ಸ್ವರ್ಗದಿಂದ ಇಳಿದು ಬಂದ ದೇವಕನ್ಯೆಯಂತೆ ಮಿಂಚಿದ ಜೆಂಡಾಯಾ: ರೆಡ್ ಕಾರ್ಪೆಟ್‌ನಲ್ಲಿ ಇತಿಹಾಸ ಸೃಷ್ಟಿಸಿದ ನಟಿಯ ಹೊಸ ಲುಕ್!

ನ್ಯೂಯಾರ್ಕ್: ಬಾಲಿವುಡ್ ಅಥವಾ ಹಾಲಿವುಡ್ ಆಗಿರಲಿ, ರೆಡ್ ಕಾರ್ಪೆಟ್ ಫ್ಯಾಷನ್ ಎಂದ ತಕ್ಷಣ ಮೊದಲು ನೆನಪಿಗೆ ಬರುವ ಹೆಸರೇ ಜೆಂಡಾಯಾ. ತಮ್ಮ ವಿನೂತನ ಶೈಲಿಯ ಉಡುಪುಗಳ ಮೂಲಕ ಸದಾ ಸುದ್ದಿಯಲ್ಲಿರುವ ಈ ಹಾಲಿವುಡ್ ಐಕಾನ್, ಇದೀಗ ಮತ್ತೊಮ್ಮೆ ತಮ್ಮ ಅದ್ಭುತ ಫ್ಯಾಷನ್ ಮೂಲಕ ಇಡೀ ವಿಶ್ವದ ಗಮನ ಸೆಳೆದಿದ್ದಾರೆ. ಖ್ಯಾತ ನಿರ್ದೇಶಕ ಕ್ರಿಸ್ಟೋಫರ್ ನೋಲನ್ ಅವರ ಬಹುನಿರೀಕ್ಷಿತ ‘ದಿ ಒಡಿಸ್ಸಿ’ ಚಲನಚಿತ್ರದ ನ್ಯೂಯಾರ್ಕ್ ಪ್ರೀಮಿಯರ್ ಶೋನಲ್ಲಿ ಜೆಂಡಾಯಾ ದೇವಲೋಕದ ಕನ್ಯೆಯಂತೆ ಮಿಂಚಿದ್ದಾರೆ.

‘ದಿ ಒಡಿಸ್ಸಿ’ ಚಿತ್ರದಲ್ಲಿ ಜೆಂಡಾಯಾ ಗ್ರೀಕ್ ಪುರಾಣಗಳ ಜ್ಞಾನ ಮತ್ತು ಯುದ್ಧದ ದೇವತೆಯಾದ ‘ಅಥೀನಾ’ ಪಾತ್ರದಲ್ಲಿ ನಟಿಸಿದ್ದಾರೆ. ಚಿತ್ರದ ಈ ಪೌರಾಣಿಕ ಕಥಾಹಂದರಕ್ಕೆ ತಕ್ಕಂತೆ, ತಮ್ಮ ದೀರ್ಘಕಾಲದ ಸ್ಟೈಲಿಸ್ಟ್ ಲಾ ರೋಚ್ ಅವರೊಂದಿಗೆ ಸೇರಿ ಪ್ರಚಾರದ ಸಂದರ್ಭದಲ್ಲಿ ವಿಭಿನ್ನ ಉಡುಪುಗಳನ್ನು ಧರಿಸಿದ್ದ ಜೆಂಡಾಯಾ, ಅಂತಿಮ ಪ್ರೀಮಿಯರ್ ಪ್ರದರ್ಶನಕ್ಕಾಗಿ ಅತ್ಯಂತ ಅದ್ಭುತವಾದ ಬಿಳಿ ಬಣ್ಣದ ಗೌನ್ ಆರಿಸಿಕೊಂಡಿದ್ದರು.

