ಬೆಂಗಳೂರು : ರಾಜಧಾನಿ ಬೆಂಗಳೂರಿನ ಪ್ರಮುಖ ರಸ್ತೆಗಳಲ್ಲಿ ಸಂಚರಿಸುವ ವಾಹನ ಸವಾರರಿಗೆ ಹೆಚ್ಚುವರಿ ವೆಚ್ಚದ ಹೊರೆ ಬಿದ್ದಿದೆ. ನೈಸ್ ರಸ್ತೆ (NICE Road), ಎಲೆಕ್ಟ್ರಾನಿಕ್ ಸಿಟಿ ಎಲಿವೇಟೆಡ್ ಎಕ್ಸ್‌ಪ್ರೆಸ್‌ವೇ ಹಾಗೂ ಅತ್ತಿಬೆಲೆ ಟೋಲ್ ಪ್ಲಾಜಾಗಳಲ್ಲಿ ಟೋಲ್ ದರವನ್ನು ಪರಿಷ್ಕರಿಸಲಾಗಿದ್ದು, ಜುಲೈ 1, 2026ರಿಂದ ಹೊಸ ದರಗಳು ಜಾರಿಗೆ ಬಂದಿವೆ. ಈ ದರಗಳು ಜೂನ್ 30, 2027ರವರೆಗೆ ಅನ್ವಯವಾಗಲಿವೆ.
ಇಂಧನ ದರ ಏರಿಕೆ ಹಾಗೂ ರಸ್ತೆ ನಿರ್ವಹಣಾ ವೆಚ್ಚ ಹೆಚ್ಚಳದ ಹಿನ್ನೆಲೆಯಲ್ಲಿ ಶೇ.10ರಿಂದ 13ರಷ್ಟು ಟೋಲ್ ದರ ಹೆಚ್ಚಳ ಮಾಡಲಾಗಿದೆ. ನಂದಿ ಎಕನಾಮಿಕ್ ಕಾರಿಡಾರ್ ಎಂಟರ್‌ಪ್ರೈಸಸ್ ಲಿಮಿಟೆಡ್ (NICE) ಹಾಗೂ ಬೆಂಗಳೂರು ಎಲಿವೇಟೆಡ್ ಟೋಲ್‌ವೇ ಪ್ರೈವೇಟ್ ಲಿಮಿಟೆಡ್ (BETPL) ಈ ಪರಿಷ್ಕೃತ ದರಗಳನ್ನು ಜಾರಿಗೊಳಿಸಿವೆ.
ವಿವಿಧ ಟೋಲ್ ಪ್ಲಾಜಾಗಳ ದರ ವಿವರಗಳು:
೧. ಅತ್ತಿಬೆಲೆ ಟೋಲ್ ಪ್ಲಾಜಾ (ರೂ.ಗಳಲ್ಲಿ)
| ವಾಹನ | ಒಂದು ಬಾರಿ ಸಂಚಾರ | ಹಲವು ಬಾರಿ ಸಂಚಾರ | ಮಾಸಿಕ ಪಾಸ್ |
| ಕಾರು/ಜೀಪ್/ವ್ಯಾನ್ | 40 | 60 | 1,175 |
| ಲಘು ವಾಣಿಜ್ಯ ವಾಹನ/ಮಿನಿ ಬಸ್ | 65 | 100 | 1,960 |
| ಬಸ್/ಟ್ರಕ್ | 130 | 195 | 3,925 |
| ಮಲ್ಟಿ-ಆಕ್ಸಲ್ ವಾಹನ | 275 | 410 | 8,240 |
೨. ನೈಸ್ ರಸ್ತೆ (ಕಾರುಗಳಿಗಾಗಿ ಪರಿಷ್ಕೃತ ದರ – ರೂ.ಗಳಲ್ಲಿ)
| ಮಾರ್ಗ | ದರ |
| ಹೊಸೂರು ರಸ್ತೆ – ಬನ್ನೇರುಘಟ್ಟ ರಸ್ತೆ | 72 |
| ಬನ್ನೇರುಘಟ್ಟ ರಸ್ತೆ – ಕನಕಪುರ ರಸ್ತೆ | 53 |
| ಕನಕಪುರ ರಸ್ತೆ – ಕ್ಲೋವರ್ ಲೀಫ್ ಜಂಕ್ಷನ್ | 39 |
| ಕ್ಲೋವರ್ ಲೀಫ್ ಜಂಕ್ಷನ್ – ಮೈಸೂರು ರಸ್ತೆ | 36 |
| ಮೈಸೂರು ರಸ್ತೆ – ಮಾಗಡಿ ರಸ್ತೆ | 77 |
| ಮಾಗಡಿ ರಸ್ತೆ – ತುಮಕೂರು ರಸ್ತೆ | 61 |
| ಲಿಂಕ್ ರಸ್ತೆ | 83 |
೩. ಎಲೆಕ್ಟ್ರಾನಿಕ್ ಸಿಟಿ ಎಲಿವೇಟೆಡ್ ಎಕ್ಸ್‌ಪ್ರೆಸ್‌ವೇ (ರೂ.ಗಳಲ್ಲಿ)
| ವಾಹನ | ಒಂದು ಬಾರಿ ಸಂಚಾರ | ಹಲವು ಬಾರಿ ಸಂಚಾರ | ಮಾಸಿಕ ಪಾಸ್ |
| ದ್ವಿಚಕ್ರ ವಾಹನ | 25 | 40 | 785 |
| ಕಾರು, ಜೀಪ್, ವ್ಯಾನ್ | 65 | 100 | 1,960 |
| ಲಘು ವಾಣಿಜ್ಯ ವಾಹನ/ಮಿನಿ ಬಸ್ | 90 | 135 | 2,745 |
| ಬಸ್/ಟ್ರಕ್ | 185 | 275 | 5,495 |
| ಮಲ್ಟಿ-ಆಕ್ಸಲ್ ವಾಹನ | 365 | 550 | 10,985 |
ಎಲೆಕ್ಟ್ರಾನಿಕ್ ಸಿಟಿ ಫ್ಲೈಓವರ್‌ನಲ್ಲಿ ದ್ವಿಚಕ್ರ ವಾಹನಗಳ ಮಾಸಿಕ ಪಾಸ್ ದರವನ್ನು 755 ರೂಪಾಯಿಯಿಂದ 785 ರೂಪಾಯಿಗೆ ಹೆಚ್ಚಿಸಲಾಗಿದೆ. ಈ ದರ ಏರಿಕೆಯು ನಿತ್ಯ ಪ್ರಯಾಣಿಕರ ಮೇಲೆ, ವಿಶೇಷವಾಗಿ ಐಟಿ ಉದ್ಯೋಗಿಗಳು ಮತ್ತು ವಾಣಿಜ್ಯ ವಾಹನಗಳ ಮಾಲೀಕರ ಮೇಲೆ ಆರ್ಥಿಕ ಹೊರೆ ಉಂಟುಮಾಡಲಿದೆ.
