ಕರ್ನಾಟಕ ರಾಜಕೀಯದಲ್ಲಿ ತಮ್ಮ ನೆಚ್ಚಿನ ನಾಯಕರಿಗಾಗಿ ಅಭಿಮಾನಿಗಳು ಏನೆಲ್ಲಾ ಹರಕೆ ಹೊರುತ್ತಾರೆ ಅನ್ನೋದಕ್ಕೆ ಈ ಹಿಂದೆ ಸಾಕಷ್ಟು ಉದಾಹರಣೆಗಳನ್ನು ನೋಡಿದ್ದೀವಿ. ಆದ್ರೆ ಇಲ್ಲೊಬ್ಬರು ಉಪಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅವರ ಪರಮ ಅಭಿಮಾನಿ ವಿಭಿನ್ನವಾದ ಹರಕೆಯೊಂದನ್ನು ಹೊತ್ತಿದ್ದಾರೆ. ಹೌದು, ಕನಕಪುರ ಬಂಡೆ, ಕೆಪಿಸಿಸಿ ಅಧ್ಯಕ್ಷರೂ ಆಗಿರುವ ಡಿ.ಕೆ. ಶಿವಕುಮಾರ್ ಅವರು ರಾಜ್ಯದ ಮುಖ್ಯಮಂತ್ರಿಯಾಗಬೇಕು ಅಂತ ಇವರು ಕಾಲಿಗೆ ಚಪ್ಪಲಿ ಧರಿಸುವುದನ್ನೇ ಬಿಟ್ಟುಬಿಟ್ಟಿದ್ದಾರೆ
ನಮ್ಮ ಸಾಹೇಬ್ರು ಮುಖ್ಯಮಂತ್ರಿ ಗದ್ದುಗೆ ಏರುವವರೆಗೂ ನಾನು ಕಾಲಿಗೆ ಚಪ್ಪಲಿ ಧರಿಸುವುದಿಲ್ಲ” ಎಂದು ಶಪಥ ಮಾಡಿ, ಕಳೆದ ಎರಡು ವರ್ಷಗಳಿಂದ ಬರಿಗಾಲಲ್ಲೇ ತಿರುಗಾಡುತ್ತಿದ್ದ ಅಭಿಮಾನಿಯ ಇಂಟರೆಸ್ಟಿಂಗ್ ಸ್ಟೋರಿ ಇಲ್ಲಿದೆ
ಚಪ್ಪಲಿ ಬಿಟ್ಟು ಹರಕೆ ಹೊತ್ತಿದ್ದ ಕನಕಪುರ ಬಂಡೆಯ ಪರಮ ಭಕ್ತ
ಕಠಿಣ ಶಪಥ: ಡಿ.ಕೆ. ಶಿವಕುಮಾರ್ ಅವರು ಕರ್ನಾಟಕದ ಮುಖ್ಯಮಂತ್ರಿಯಾಗಬೇಕು ಎಂದು ಈ ಅಭಿಮಾನಿ ಕಳೆದ ವಿಧಾನಸಭಾ ಚುನಾವಣೆಯ ಸಮಯದಲ್ಲೇ ದೊಡ್ಡ ಹರಕೆ ಹೊತ್ತಿದ್ದರು. ಅಲ್ಲಿಂದ ಇಂದಿನವರೆಗೆ, ಅಂದರೆ ಸತತ 2 ವರ್ಷಗಳಿಗೂ ಹೆಚ್ಚು ಕಾಲ ಇವರು ಎಲ್ಲೇ ಹೋದರೂ, ಎಷ್ಟೇ ಬಿಸಿಲಿದ್ದರೂ ಕಾಲಿಗೆ ಚಪ್ಪಲಿ ಧರಿಸದೆ ಬರಿಗಾಲಲ್ಲೇ ಓಡಾಡಿದ್ದಾರೆ.