ದೇವದೂತರ ರೆಕ್ಕೆಗಳ ವಿನ್ಯಾಸದ ಉಡುಪು

ವಿಶ್ವಪ್ರಸಿದ್ಧ ಫ್ಯಾಷನ್ ಬ್ರ್ಯಾಂಡ್ ‘ಮ್ಯಾಟಿಯರ್ಸ್ ಫೆಕೇಲ್ಸ್’ ವಿನ್ಯಾಸಗೊಳಿಸಿದ ಈ ವಿಶೇಷ ಬಿಳಿ ಗೌನ್‌ನಲ್ಲಿ ಜೆಂಡಾಯಾ ಅದ್ಭುತವಾಗಿ ಕಾಣಿಸುತ್ತಿದ್ದರು. ಈ ಗೌನ್‌ನ ಹಿಂಭಾಗದಲ್ಲಿ ಅಳವಡಿಸಲಾಗಿದ್ದ ದೇವದೂತರ ರೆಕ್ಕೆಗಳನ್ನು ಹೋಲುವ ಗರಿಗಳ ವಿನ್ಯಾಸ ಇಡೀ ಉಡುಪಿನ ಪ್ರಮುಖ ಆಕರ್ಷಣೆಯಾಗಿತ್ತು. ಇದು ಯಾವುದೇ ನಾಟಕೀಯ ಉಡುಪಿನಂತೆ ಕಾಣದೆ, ಅತ್ಯಂತ ಆಧುನಿಕ ಹಾಗೂ ದೈವಿಕ ಕಲೆಯಂತೆ ಮೂಡಿಬಂದಿತ್ತು.

ಕುತೂಹಲಕಾರಿ ವಿಷಯವೆಂದರೆ, ಈ ಉಡುಪನ್ನು ಜೆಂಡಾಯಾ ಅವರಿಗಾಗಿಯೇ ಬರೋಬ್ಬರಿ ಒಂದು ವರ್ಷದ ಹಿಂದೆಯೇ ಕಾಯ್ದಿರಿಸಲಾಗಿತ್ತು. ಕಳೆದ ವರ್ಷ ಫ್ಯಾಷನ್ ರನ್‌ವೇನಲ್ಲಿ ಈ ವಿನ್ಯಾಸ ಪ್ರದರ್ಶನಗೊಂಡಾಗ, ಸ್ಟೈಲಿಸ್ಟ್ ಲಾ ರೋಚ್ ಇದನ್ನು ಇಂದಿನ ಕಾರ್ಯಕ್ರಮಕ್ಕಾಗಿ ಕಾಯ್ದಿರಿಸಿದ್ದರು. ಈ ಅದ್ಭುತ ಉಡುಪಿಗೆ ಪೂರಕವಾಗಿ ಜೆಂಡಾಯಾ ಕೇವಲ ಡೈಮಂಡ್ ಕಿವಿಯೋಲೆಗಳನ್ನು ಧರಿಸಿ, ಕೂದಲನ್ನು ಸರಳವಾಗಿ ಹೆಣೆದು ಬೆನ್ನಿಗೆ ಇಳಿಬಿಟ್ಟಿದ್ದರು.

ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಶಂಸೆಯ ಮಹಾಪೂರ

ಜೆಂಡಾಯಾ ಅವರ ಈ ಹೊಸ ಅವತಾರದ ವಿಡಿಯೋಗಳು ಮತ್ತು ಫೋಟೋಗಳು ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರು ಪ್ರಶಂಸೆಯ ಮಳೆ ಸುರಿಸುತ್ತಿದ್ದಾರೆ. ಇಂಟರ್ನೆಟ್ ಜಗತ್ತು ಇದನ್ನು ಜೆಂಡಾಯಾ ಅವರ ವೃತ್ತಿಜೀವನದ “ಅತ್ಯುತ್ತಮ ಫ್ಯಾಷನ್ ಲುಕ್” ಎಂದು ಬಣ್ಣಿಸಿದೆ. “ಜೆಂಡಾಯಾ ನಿಜಕ್ಕೂ ಸ್ವರ್ಗದಿಂದ ಇಳಿದು ಬಂದ ದೇವದೂತರಂತೆ ಕಾಣುತ್ತಿದ್ದಾರೆ” ಎಂದು ಅಭಿಮಾನಿಗಳು ಕಮೆಂಟ್ ಮಾಡುತ್ತಿದ್ದಾರೆ.

zendaya photographed at ‘the odyssey’ premiere in new york ! pic.twitter.com/OcCJIySWHY

— archivedaya ⭑ (@archivedaya) July 14, 2026

no words pic.twitter.com/P7QNi9DH9T

— the zendaya collective (@thezendayaverse) July 14, 2026

zendaya is literally an angel 🪽 pic.twitter.com/2m6BZkaqOg

— ˖᯽ ݁˖ pop backup ˖᯽ ݁˖ (@popbackupp) July 14, 2026