ನವದೆಹಲಿ: ಯುವಜನರ ಸಮಸ್ಯೆಗಳ ಕುರಿತು ಭಾರತದ ಮುಖ್ಯ ನ್ಯಾಯಮೂರ್ತಿಗಳು (CJI) ನೀಡಿದ್ದ ಇತ್ತೀಚಿನ ಹೇಳಿಕೆಯ ಬೆನ್ನಲ್ಲೇ, ಸೋಷಿಯಲ್ ಮೀಡಿಯಾದಲ್ಲಿ ಭಾರಿ ಆಕ್ರೋಶದ ಬಿರುಗಾಳಿ ಎದ್ದಿತ್ತು. ಇದರ ಬೆನ್ನಲ್ಲೇ ಮೀಮ್ ಸಂಸ್ಕೃತಿ ಮತ್ತು ತೀಕ್ಷ್ಣ ವ್ಯಂಗ್ಯಚಿತ್ರಗಳ ಮೂಲಕ ಇಂಟರ್ನೆಟ್ ಲೋಕದಲ್ಲಿ ಭಾರಿ ಸಂಚಲನ ಮೂಡಿಸಿದ್ದ ಡಿಜಿಟಲ್ ರಾಜಕೀಯ ಚಳವಳಿ ‘ಕಾಕ್ರೋಚ್ ಜನತಾ ಪಾರ್ಟಿ’ (Cockroach Janata Party – CJP) ಯ ಅಧಿಕೃತ ‘X’ (ಟ್ವಿಟರ್) ಖಾತೆಯನ್ನು ಭಾರತದಲ್ಲಿ ಈಗ ಸದ್ದಿಲ್ಲದೆ ತಡೆಹಿಡಿಯಲಾಗಿದೆ (Withheld).ಕೇವಲ ತಮಾಷೆಗಾಗಿ ಶುರುವಾಗಿದ್ದ ಒಂದು ಪೇಜ್, ದೇಶದ ಆಡಳಿತ ಪಕ್ಷದ ಫಾಲೋವರ್ಸ್ ಸಂಖ್ಯೆಯನ್ನೇ ಮೀರಿಸಿ ಬೆಳೆದಿದ್ದ ಕಂಪ್ಲೀಟ್ ರಿಪೋರ್ಟ್ ಇಲ್ಲಿದೆ:
https://www.instagram.com/reel/DYl5xiytTH3/?utm_source=ig_web_copy_link&igsh=MzRlODBiNWFlZA==
ಬಿಜೆಪಿಯನ್ನೂ ಹಿಂದಿಕ್ಕಿದ ಇನ್ಸ್ಟಾಗ್ರಾಮ್ ಫಾಲೋವರ್ಸ್ ದಾಖಲೆ
ಈ ವಿಲಕ್ಷಣ ಅಭಿಯಾನದ ಅಧಿಕೃತ ಇನ್ಸ್ಟಾಗ್ರಾಮ್ ಖಾತೆಯಾದ “@cockroachjantaparty” ಆರಂಭವಾದ ಕೇವಲ ಐದೇ ದಿನಗಳಲ್ಲಿ ಬರೋಬ್ಬರಿ 1 ಕೋಟಿಗೂ (10 ಮಿಲಿಯನ್) ಹೆಚ್ಚು ಫಾಲೋವರ್ಸ್ ಹೊಂದುವ ಮೂಲಕ ಸೋಷಿಯಲ್ ಮೀಡಿಯಾ ಹಿಸ್ಟರಿಯಲ್ಲೇ ಹೊಸ ದಾಖಲೆ ಬರೆದಿತ್ತು ಅಷ್ಟೇ ಅಲ್ಲದೆ, ಭಾರತದ ಆಡಳಿತ ರೂಢ ಪಕ್ಷವಾದ ಭಾರತೀಯ ಜನತಾ ಪಾರ್ಟಿಯ (BJP) ಅಧಿಕೃತ ಇನ್ಸ್ಟಾಗ್ರಾಮ್ ಫಾಲೋವರ್ಸ್ ಸಂಖ್ಯೆಯನ್ನು ಇದು ಮಿಂಚಿನ ವೇಗದಲ್ಲಿ ಹಿಂದಿಕ್ಕಿತ್ತು.
