14 ಮಂದಿ ಮಾಜಿ ಅಂತರರಾಷ್ಟ್ರೀಯ ಕ್ರಿಕೆಟ್ ನಾಯಕರು ಇಮ್ರಾನ್ ಖಾನ್ ಅವರಿಗೆ ಮಾನವೀಯ ವರ್ತನೆ ಹಾಗೂ ಸೂಕ್ತ ವೈದ್ಯಕೀಯ ಆರೈಕೆ ಒದಗಿಸುವಂತೆ ಪಾಕಿಸ್ತಾನ ಸರ್ಕಾರಕ್ಕೆ ಮನವಿ ಮಾಡಿದ್ದರು. ಇದೀಗ ಇತ್ತೀಚಿನ ಬೆಳವಣಿಗೆಗಳ ಹಿನ್ನೆಲೆಯಲ್ಲಿ ಮತ್ತಷ್ಟು ಏಳು ಮಂದಿ ಮಾಜಿ ನಾಯಕರು ಅವರೊಂದಿಗೆ ಕೈಜೋಡಿಸಿದ್ದು, ಒಟ್ಟು 21 ಮಂದಿ ಪ್ರಧಾನಿ ಶಹಬಾಜ್ ಷರೀಫ್ ಅವರಿಗೆ ಪತ್ರ ಬರೆದಿದ್ದಾರೆ.

ಪತ್ರದಲ್ಲಿ ಮಾಜಿ ನಾಯಕರು ತಾವು ರಾಜಕೀಯ ಉದ್ದೇಶದಿಂದ ಈ ಮನವಿ ಮಾಡುತ್ತಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಕ್ರಿಕೆಟ್ ಮೈದಾನದಲ್ಲಿ ಇಮ್ರಾನ್ ಖಾನ್ ಅವರೊಂದಿಗೆ ಸಹ ಆಟಗಾರರು, ಎದುರಾಳಿಗಳು ಹಾಗೂ ಸಹೋದ್ಯೋಗಿಗಳಾಗಿ ಬೆಸೆದುಕೊಂಡಿರುವ ಬಾಂಧವ್ಯದ ಹಿನ್ನೆಲೆಯಲ್ಲಿ ಈ ಮನವಿ ಮಾಡುತ್ತಿರುವುದಾಗಿ ತಿಳಿಸಿದ್ದಾರೆ.

ಮೂರು ಪ್ರಮುಖ ಬೇಡಿಕೆ

ಮಾಜಿ ಕ್ರಿಕೆಟ್ ನಾಯಕರು ಪಾಕಿಸ್ತಾನ ಸರ್ಕಾರದ ಮುಂದೆ ಪ್ರಮುಖವಾಗಿ ಮೂರು ಬೇಡಿಕೆಗಳನ್ನು ಇಟ್ಟಿದ್ದಾರೆ:

ಸುಪ್ರೀಂ ಕೋರ್ಟ್ ನಿರ್ದೇಶಿಸಿದ ವೈದ್ಯಕೀಯ ಮಂಡಳಿಗೆ, ಇಮ್ರಾನ್ ಖಾನ್ ಅವರ ವೈಯಕ್ತಿಕ ವೈದ್ಯರು ಮತ್ತು ಸಹೋದರಿ ಡಾ. ಉಜ್ಮಾ ಖಾನ್ ಅವರನ್ನು ಒಳಗೊಂಡಂತೆ, ಸಂಪೂರ್ಣ ಹಾಗೂ ಸ್ವತಂತ್ರ ಆರೋಗ್ಯ ತಪಾಸಣೆ ಪೂರ್ಣಗೊಳಿಸಲು ಅವಕಾಶ ನೀಡಬೇಕು.

ವಾರದ ಕುಟುಂಬ ಭೇಟಿಯ ಹಕ್ಕನ್ನು ಯಾವುದೇ ಆಡಳಿತಾತ್ಮಕ ವಿಳಂಬ ಅಥವಾ ಅಡ್ಡಿಯಿಲ್ಲದೆ ಜಾರಿಗೊಳಿಸಬೇಕು.

