ಕಾನ್ಪುರ್: ಉತ್ತರ ಪ್ರದೇಶದ ಕಾನ್ಪುರದಲ್ಲಿ 15 ವರ್ಷದ ಬಾಲಕಿಯ ಮೇಲೆ ಅತ್ಯಾಚಾರ ಎಸಗಿದ ಆರೋಪದ ಮೇಲೆ ಹಲವಾರು ಆಭರಣ ಶೋ ರೂಂಗಳನ್ನು ಹೊಂದಿರುವ ಉದ್ಯಮಿಯನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ಬುಧವಾರ ತಿಳಿಸಿದ್ದಾರೆ.
ಪೊಲೀಸರ ಪ್ರಕಾರ, ಅಶೋಕ ಜ್ಯುವೆಲ್ಲರ್ಸ್ ನಡೆಸುತ್ತಿರುವ ಆರೋಪಿ ಅಶೋಕ್ ಕುಮಾರ್ ರಸ್ತೋಗಿ ಬಂಧಿತ ಆರೋಪಿ. ಹದಿಹರೆಯದ ಬಾಲಕಿಯನ್ನು ತನ್ನ ಶೋ ರೂಂನಲ್ಲಿ ಕೆಲಸಕ್ಕಾಗಿ ನೇಮಿಸಿಕೊಂಡಿದ್ದ ಈತ ಒಂದು ದಿನ, ಸ್ಕೂಟರ್ ಓಡಿಸುವುದನ್ನು ಕಲಿಸುವ ನೆಪದಲ್ಲಿ ಹುಡುಗಿಯನ್ನು ತನ್ನ ತೋಟದ ಮನೆಗೆ ಕರೆದುಕೊಂಡು ಹೋಗಿದ್ದ.
ಅಪ್ರಾಪ್ತ ಬಾಲಕಿ ಸ್ಕೂಟರ್ ಕಲಿತ ನಂತರ, ಶೋ ರೂಂಗೆ ಬೇಕಾದ ವಸ್ತುಗಳನ್ನು ತನ್ನ ಮನೆಯಿಂದ ತರುವಂತೆ ಹೇಳಿದ್ದ. ಬಾಲಕಿಗೆ ಸ್ಕೂಟರ್ ಕೊಡಿಸುವ ಆಮಿಷವೊಡ್ಡಿದ್ದಾನೆ. ತನ್ನ ತೋಟದ ಮನೆಯಲ್ಲಿ ಬಾಲಕಿಯನ್ನು ಒತ್ತೆಯಾಳಾಗಿ ಇಟ್ಟುಕೊಂಡು, ಅವಳನ್ನು ವಿವಸ್ತ್ರಗೊಳಿಸಿ ಬಲವಂತವಾಗಿ ಅತ್ಯಾಚಾರ ಎಸಗಿದ್ದಾನೆ.
ಘಟನೆಯ ನಂತರ, ಆರೋಪಿಯು ಅಪ್ರಾಪ್ತೆಗೆ ಬೆದರಿಕೆ ಹಾಕಿದ್ದಾನೆ. ಈ ಘಟನೆಯ ಬಗ್ಗೆ ಯಾರಿಗಾದರೂ ಹೇಳಿದರೆ ಅವಳ ಇಡೀ ಕುಟುಂಬವನ್ನು ಜೈಲಿಗೆ ಕಳುಹಿಸುವುದಾಗಿ ಬೆದರಿಕೆ ಹಾಕಿದ್ದಾನೆ. ಇದರ ನಂತರ, ಅವನು ಹುಡುಗಿಯನ್ನು ಪದೇ ಪದೇ ಫಾರ್ಮ್ಹೌಸ್ಗೆ ಕರೆದೊಯ್ದು ಅತ್ಯಾಚಾರ ಎಸಗಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಆರೋಪಿಯು ತನ್ನ ಶೋರೂಂನ ಹಿಂದೆ ನಿರ್ಮಿಸಲಾದ ಕೋಣೆಯಲ್ಲಿ ತನ್ನ ಮೇಲೆ ಹಲವು ಬಾರಿ ಅತ್ಯಾಚಾರ ಎಸಗಿದ್ದಾನೆ ಎಂದು ಬಾಲಕಿ ಆರೋಪಿಸಿದ್ದಾಳೆ. ಅಂತಿಮವಾಗಿ, ಹುಡುಗಿ ತನ್ನ ತಂದೆಗೆ ಸಂಪೂರ್ಣ ಮಾಹಿತಿ ತಿಳಿಸಿದ್ದಾಳೆ. ನಂತರ ಪೊಲೀಸರಿಗೆ ದೂರು ನೀಡಲಾಗಿದ್ದು, ಪೋಕ್ಸೋ ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.
