ಇಂದಿನ ಬದಲಾದ ಜೀವನಶೈಲಿಯಲ್ಲಿ ನಾವು ನಾಲಿಗೆಯ ರುಚಿಗೆ ಮರುಳಾಗಿ ಸೇವಿಸುವ ಆಹಾರಗಳೇ ನಮ್ಮ ಆಯಸ್ಸನ್ನು ಕಡಿಮೆ ಮಾಡುತ್ತಿವೆ ಎಂದರೆ ನೀವು ನಂಬಲೇಬೇಕು. ತಜ್ಞರ ಪ್ರಕಾರ, ವಿಶ್ವದ ಅತ್ಯಂತ ಅಪಾಯಕಾರಿ ಎನ್ನಲಾದ 7 ಆಹಾರ ಪದಾರ್ಥಗಳು ನಮ್ಮ ಕಿಚನ್ ಮತ್ತು ಫ್ರಿಡ್ಜ್ಗಳನ್ನು ಆಕ್ರಮಿಸಿಕೊಂಡಿವೆ. ಕೇವಲ ‘ಕ್ರೇವಿಂಗ್ಸ್’ ಹೆಚ್ಚಿಸುವ ಈ ಪದಾರ್ಥಗಳು ಒಳಗೊಳಗೆ ಹೃದಯ, ಲಿವರ್ ಮತ್ತು ಜೀರ್ಣಕ್ರಿಯೆಯನ್ನು ಹೇಗೆ ಹಾನಿಗೊಳಿಸುತ್ತವೆ? ಯಾವ ಆಹಾರಗಳಿಂದ ನೀವು ಇಂದೇ ದೂರವಿರಬೇಕು? ಇಲ್ಲಿದೆ ಸಂಪೂರ್ಣ ಮಾಹಿತಿ.
ಈ ಏಳು ಬಗೆಯ ಆಹಾರ ಪದಾರ್ಥಗಳಲ್ಲಿ ಇರುವ ಒಂದೇ ಒಂದು ಸಾಮಾನ್ಯ ಅಂಶವೆಂದರೆ ‘ಕ್ರೇವಿಂಗ್ಸ್’ (ತಿನ್ನಬೇಕೆಂಬ ಹಂಬಲ). ಇವುಗಳನ್ನು ತಿಂದಷ್ಟೂ ಮತ್ತೆ ಮತ್ತೆ ತಿನ್ನಬೇಕೆನಿಸುತ್ತದೆ. ಆದರೆ ಇವು ನಮ್ಮ ಆರೋಗ್ಯವನ್ನು ಒಳಗಿನಿಂದಲೇ ಹಾಳುಮಾಡುತ್ತವೆ. ಹಾಗಾಗಿ ಇವುಗಳಿಂದ ಸಾಧ್ಯವಾದಷ್ಟು ದೂರವಿರುವುದು ಆರೋಗ್ಯಕ್ಕೆ ತುಂಬಾ ಒಳ್ಳೆಯದು.
ಇಂದಿನ ಓಟದ ಜೀವನದಲ್ಲಿ ನಮಗೆ ಅರಿವಿಲ್ಲದೆಯೇ ನಾವು ಅನೇಕ ಅನಾರೋಗ್ಯಕರ ಆಹಾರ ಪದ್ಧತಿಗಳಿಗೆ ದಾಸರಾಗುತ್ತಿದ್ದೇವೆ. ರುಚಿಯಾಗಿವೆ ಎಂದು ನಾವು ತಿನ್ನುವ ಕೆಲವು ಪದಾರ್ಥಗಳು ನಮ್ಮ ಪ್ರಾಣಕ್ಕೇ ಕುತ್ತು ತರುವ ಸಾಧ್ಯತೆಯಿದೆ ಎಂದು ತಜ್ಞರು ಎಚ್ಚರಿಸುತ್ತಿದ್ದಾರೆ. ವಿಶ್ವದ ಅತ್ಯಂತ ಅಸುರಕ್ಷಿತ (ಅನಾರೋಗ್ಯಕರ) ಎಂದು ಪರಿಗಣಿಸಲಾದ ಟಾಪ್ 7 ಆಹಾರ ಪದಾರ್ಥಗಳು ಮತ್ತು ಅವುಗಳಿಂದಾಗುವ ಹಾನಿಗಳ ಬಗ್ಗೆ ಈಗ ತಿಳಿಯೋಣ.