ವೈದ್ಯಕೀಯ ಪರೀಕ್ಷೆಯ ಬಳಿಕ ಯಾವುದೇ ಚಿಕಿತ್ಸೆ ಶಿಫಾರಸು ಮಾಡಿದರೂ ಅದನ್ನು ತಕ್ಷಣವೇ ಒದಗಿಸಬೇಕು.

ರಾಜಕೀಯಕ್ಕಿಂತ ಆರೋಗ್ಯದ ಪ್ರಶ್ನೆ

ರಾಜಕೀಯಕ್ಕಿಂತ ಆರೋಗ್ಯದ ಪ್ರಶ್ನೆ

ಈ ಬೆಳವಣಿಗೆಯ ಪ್ರಮುಖ ಅಂಶವೆಂದರೆ, ಇಮ್ರಾನ್ ಖಾನ್ ಅವರ ರಾಜಕೀಯ ಪ್ರಕರಣಗಳ ಬಗ್ಗೆ ಯಾವುದೇ ತೀರ್ಪು ನೀಡದೆ, ಅವರ ಆರೋಗ್ಯ ಮತ್ತು ನ್ಯಾಯಾಲಯದ ಆದೇಶದ ಅನುಷ್ಠಾನಕ್ಕೆ ಮಾತ್ರ ಮಾಜಿ ಕ್ರಿಕೆಟ್ ನಾಯಕರು ಒತ್ತು ನೀಡಿದ್ದಾರೆ. ಹೀಗಾಗಿ ಈ ಪತ್ರವು ಪಾಕಿಸ್ತಾನದ ಆಂತರಿಕ ರಾಜಕೀಯದಲ್ಲಿ ನೇರ ಹಸ್ತಕ್ಷೇಪಕ್ಕಿಂತ ಮಾನವೀಯ ಹಾಗೂ ವೈದ್ಯಕೀಯ ಕಾಳಜಿಯ ಮನವಿಯಾಗಿ ರೂಪುಗೊಂಡಿದೆ.

ಇಮ್ರಾನ್ ಖಾನ್ ಅವರು ಪಾಕಿಸ್ತಾನದ ರಾಜಕೀಯ ನಾಯಕ ಮಾತ್ರವಲ್ಲದೆ, 1992ರಲ್ಲಿ ದೇಶಕ್ಕೆ ಮೊದಲ ಕ್ರಿಕೆಟ್ ವಿಶ್ವಕಪ್ ಗೆದ್ದುಕೊಟ್ಟ ನಾಯಕ ಎಂಬ ಕಾರಣಕ್ಕೆ ಅಂತರರಾಷ್ಟ್ರೀಯ ಕ್ರಿಕೆಟ್ ವಲಯದಲ್ಲಿ ವಿಶಿಷ್ಟ ಸ್ಥಾನ ಹೊಂದಿದ್ದಾರೆ. ಇದೇ ಹಿನ್ನೆಲೆಯಲ್ಲಿ ಗವಾಸ್ಕರ್, ಕಪಿಲ್ ದೇವ್, ಗ್ರೆಗ್ ಚಾಪೆಲ್, ಅಲನ್ ಬಾರ್ಡರ್, ಕ್ಲೈವ್ ಲಾಯ್ಡ್ ಸೇರಿದಂತೆ ವಿವಿಧ ದೇಶಗಳ ಮಾಜಿ ನಾಯಕರ ಒಗ್ಗಟ್ಟಿನ ಧ್ವನಿ ಮಹತ್ವ ಪಡೆದುಕೊಂಡಿದೆ.