ಪ್ರಮುಖ ರಾಜಕೀಯ ಪಕ್ಷಗಳ ಇನ್ಸ್ಟಾಗ್ರಾಮ್ ಫಾಲೋವರ್ಸ್ ವಿವರ (ಒಂದು ನೋಟ):
ಕಾಂಗ್ರೆಸ್ (INC): ಸುಮಾರು 13.2 ಮಿಲಿಯನ್
ಕಾಕ್ರೋಚ್ ಜನತಾ ಪಾರ್ಟಿ (CJP): 10 ಮಿಲಿಯನ್ (1 ಕೋಟಿ+)
ಬಿಜೆಪಿ (BJP): ಸುಮಾರು 8.7 ಮಿಲಿಯನ್
ಆಮ್ ಆದ್ಮಿ ಪಾರ್ಟಿ (AAP): ಸುಮಾರು 1.9 ಮಿಲಿಯನ್
ಯುವಜನರ ಆಕ್ರೋಶಕ್ಕೆ ವೇದಿಕೆಯಾದ ಮೀಮ್ ಸಂಸ್ಕೃತಿ
ಯಾವುದೇ ಸಾಂಪ್ರದಾಯಿಕ ರಾಜಕೀಯ ಪ್ರಚಾರವಿಲ್ಲದೆ, ಕೇವಲ ತೀಕ್ಷ್ಣವಾದ ರಾಜಕೀಯ ವಿಡಂಬನೆ, ಹಾಸ್ಯ, ಕ್ರಿಯೇಟಿವ್ ರೀಲ್ಸ್ ಮತ್ತು ವ್ಯಂಗ್ಯಗಳ ಮೂಲಕವೇ ಈ ಪೇಜ್ ಯುವಕರ ಜೀವನಾಡಿಯಾಗಿತ್ತು. ದೇಶದ ಪ್ರಸ್ತುತ ರಾಜಕೀಯ ಸ್ಥಿತಿಗತಿ ಹಾಗೂ ಸಾಮಾಜಿಕ ವ್ಯವಸ್ಥೆಯ ವಿರುದ್ಧ ಯುವಜನರು ತಮ್ಮ ಅಸಮಾಧಾನವನ್ನು ಹೊರಹಾಕಲು ಈ ವೇದಿಕೆಯನ್ನು ದೊಡ್ಡ ಮಟ್ಟದಲ್ಲಿ ಬಳಸಿಕೊಳ್ಳುತ್ತಿದ್ದರು.
ಈ ಕ್ರೇಜಿ ಟ್ರೆಂಡ್ ಎಷ್ಟರಮಟ್ಟಿಗೆ ಸದ್ದು ಮಾಡಿತೆಂದರೆ, ಜನಪ್ರಿಯ ಯೂಟ್ಯೂಬರ್ ಧ್ರುವ್ ರಾಠಿ, ಹಿರಿಯ ವಕೀಲ ಪ್ರಶಾಂತ್ ಭೂಷಣ್ ಮತ್ತು ಸಂಸದೆ ಮಹುವಾ ಮೊಯಿತ್ರಾ ಸೇರಿದಂತೆ ಹಲವು ಪ್ರಮುಖ ಸಾರ್ವಜನಿಕ ವ್ಯಕ್ತಿಗಳು ಇದರ ಬಗ್ಗೆ ಬಹಿರಂಗವಾಗಿಯೇ ಪ್ರತಿಕ್ರಿಯಿಸಿದ್ದರು. ಇತ್ತ ಟಿಎಂಸಿ ನಾಯಕ ಕೀರ್ತಿ ಆಜಾದ್ ಕೂಡ ಈ ಚಳವಳಿಯೊಂದಿಗೆ ಗುರುತಿಸಿಕೊಳ್ಳಲು ಆಸಕ್ತಿ ತೋರಿಸಿದ್ದರು ಎನ್ನಲಾಗಿದೆ.