1)ಸಕ್ಕರೆ ಮಿಶ್ರಿತ ಪಾನೀಯಗಳು:
ತಜ್ಞರು ತಿಳಿಸಿರುವ ಮಾಹಿತಿಯ ಪ್ರಕಾರ, ಈ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿ ಕೂಲ್ ಡ್ರಿಂಕ್ಸ್, ಎನರ್ಜಿ ಡ್ರಿಂಕ್ಸ್ ಮತ್ತು ಸ್ಪೋರ್ಟ್ಸ್ ಡ್ರಿಂಕ್ಸ್ ಇವೆ. ಇವುಗಳಲ್ಲಿ ಸಕ್ಕರೆಯ ಪ್ರಮಾಣ ವಿಪರೀತವಾಗಿರುತ್ತದೆ. ಇವುಗಳನ್ನು ಕುಡಿಯುವುದರಿಂದ ಹೃದಯ ಸಂಬಂಧಿ ಸಮಸ್ಯೆಗಳ ಜೊತೆಗೆ ಸಂತಾನಹೀನತೆಯ ಸಮಸ್ಯೆಗಳೂ ಎದುರಾಗುವ ಅಪಾಯವಿದೆ.
2)ಸಂಸ್ಕರಿಸಿದ ಮಾಂಸ (Processed Meat):
ಸಾಸೇಜ್ಗಳು, ಹಾಟ್ ಡಾಗ್ಸ್ಗಳಂತಹ ಸಂಸ್ಕರಿಸಿದ ಮಾಂಸವನ್ನು ಸೇವಿಸುವುದರಿಂದ ಕ್ಯಾನ್ಸರ್ ಬರುವ ಸಾಧ್ಯತೆಯಿದೆ. ಅಲ್ಲದೆ, ಇವು ಪ್ರಜನನ ಸಾಮರ್ಥ್ಯದ ಮೇಲೂ ತೀವ್ರ ಪರಿಣಾಮ ಬೀರುತ್ತವೆ.
3)ಪ್ಯಾಕ್ ಮಾಡಲಾದ ಸ್ನ್ಯಾಕ್ಸ್ ಮತ್ತು ಸಿಹಿತಿಂಡಿಗಳು:
ಆಲೂ ಚಿಪ್ಸ್, ಕಾರ್ನ್ ಚಿಪ್ಸ್, ಕುಕೀಸ್, ಕೇಕ್ಗಳಂತಹ ಪ್ಯಾಕ್ ಮಾಡಿದ ಪದಾರ್ಥಗಳಿಂದ ಫ್ಯಾಟಿ ಲಿವರ್ (ಕೊಬ್ಬಿನ ಯಕೃತ್ತು) ಸಮಸ್ಯೆ ಉಂಟಾಗುತ್ತದೆ. ಅಷ್ಟೇ ಅಲ್ಲದೆ ಟೈಪ್-2 ಡಯಾಬಿಟಿಸ್, ಹೃದಯಾಘಾತ ಮತ್ತು ಕೆಲವು ರೀತಿಯ ಕ್ಯಾನ್ಸರ್ಗಳಿಗೆ ಇವು ಕಾರಣವಾಗಬಹುದು.
4) ಫ್ರೋಜನ್ ಮತ್ತು ರೆಡಿ-ಟು-ಈಟ್ ಆಹಾರಗಳು:
ಫ್ರೋಜನ್ ಪಜ್ಜಾ, ಫ್ರೆಂಚ್ ಫ್ರೈಸ್, ಚಿಕನ್ ನಗೆಟ್ಸ್ ಅಂತಹ ಪದಾರ್ಥಗಳು ಅತಿಸಾರ (ಡಯೇರಿಯಾ), ಹೆಪಟೈಟಿಸ್-ಎ ಮತ್ತು ನೋರೋ ವೈರಸ್ನಂತಹ ಸೋಂಕುಗಳಿಗೆ ದಾರಿ ಮಾಡಿಕೊಡಬಹುದು.