ಇಮ್ರಾನ್ ಖಾನ್ ಅವರ ಆರೋಗ್ಯದ ವಿಚಾರ ಇದೀಗ ಪಾಕಿಸ್ತಾನದ ಜೈಲು ವ್ಯವಸ್ಥೆ, ನ್ಯಾಯಾಂಗದ ಆದೇಶಗಳ ಅನುಷ್ಠಾನ ಮತ್ತು ರಾಜಕೀಯ ಸಂಘರ್ಷವನ್ನು ಮೀರಿ ಅಂತರರಾಷ್ಟ್ರೀಯ ಕ್ರಿಕೆಟ್ ಸಮುದಾಯದ ಗಮನ ಸೆಳೆದಿದೆ. ಸುಪ್ರೀಂ ಕೋರ್ಟ್ ನಿರ್ದೇಶಿಸಿದ ವೈದ್ಯಕೀಯ ಪ್ರಕ್ರಿಯೆ ಸಂಪೂರ್ಣಗೊಳ್ಳಬೇಕು, ಕುಟುಂಬ ಭೇಟಿಗೆ ಅವಕಾಶ ಇರಬೇಕು ಹಾಗೂ ಅಗತ್ಯ ಚಿಕಿತ್ಸೆ ವಿಳಂಬವಿಲ್ಲದೆ ದೊರೆಯಬೇಕು ಎಂಬ 21 ಮಾಜಿ ನಾಯಕರ ಒತ್ತಾಯ ಈಗ ಶಹಬಾಜ್ ಷರೀಫ್ ಸರ್ಕಾರದ ಮುಂದಿರುವ ಪ್ರಮುಖ ಮಾನವೀಯ ಮನವಿಯಾಗಿದೆ. �

I

[8 ಸಹೋದರಿ ಡಾ. ಉಜ್ಮಾ ಖಾನ್ ಅವರನ್ನು ಒಳಗೊಂಡ ವೈದ್ಯಕೀಯ ಮಂಡಳಿಯಿಂದ ತಪಾಸಣೆ ನಡೆಸಲು ಪಾಕಿಸ್ತಾನದ ಸುಪ್ರೀಂ ಕೋರ್ಟ್ ಆದೇಶಿಸಿತ್ತು. ಆದರೆ ಆಸ್ಪತ್ರೆಯಲ್ಲಿ ಕೇವಲ ಕೆಲವೇ ಗಂಟೆಗಳ ಕಾಲ ಇರಿಸಲಾಗಿದ್ದು, ಕೋರ್ಟ್ ಸೂಚಿಸಿದ ಮಂಡಳಿಯ ಬದಲಿಗೆ ಸರ್ಕಾರಿ ತಂಡವು ಪರೀಕ್ಷಿಸಿ ಅವರನ್ನು “ವೈದ್ಯಕೀಯವಾಗಿ ಸದೃಢ” ಎಂದು ಘೋಷಿಸಿ ಮತ್ತೆ ಆದಿಯಾಲಾ ಜೈಲಿಗೆ ಕಳುಹಿಸಿದೆ. ಇದು ನ್ಯಾಯಾಲಯದ ಆದೇಶಕ್ಕೆ ವಿರುದ್ಧವಾಗಿದೆ ಎಂದು ಕುಟುಂಬ ಮತ್ತು ಕಾನೂನು ತಂಡ ಆಪಾದಿಸಿದೆ.

​ಪ್ರಮುಖರ ಬೇಡಿಕೆಗಳು:

​ಸುಪ್ರೀಂ ಕೋರ್ಟ್ ನಿರ್ದೇಶನದಂತೆ ಇಮ್ರಾನ್ ಖಾನ್ ಅವರ ವೈದ್ಯರನ್ನೊಳಗೊಂಡ ಸ್ವತಂತ್ರ ವೈದ್ಯಕೀಯ ಮಂಡಳಿಯು ಅವರ ಆರೋಗ್ಯದ (ವಿಶೇಷವಾಗಿ ಬಲಗಣ್ಣಿನ ದೃಷ್ಟಿ ದೋಷದ ವರದಿಗಳ ಕುರಿತು) ಸಂಪೂರ್ಣ ತಪಾಸಣೆ ನಡೆಸಲು ಅವಕಾಶ ನೀಡಬೇಕು.

