ರೈತರ ಆದಾಯವನ್ನು ಹೆಚ್ಚಿಸುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರವು ಒಂದು ದೊಡ್ಡ ಹೆಜ್ಜೆ ಇಟ್ಟಿದೆ. ಪಿಎಂ ಕುಸುಮ್ (PM KUSUM) ಯೋಜನೆಯ ಎರಡನೇ ಹಂತವನ್ನು (PM KUSUM 2.0) ಶೀಘ್ರದಲ್ಲೇ ಪ್ರಾರಂಭಿಸಲಾಗುವುದು ಎಂದು ಕೇಂದ್ರ ನವೀಕರಿಸಬಹುದಾದ ಇಂಧನ ಸಚಿವಾಲಯ ಘೋಷಿಸಿದೆ. ಈ ಯೋಜನೆಯ ಮೂಲಕ ರೈತರು ತಮ್ಮ ಜಮೀನಿನಲ್ಲಿ ಸೌರ ವಿದ್ಯುತ್ ಉತ್ಪಾದಿಸುವ ಮೂಲಕ ವರ್ಷಕ್ಕೆ 20 ಲಕ್ಷ ರೂಪಾಯಿಗಳವರೆಗೆ ಆದಾಯ ಪಡೆಯಬಹುದು.
- ಯೋಜನೆಯ ಹೆಸರು: ಪಿಎಂ ಕುಸುಮ್ 2.0 (PM KUSUM 2.0)
- ಉದ್ದೇಶ: ರೈತರ ಆದಾಯ ಹೆಚ್ಚಳ ಮತ್ತು ಸೌರ ನೀರಾವರಿ ವಿಸ್ತರಣೆ.
- ಆದಾಯದ ನಿರೀಕ್ಷೆ: ವರ್ಷಕ್ಕೆ ₹15 ಲಕ್ಷದಿಂದ ₹25 ಲಕ್ಷದವರೆಗೆ.
- ಸೌರ ಮೇಲ್ಛಾವಣಿ ಯೋಜನೆ: 1 ಕೋಟಿ ಮನೆಗಳಿಗೆ ಸೋಲಾರ್ ಪ್ಯಾನಲ್ ಅಳವಡಿಸುವ ಗುರಿ.
ವರ್ಷಕ್ಕೆ 20 ಲಕ್ಷ ಆದಾಯ ಗಳಿಸುವುದು ಹೇಗೆ ?
ಪಿಎಂ ಕುಸುಮ್ ಯೋಜನೆಯಡಿ ರೈತರು ತಮ್ಮ ಕೃಷಿಗೆ ಯೋಗ್ಯವಲ್ಲದ ಅಥವಾ ಬಂಜರು ಭೂಮಿಯಲ್ಲಿ ಸೌರ ವಿದ್ಯುತ್ ಸ್ಥಾವರಗಳನ್ನು (Solar Plants) ಸ್ಥಾಪಿಸಬಹುದು:
- ಸ್ಥಾಪನಾ ಸಾಮರ್ಥ್ಯ: ಒಬ್ಬ ರೈತ 0.5 ಮೆಗಾವ್ಯಾಟ್ನಿಂದ 2 ಮೆಗಾವ್ಯಾಟ್ ಸಾಮರ್ಥ್ಯದ ಸೋಲಾರ್ ಪ್ಲಾಂಟ್ ಅಳವಡಿಸಬಹುದು.
- ಹೂಡಿಕೆ ಮತ್ತು ಸಾಲ: 0.5 ಮೆಗಾವ್ಯಾಟ್ ಪ್ಲಾಂಟ್ಗೆ ಸುಮಾರು ₹1.50 ಕೋಟಿ ಹೂಡಿಕೆ ಬೇಕಾಗುತ್ತದೆ. ಇದರಲ್ಲಿ ಶೇ. 70 ರಷ್ಟು ಸಾಲ ಸೌಲಭ್ಯವನ್ನು ಬ್ಯಾಂಕುಗಳ ಮೂಲಕ ಪಡೆಯಬಹುದು.
- ವಿದ್ಯುತ್ ಉತ್ಪಾದನೆ: ಈ ಪ್ಲಾಂಟ್ ಮೂಲಕ ವರ್ಷಕ್ಕೆ ಅಂದಾಜು 7.5 ಲಕ್ಷದಿಂದ 8 ಲಕ್ಷ ಯೂನಿಟ್ ವಿದ್ಯುತ್ ಉತ್ಪಾದನೆಯಾಗುತ್ತದೆ.
