ಈಜಿಪ್ಟ್ಗೆ ಪ್ರವಾಸಕ್ಕೆ ತೆರಳಿದ್ದ ಏಕಾಂಗಿ ಮಹಿಳಾ ಪ್ರವಾಸಿಗಿಯೊಬ್ಬರು (Solo Traveller), ಸ್ಕೂಬಾ ಡೈವಿಂಗ್ ಕಲಿಯುವ ವೇಳೆ ತರಬೇತುದಾರನಿಂದ ಅನುಚಿತ ವರ್ತನೆ ಎದುರಿಸಿದ್ದಾರೆ ಎಂದು ಗಂಭೀರ ಆರೋಪ ಮಾಡಿದ್ದಾರೆ. ಈ ಘಟನೆಯ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಚರ್ಚೆಗೆ ಗ್ರಾಸವಾಗಿದೆ.
ವೀಡಿಯೋದಲ್ಲಿ ಏನಿದೆ ?
ರಶಾದ್ ಮೆಡಿಯೆನ್ ಎಂಬ ಪ್ರವಾಸಿಗಿ ಇನ್ಸ್ಟಾಗ್ರಾಮ್ನಲ್ಲಿ ಈ ವೀಡಿಯೋ ಹಂಚಿಕೊಂಡಿದ್ದಾರೆ. ಸ್ಕೂಬಾ ಡೈವಿಂಗ್ ತರಬೇತಿ ನೀಡುವ ಸಂದರ್ಭದಲ್ಲಿ ತರಬೇತುದಾರ ನೀರಿನೊಳಗೆ ಪದೇ ಪದೇ ಆಕೆಯನ್ನು ಅಸಭ್ಯವಾಗಿ ಮುಟ್ಟುತ್ತಿರುವುದು ಮತ್ತು ಹಿಡಿಯುತ್ತಿರುವುದು ವೀಡಿಯೋದಲ್ಲಿದೆ. ತರಬೇತುದಾರನ ವರ್ತನೆಯಿಂದ ತನಗೆ ತುಂಬಾ ಮುಜುಗರ ಮತ್ತು ಅಸಹಜ ಎನಿಸಿತು ಎಂದು ಅವರು ಹೇಳಿದ್ದಾರೆ.
ತರಬೇತಿಯ ಆರಂಭದಿಂದಲೇ ಆತನ ವರ್ತನೆ ಅನುಮಾನಾಸ್ಪದವಾಗಿತ್ತು, ಹಾಗಾಗಿ ನಾನು ವೀಡಿಯೋ ರೆಕಾರ್ಡ್ ಮಾಡಲು ನಿರ್ಧರಿಸಿದೆ ಎಂದು ರಶಾದ್ ತಿಳಿಸಿದ್ದಾರೆ.ಮಹಿಳೆಯರು ಇಂತಹ ಪರಿಸ್ಥಿತಿಗಳಲ್ಲಿ ಮೌನವಾಗಿರದೆ ಧ್ವನಿ ಎತ್ತಬೇಕು ಎಂದು ಅವರು ವಿನಂತಿಸಿದ್ದಾರೆ. ಜೊತೆಗೆ ಇತರ ಪ್ರವಾಸಿಗರಿಗೆ ಎಚ್ಚರಿಕೆ ನೀಡಲು ಆ ತರಬೇತುದಾರನ ಹೆಸರನ್ನು ಕೂಡ ಬಹಿರಂಗಪಡಿಸಿದ್ದಾರೆ.
ಇಂಟರ್ನೆಟ್ನಲ್ಲಿಆಕ್ರೋಶ
ವೃತ್ತಿಪರರ ಅಭಿಪ್ರಾಯ: ಸ್ಕೂಬಾ ಡೈವಿಂಗ್ ತರಬೇತಿ ನೀಡುವಾಗ ವಿದ್ಯಾರ್ಥಿಗಳ ಸುರಕ್ಷತೆಗಾಗಿ ಅಥವಾ ಸಮತೋಲನ ಕಾಪಾಡಲು ತರಬೇತುದಾರರು ಮುಟ್ಟುವುದು ಅನಿವಾರ್ಯವಾಗಬಹುದು. ಆದರೆ, ಅದು ವೃತ್ತಿಪರ ಮಿತಿಯಲ್ಲಿರಬೇಕು. ಇಲ್ಲಿ ತರಬೇತುದಾರ ಉದ್ದೇಶಪೂರ್ವಕವಾಗಿ ಅನುಚಿತವಾಗಿ ವರ್ತಿಸಿರುವುದು ಸ್ಪಷ್ಟವಾಗಿ ಕಾಣುತ್ತಿದೆ ಎಂದು ಇತರ ಡೈವಿಂಗ್ ಪರಿಣಿತರು ಅಭಿಪ್ರಾಯಪಟ್ಟಿದ್ದಾರೆ.
ದೂರು ನೀಡಲು ಸಲಹೆ: ಈ ಬಗ್ಗೆ ಸಂಬಂಧಪಟ್ಟ ಡೈವಿಂಗ್ ಸೆಂಟರ್ ಮತ್ತು ಅಂತಾರಾಷ್ಟ್ರೀಯ ತರಬೇತಿ ಸಂಸ್ಥೆಗಳಿಗೆ ಅಧಿಕೃತ ದೂರು ನೀಡುವಂತೆ ಜನರು ರಶಾದ್ ಅವರಿಗೆ ಸಲಹೆ ನೀಡಿದ್ದಾರೆ. ಈ ಘಟನೆಯು ಪ್ರವಾಸಿ ತಾಣಗಳಲ್ಲಿ ಮತ್ತು ಮನರಂಜನಾ ಕ್ರೀಡೆಗಳ ಸಂದರ್ಭದಲ್ಲಿ ಮಹಿಳೆಯರ ಸುರಕ್ಷತೆಯ ಬಗ್ಗೆ ಮತ್ತೆ ಆತಂಕ ಮೂಡಿಸಿದೆ.
A post shared by Rasha Mediene | Luxurious Nomad ✈️ (@roam.with.rasha)