ಕೊನೆಗೂ ಒಲಿದ ಸಿಎಂ ಪಟ್ಟ: ಸದ್ಯ ರಾಜ್ಯ ರಾಜಕೀಯದ ಹಗ್ಗಜಗ್ಗಾಟಕ್ಕೆ ಕೊನೆ ಬಿದ್ದಿದ್ದು, ಹೈಕಮಾಂಡ್ ಸೂಚನೆಯಂತೆ ಡಿಕೆಶಿ ಅವರಿಗೆ ಸಿಎಂ ಸ್ಥಾನ ಸಿಗುವುದು ಖಚಿತವಾಗಿದೆ. ಈ ಸುದ್ದಿ ಹೊರಬೀಳುತ್ತಿದ್ದಂತೆ ಭಾವುಕರಾಗಿರುವ ಅಭಿಮಾನಿ, “ನನ್ನ ಆರಾಧ್ಯ ದೈವ ಡಿಕೆಶಿಯವರಿಗೆ ಸಿಎಂ ಪಟ್ಟ ಸಿಕ್ಕಿರುವುದು ನನ್ನ ಜನ್ಮ ಸಾರ್ಥಕವಾದಂತೆ” ಎಂದು ಹರ್ಷ ವ್ಯಕ್ತಪಡಿಸಿದ್ದಾರೆ.
https://www.instagram.com/reel/DY6QOg4AHW9/?utm_source=ig_web_copy_link&igsh=NTc4MTIwNjQ2YQ==
ಇಂಟರ್ನೆಟ್ನಲ್ಲಿ ಧೂಳೆಬ್ಬಿಸಿದ ರೀಲ್: ಈ ಅಭಿಮಾನಿಯ ಕಠಿಣ ವಿಶ್ವಾಸ ಹಾಗೂ ಭಕ್ತಿಯ ರೀಲ್ ವಿಡಿಯೋ ಈಗ ಇಂಟರ್ನೆಟ್ನಲ್ಲಿ ಸಿಕ್ಕಾಪಟ್ಟೆ ಟ್ರೆಂಡ್ ಆಗುತ್ತಿದ್ದು, ಡಿ.ಕೆ. ಶಿವಕುಮಾರ್ ಅವರ ಮೇಲಿರುವ ಜನಾಭಿಮಾನಕ್ಕೆ ನೆಟ್ಟಿಗರು ಫಿದಾ ಆಗಿದ್ದಾರೆ.
ಡಿಕೆಶಿ ಪದಗ್ರಹಣದ ಬೆನ್ನಲ್ಲೇ ಹರಕೆ ಮುಕ್ತಾಯ
ತುಮಕೂರಿನ ನೊಣವಿನಕೆರೆ ಅಜ್ಜಯ್ಯನ ಆಶೀರ್ವಾದದ ಬೆನ್ನಲ್ಲೇ ಡಿಕೆಶಿಯವರ ಸಿಎಂ ಪಟ್ಟ ಗಟ್ಟಿಯಾಗಿದ್ದು, ಇತ್ತ ಅಭಿಮಾನಿಯೊಬ್ಬರ ಮೌನ ಪ್ರಾರ್ಥನೆಯೂ ಫಲಿಸಿದೆ. ಸದ್ಯದಲ್ಲೇ ನಡೆಯಲಿರುವ ಡಿ.ಕೆ. ಶಿವಕುಮಾರ್ ಅವರ ಅಧಿಕೃತ ಪ್ರಮಾಣ ವಚನ ಸ್ವೀಕಾರ ಕಾರ್ಯಕ್ರಮದ ದಿನದಂದು ಈ ಅಭಿಮಾನಿ ತಮ್ಮ ಕಠಿಣ ಹರಕೆಯನ್ನು ಕೊನೆಗೊಳಿಸಿ, ಮರಳಿ ಚಪ್ಪಲಿ ಧರಿಸಲಿದ್ದಾರೆ ಎಂದು ತಿಳಿದುಬಂದಿದೆ.