5) ಫಾಸ್ಟ್ ಫುಡ್ ಮತ್ತು ಕರಿದ ಆಹಾರ:
ಬರ್ಗರ್, ಫ್ರೈಡ್ ಚಿಕನ್ ಅಂತಹ ಎಣ್ಣೆಯಲ್ಲಿ ಕರಿದ ಪದಾರ್ಥಗಳು ಲಿವರ್ ಅನ್ನು ಹಾನಿಗೊಳಿಸುತ್ತವೆ. ಇವುಗಳಿಂದ ಮಧುಮೇಹ ಮತ್ತು ಹೃದಯ ಕಾಯಿಲೆಗಳು ಬರುವ ಅಪಾಯವಿದೆ.
6) ಸಂಸ್ಕರಿಸಿದ ಚೀಸ್ ಮತ್ತು ಸಾಸ್ಗಳು:
ಸಿನಿಮಾ ಥಿಯೇಟರ್ಗಳಲ್ಲಿ ಸಿಗುವ ಚೀಸ್ ಪಾಪ್ಕಾರ್ನ್ (ಪೌಡರ್ ಚೀಸ್), ಬ್ರೆಡ್ ಮೇಲೆ ಹಚ್ಚುವ ಚೀಸ್ ಸ್ಪ್ರೆಡ್ಗಳು ಮತ್ತು ಟೊಮೆಟೊ ಕೆಚಪ್ಗಳ ಬಳಕೆಯಿಂದ ಅಧಿಕ ರಕ್ತದೊತ್ತಡ (High BP), ಜೀರ್ಣಕ್ರಿಯೆಯ ಸಮಸ್ಯೆಗಳು ಮತ್ತು ಹೃದಯ ಕಾಯಿಲೆಗಳು ಬರುವ ಸಾಧ್ಯತೆಯಿದೆ.
7) ಇನ್ಸ್ಟಂಟ್ ಬ್ರೇಕ್ಫಾಸ್ಟ್ ಉತ್ಪನ್ನಗಳು:
ಇನ್ಸ್ಟಂಟ್ ನೂಡಲ್ಸ್, ಕಾರ್ನ್ಫ್ಲೇಕ್ಸ್, ಮುಯೆಸ್ಲಿ ಅಂತಹ ಪ್ಯಾಕ್ ಮಾಡಿದ ಸೀರಿಯಲ್ಸ್, ಇನ್ಸ್ಟಂಟ್ ಉಪ್ಪಿಟ್ಟು ಮತ್ತು ಅವಲಕ್ಕಿ ಮಿಶ್ರಣಗಳಲ್ಲಿ ಪ್ರಿಸರ್ವೇಟಿವ್ಗಳು (ಸಂರಕ್ಷಕಗಳು) ಮತ್ತು ಸಕ್ಕರೆ ಹೆಚ್ಚಾಗಿರುತ್ತದೆ. ಇವು ಹಲ್ಲುಗಳ ಕ್ಷಯಕ್ಕೆ ಪ್ರಮುಖ ಕಾರಣವಾಗುತ್ತವೆ.
ಗಮನಿಸಿ: ಈ ಏಳು ಬಗೆಯ ಆಹಾರ ಪದಾರ್ಥಗಳಲ್ಲಿ ಇರುವ ಒಂದೇ ಒಂದು ಕಾಮನ್ ಪಾಯಿಂಟ್ ಎಂದರೆ ‘ಕ್ರೇವಿಂಗ್ಸ್’. ಇವುಗಳನ್ನು ತಿಂದಷ್ಟೂ ಇನ್ನೂ ತಿನ್ನಬೇಕೆಂಬ ಹಂಬಲ ಉಂಟಾಗುತ್ತದೆ. ಆದರೆ ಇವು ನಮ್ಮ ಆರೋಗ್ಯವನ್ನು ಒಳಗೊಳಗೆ ಹಾಳುಮಾಡುತ್ತವೆ. ಆದ್ದರಿಂದ ಇವುಗಳನ್ನು ಸಾಧ್ಯವಾದಷ್ಟು ದೂರವಿಡುವುದು ನಿಮ್ಮ ಆರೋಗ್ಯಕ್ಕೆ ಶ್ರೇಯಸ್ಕರ.