​ನ್ಯಾಯಾಲಯ ಮರುಸ್ಥಾಪಿಸಿರುವ ವಾರದ ಕುಟುಂಬ ಭೇಟಿಯ ಅವಕಾಶವನ್ನು ಯಾವುದೇ ಅಡಚಣೆ ಇಲ್ಲದೆ ಜಾರಿಗೊಳಿಸಬೇಕು.

​ವೈದ್ಯಕೀಯ ಮಂಡಳಿಯ ಶಿಫಾರಸಿನ ಮೇರೆಗೆ ಅಗತ್ಯ ಚಿಕಿತ್ಸೆಯನ್ನು ತಡಮಾಡದೆ ಒದಗಿಸಬೇಕು.

​ಪ್ರಮುಖ ಸಹಿ ಹಾಕಿದ ದಿಗ್ಗಜರು

​ಭಾರತದಿಂದ ಪದ್ಮಭೂಷಣ ಸುನಿಲ್ ಗವಾಸ್ಕರ್ ಹಾಗೂ ಪದ್ಮಭೂಷಣ ಕಪಿಲ್ ದೇವ್ ನಿಖಾಂಜ್, ಪದ್ಮಶ್ರೀ ದಿಲೀಪ್ ವೆಂಗ್‌ಸರ್ಕಾರ್ ಅವರಲ್ಲದೆ, ಆಸ್ಟ್ರೇಲಿಯಾದ ಅಲನ್ ಬಾರ್ಡರ್, ಗ್ರೆಗ್ ಚಾಪೆಲ್, ಇಯಾನ್ ಚಾಪೆಲ್, ಆಡಮ್ ಗಿಲ್‌ಕ್ರಿಸ್ಟ್, ಸ್ಟೀಫನ್ ವಾ, ಇಂಗ್ಲೆಂಡ್‌ ನ ಮೇಕಲ್ ಅಥರ್ಟನ್, ಸರ್ ಅಲಸ್ಟೇರ್ ಕುಕ್, ನಾಸರ್ ಹುಸೇನ್, ಸರ್ ಆಂಡ್ರ್ಯೂ ಸ್ಟ್ರಾಸ್ ಹಾಗೂ ವೆಸ್ಟ್ ಇಂಡೀಸ್‌ನ ಸರ್ ಕ್ಲೈವ್ ಲಾಯ್ಡ್ ಸೇರಿದಂತೆ ಒಟ್ಟು 21 ಜನ ಅಂತರರಾಷ್ಟ್ರೀಯ ನಾಯಕರು ಈ ಪತ್ರವನ್ನು ಬೆಂಬಲಿಸಿ ಸಹಿ ಹಾಕಿದ್ದಾರೆ.

​73 ವರ್ಷ ವಯಸ್ಸಿನ ಇಮ್ರಾನ್ ಖಾನ್ ಅವರು ಮೂರು ವರ್ಷಗಳಿಗೂ ಹೆಚ್ಚು ಕಾಲದಿಂದ ಬಂಧನದಲ್ಲಿದ್ದು, ರಾಜಕೀಯ ವಾದ-ವಿವಾದಗಳನ್ನು ಬದಿಗಿಟ್ಟು ಕೋರ್ಟ್ ಆದೇಶದಂತೆ ಮಾನವೀಯ ನೆಲೆಯಲ್ಲಿ ಮೂಲಭೂತ ವೈದ್ಯಕೀಯ ಸೌಲಭ್ಯ ಕಲ್ಪಿಸುವುದು ಎಲ್ಲ ರಾಷ್ಟ್ರಗಳೂ ಒಪ್ಪುವ ಮೂಲಭೂತ ಸೌಜನ್ಯವಾಗಿದೆ ಎಂದು ನಾಯಕರು ತಮ್ಮ ಪತ್ರದಲ್ಲಿ ಒತ್ತಿಹೇಳಿದ್ದಾರೆ.