ಬಾಲಕಿಯ ದೂರಿನ ಆಧಾರದ ಮೇಲೆ ಪೊಲೀಸರು ಬಿಥೂರ್ ನಲ್ಲಿರುವ ಫಾರ್ಮ್ಹೌಸ್ ಮೇಲೆ ದಾಳಿ ನಡೆಸಿದಾಗ, ಲೈಂಗಿಕತೆಯನ್ನು ಹೆಚ್ಚಿಸುವ ಮಾದಕ ವಸ್ತುಗಳು ಮತ್ತು ಲೈಂಗಿಕತೆಗೆ ಸಂಬಂಧಿಸಿದ ಇತರ ಅಶ್ಲೀಲ ವಸ್ತುಗಳನ್ನು ವಶಪಡಿಸಿಕೊಂಡರು. ಪೊಲೀಸರ ಪ್ರಕಾರ, ಇವುಗಳು ಅಶೋಕ್ ಕುಮಾರ್ ರಸ್ತೋಗಿ ತನ್ನ ಫಾರ್ಮ್ಹೌಸ್ ಅನ್ನು ದುಷ್ಕೃತ್ಯದ ತಾಣವನ್ನಾಗಿ ಪರಿವರ್ತಿಸಿದ್ದನ್ನು ಸಾಬೀತುಪಡಿಸಿವೆ.
ಗಮನಾರ್ಹವಾಗಿ, ಆರೋಪಿ ಆಭರಣ ವ್ಯಾಪಾರಿಯ ವಿರುದ್ಧ ಇದು ಮೊದಲ ಪ್ರಕರಣವಲ್ಲ. ಈ ಹಿಂದೆ, ಅವನು ಪಂಜಾಬ್ನ ಯುವತಿಯನ್ನು ತನ್ನ ಶೋರೂಮ್ನಲ್ಲಿ ಕೆಲಸ ಮಾಡಲು ನೇಮಿಸಿಕೊಂಡಿದ್ದನು ಮತ್ತು ಅವಳನ್ನು ಬೆದರಿಸುವ ಮೂಲಕ ಅವಳ ಮೇಲೆ ಹಲವು ಬಾರಿ ಅತ್ಯಾಚಾರ ಎಸಗಿದ್ದ.. ಆ ಯುವತಿ ಚಿಕ್ಕಮ್ಮ ಕೂಡ ಶೋರೂಂನಲ್ಲಿ ಕೆಲಸ ಮಾಡುತ್ತಿದ್ದರು.
ದೂರು ನೀಡಿದರೆ ತನ್ನ ಕುಟುಂಬವನ್ನು ಜೈಲಿಗೆ ಕಳುಹಿಸುವುದಾಗಿ ಆರೋಪಿಯು ಬೆದರಿಕೆ ಹಾಕಿದ್ದ. ಆ ವಿಷಯದಲ್ಲಿ, ಅಸಹಾಯಕ ಯುವತಿ, ತನ್ನ ಚಿಕ್ಕಮ್ಮನೊಂದಿಗೆ ಪೊಲೀಸ್ ದೂರು ದಾಖಲಿಸಿದ್ದಳು, ಇದು ಅಶೋಕ್ ಕುಮಾರ್ ರಸ್ತೋಗಿಯ ಬಂಧನಕ್ಕೆ ಕಾರಣವಾಯಿತು. ಜಾಮೀನಿನ ಮೇಲೆ ಹೊರಬರುವ ಮೊದಲು ಅವನು ಒಂಬತ್ತು ತಿಂಗಳು ಜೈಲಿನಲ್ಲಿ ಕಳೆದನು, ನಂತರ ಈ 15 ವರ್ಷದ ಬಾಲಕಿಗೆ ಕೆಲಸ ನೀಡುವ ಮತ್ತು ಸ್ಕೂಟರ್ ಕೊಡಿಸುವ ನೆಪದಲ್ಲಿ ಅವಳ ಮೇಲೆಯೂ ಅತ್ಯಾಚಾರ ಎಸಗಿದ್ದಾನೆ ಎಂದು ಪೊಲೀಸರು ಹೇಳಿದ್ದಾರೆ.
