ಮುಂಬೈ: ಪಶ್ಚಿಮ ಏಷ್ಯಾ ರಾಷ್ಟ್ರಗಳಲ್ಲಿ ಯುದ್ಧದ ವಾತಾವರಣದಿಂದಾಗಿ ಇಂಧನ ಬಿಕ್ಕಟ್ಟು ಎದುರಾಗಿದ್ದು, ಇಂಧನ ಉಳಿತಾಯಕ್ಕೆ ಪ್ರಧಾನಿ ನರೇಂದ್ರ ಮೋದಿ ದೇಶದ ಜನತೆಗೆ ಕರೆ ನೀಡಿದ್ದಾರೆ. ಪ್ರಧಾನಿ ಮೋದಿ ಕರೆಗೆ ಸ್ಪಂದಿಸಿರುವ ಮಹಾರಾಷ್ಟ್ರ ಮುಖ್ಯಮಂತ್ರಿ ದೇವೇಂದ್ರ ಫಡ್ನವಿಸ್, ವಿಧಾನಭವನಕ್ಕೆ ಇಂದು ಬೈಕ್ ಏರಿ ಬಂದು ಗಮನ ಸೆಳೆದಿದ್ದಾರೆ.
ಮಹರಾಷ್ಟ್ರ ವಿಧಾನ ಪರಿಷತ್ ನ ನೂತನ ಸದಸ್ಯರ ಪ್ರಮಾಣ ವಚನ ಸ್ವೀಕಾರ ಸಮಾರಂಭದಲ್ಲಿ ಪಾಲ್ಗೊಳ್ಳಲು ಸಿಎಂ ದೇವೇಂದ್ರ ಫಡ್ನವಿಸ್ ಬೈಕ್ ನಲ್ಲಿ ಆಗಮಿಸಿದ್ದಾರೆ. ಫಡ್ನವಿಸ್ ಹಾಗೂ ಕೆಲ ಸಚಿವರು ಬೈಕ್ ನಲ್ಲಿ ವ್ಧಾನಭವನಕ್ಕೆ ಆಗಮಿಸಿದ್ದು, ಜನರ ಗಮನ ಸೆಳೆದಿದೆ.
ಇರಾನ್, ಇಸ್ರೇಲ್-ಅಮೆರಿಕಾ ನಡುವಿನ ಸಂಘರ್ಷದಿಂದಾಗಿ ಜಾಗತಿಕ ಇಂಧನ ಪೂರೈಕೆ ಮೇಲೆ ಪರಿಣಾಮ ಬೀರುತ್ತಿದ್ದು, ಇಂಧನ ಬಳಕೆ ಕಡಿಮೆ ಮಾಡುವಂತೆ ಪ್ರಧಾನಿ ನರೇಂದ್ರ ಮೋದಿ ಜನರಲ್ಲಿ ಮನವಿ ಮಾಡಿದ್ದಾರೆ. ಈ ಹಿನ್ನೆಲೆಯಲ್ಲಿ ಮಹಾರಾಷ್ಟ್ರ ಸಿಎಂ ದೇವೇಂದ್ರ ಫಡ್ನವಿಸ್, ದಕ್ಷಿಅ ಮುಂಬೈನ ತಮ್ಮ ಅಧಿಕೃತ ನಿವಾಸದಿಂದ ವಿಧಾನಭವನದವರೆಗೆ ಬೈಕ್ ನಲ್ಲಿ ಆಗಮಿಸಿದ್ದಾರೆ. ಫಡ್ನವಿಸ್ ಅವರಿಗೆ ಸಚಿವ ಆಶಿಶ್ ಶೇಲಾರ್ ಸಾಥ್ ನೀಡಿದರು.
ಮತ್ತೊಂದೆಡೆ ಸಚಿವ ನಿತೇಶ್ ರಾಣೆ ಸಂಪುಟ ಸಭೆಗೆ ಹಾಜರಾಗಲು ನಡೆದುಕೊಂಡೇ ಆಗಮಿಸಿದ್ದು ವಿಶೇಷ ವಾಗಿತ್ತು.
