ಐಪಿಎಲ್‌ನ ಮುಂಬರುವ ಆವೃತ್ತಿಗೂ ಮುನ್ನವೇ ಫ್ರಾಂಚೈಸಿಗಳ ನಡುವೆ ಆಟಗಾರರ ಅದ his (ಟ್ರೇಡ್ ಡೀಲ್) ಚರ್ಚೆಗಳು ಕಾವು ಪಡೆದುಕೊಂಡಿವೆ. ಭಾರತ ಕ್ರಿಕೆಟ್ ತಂಡದ ಮಾಜಿ ಆಟಗಾರ ಹಾಗೂ ಖ್ಯಾತ ನಿರೂಪಕ ಆಕಾಶ್ ಚೋಪ್ರಾ ಅವರು ಕೋಲ್ಕತ್ತ ನೈಟ್ ರೈಡರ್ಸ್ (ಕೆಕೆಆರ್) ಮತ್ತು ಗುಜರಾತ್ ಟೈಟನ್ಸ್ ನಡುವೆ ಸಂಭಾವ್ಯ ಬೃಹತ್ ಟ್ರೇಡ್ ಡೀಲ್ ಒಂದರ ಬಗ್ಗೆ ಆಸಕ್ತಿಕರ ಸಲಹೆ ನೀಡಿದ್ದಾರೆ.
ತಮ್ಮ ಯೂಟ್ಯೂಬ್ ಚಾನೆಲ್‌ನಲ್ಲಿ ಮಾತನಾಡಿದ ಆಕಾಶ್ ಚೋಪ್ರಾ, ಕೆಕೆಆರ್ ತಂಡವು ತನ್ನ ಸ್ಫೋಟಕ ಬ್ಯಾಟರ್ ರಿಂಕು ಸಿಂಗ್ ಅವರನ್ನು ಬಿಟ್ಟುಕೊಟ್ಟು, ಬದಲಿಗೆ ಗುಜರಾತ್ ಟೈಟನ್ಸ್‌ನ ಪ್ರಮುಖ ವೇಗಿ ಮಹಮ್ಮದ್ ಸಿರಾಜ್ ಅಥವಾ ಗುರ್ನೂರ್ ಬ್ರಾರ್ ಅವರನ್ನು ಪಡೆಯುವ ಸಾಧ್ಯತೆಗಳ ಬಗ್ಗೆ ವಿಶ್ಲೇಷಿಸಿದ್ದಾರೆ. ಕೆಕೆಆರ್ ತಂಡಕ್ಕೆ ಭಾರತೀಯ ಗುಣಮಟ್ಟದ ವೇಗದ ಬೌಲರ್‌ನ ಅಗತ್ಯವಿದ್ದರೆ, ಗುಜರಾತ್ ಟೈಟನ್ಸ್ ತಂಡಕ್ಕೆ ಮಧ್ಯಮ ಕ್ರಮಾಂಕವನ್ನು ಬಲಪಡಿಸಲು ರಿಂಕು ಸಿಂಗ್ ಸೂಕ್ತ ಆಯ್ಕೆಯಾಗಲಿದ್ದಾರೆ ಎಂಬುದು ಅವರ ಅಭಿಪ್ರಾಯ.
ಇದೇ ವೇಳೆ, ಪಂಜಾಬ್ ಕಿಂಗ್ಸ್ ಮತ್ತು ಗುಜರಾತ್ ಟೈಟನ್ಸ್ ನಡುವೆಯೂ ಇಂತಹದ್ದೇ ಒಂದು ಅದ pow ಡೀಲ್ ನಡೆಸಬಹುದು ಎಂದು ಚೋಪ್ರಾ ಹೇಳಿದ್ದಾರೆ. ಪಂಜಾಬ್ ತಂಡದಲ್ಲಿ ಸರಿಯಾಗಿ ಬಳಕೆಯಾಗದ ನೇಹಾಲ್ ವಧೇರಾ ಅಥವಾ ಶಶಾಂಕ್ ಸಿಂಗ್ ಅವರನ್ನು ನೀಡುವ ಮೂಲಕ ಗುಜರಾತ್ ತಂಡದಿಂದ ವೇಗಿ ಗುರ್ನೂರ್ ಬ್ರಾರ್ ಅವರನ್ನು ಪಡೆಯಬಹುದು. ಇದರಿಂದ ಭಾರತೀಯ ವೇಗಿಯ ಅಗತ್ಯವಿರುವ ಪಂಜಾಬ್‌ಗೂ ಮತ್ತು ಮಧ್ಯಮ ಕ್ರಮಾಂಕದ ಬ್ಯಾಟರ್ ಅಗತ್ಯವಿರುವ ಗುಜರಾತ್‌ಗೂ ದೊಡ್ಡ ಲಾಭವಾಗಲಿದೆ ಎಂದು ಅವರು ಪ್ರತಿಪಾದಿಸಿದ್ದಾರೆ.