- ಲಾಭದ ಲೆಕ್ಕಾಚಾರ: ಸರ್ಕಾರ ನಿಗದಿಪಡಿಸಿದ ಯೂನಿಟ್ ದರದಂತೆ ಲೆಕ್ಕ ಹಾಕಿದರೆ, ವರ್ಷಕ್ಕೆ ಸುಮಾರು ₹22 ಲಕ್ಷದಿಂದ ₹25 ಲಕ್ಷ ಆದಾಯ ಬರುತ್ತದೆ. ಬ್ಯಾಂಕ್ ಸಾಲದ ಕಂತು (EMI) ಮತ್ತು ನಿರ್ವಹಣಾ ವೆಚ್ಚಗಳನ್ನು ಕಳೆದರೂ ರೈತರಿಗೆ ವರ್ಷಕ್ಕೆ ₹15 ರಿಂದ ₹20 ಲಕ್ಷ ನಿವ್ವಳ ಲಾಭ ಸಿಗುವ ಸಾಧ್ಯತೆಯಿದೆ.
ಬಂಜರು ಭೂಮಿಯೇ ಈಗ ಬಂಗಾರ !
ದೇಶಾದ್ಯಂತ ಅನೇಕ ಕಡೆ ರೈತರಿಗೆ ಕೃಷಿ ಮಾಡಲು ಬಾರದ ಪಾಳು ಬಿದ್ದ ಭೂಮಿಗಳಿವೆ. ಅಂತಹ ಭೂಮಿಯಲ್ಲಿ ಈ ಸೋಲಾರ್ ಪ್ಲಾಂಟ್ ಹಾಕುವುದರಿಂದ 25 ವರ್ಷಗಳ ಕಾಲ ಸ್ಥಿರವಾದ ಆದಾಯ ಪಡೆಯಬಹುದು. ಉತ್ಪಾದನೆಯಾದ ವಿದ್ಯುತ್ ಅನ್ನು ನೇರವಾಗಿ ಡಿಸ್ಕಮ್ (ವಿದ್ಯುತ್ ಸರಬರಾಜು ಕಂಪನಿಗಳು) ಖರೀದಿಸುವುದರಿಂದ ಮಾರುಕಟ್ಟೆಯ ಸಮಸ್ಯೆಯೂ ಇರುವುದಿಲ್ಲ. ರೈತರು ಗುಂಪುಗಳಾಗಿ (FPO) ಸೇರಿಕೊಂಡು ಕೂಡ ಈ ಸ್ಥಾವರಗಳನ್ನು ಸ್ಥಾಪಿಸಲು ಅವಕಾಶವಿದೆ.
ಪಿಎಂ ಸೂರ್ಯ ಘರ್ ಯೋಜನೆಗೆ ವೇಗ
ಕೇಂದ್ರ ಸಚಿವ ಪ್ರಹ್ಲಾದ್ ಜೋಶಿ ಅವರ ಪ್ರಕಾರ, ಪಿಎಂ ಸೂರ್ಯ ಘರ್ ಉಚಿತ ವಿದ್ಯುತ್ ಯೋಜನೆಯಡಿ ಈಗಾಗಲೇ 2.7 ಮಿಲಿಯನ್ ಮನೆಗಳಲ್ಲಿ ಸೋಲಾರ್ ಅಳವಡಿಸಲಾಗಿದೆ. ಪ್ರತಿದಿನ 11 ರಿಂದ 12 ಸಾವಿರ ಮನೆಗಳಲ್ಲಿ ಸೋಲಾರ್ ಪ್ಯಾನಲ್ ಅಳವಡಿಸಲಾಗುತ್ತಿದ್ದು, ಶೀಘ್ರದಲ್ಲೇ ಈ ವೇಗವನ್ನು ದಿನಕ್ಕೆ 15 ಸಾವಿರಕ್ಕೆ ಹೆಚ್ಚಿಸುವ ಗುರಿ ಹೊಂದಲಾಗಿದೆ. ನೀವು ಕೃಷಿಯ ಜೊತೆಗೆ ಸ್ಥಿರವಾದ ಉದ್ಯಮವನ್ನು ಪ್ರಾರಂಭಿಸಲು ಬಯಸಿದರೆ, ಪಿಎಂ ಕುಸುಮ್ 2.0 ಅತ್ಯುತ್ತಮ ಯೋಜನೆಯಾಗಲಿದೆ.
