ಪುಣೆ: ಜಿಲ್ಲೆಯಲ್ಲಿ 9.6 ಕೆಜಿ ಮಾದಕ ವಸ್ತು ವಶಪಡಿಸಿಕೊಂಡಿದ್ದು, ಪೊಲೀಸ್ ಕಾನ್‌ ಸ್ಟೆಬಲ್ ಸೇರಿದಂತೆ ನಾಲ್ವರನ್ನು ಬಂಧಿಸಲಾಗಿದೆ ಎಂದು ಪುಣೆ ಗ್ರಾಮೀಣ ಪೊಲೀಸರು ಮಂಗಳವಾರ ತಿಳಿಸಿದ್ದಾರೆ.
ಜನವರಿ 17 ರಂದು ಶಿರೂರ್ ಪೊಲೀಸರು ಶಾದಾಬ್ ಶೇಖ್(41) ಅವರ ಬಳಿಯಿಂದ ಸುಮಾರು 2 ಕೋಟಿ ರೂ. ಮೌಲ್ಯದ 1.5 ಕೆಜಿ ಶಂಕಿತ ಮಾದಕ ದ್ರವ್ಯವನ್ನು ವಶಪಡಿಸಿಕೊಂಡ ನಂತರ ಈ ಕ್ರಮ ಕೈಗೊಳ್ಳಲಾಗಿದೆ. ವಶಪಡಿಸಿಕೊಂಡ ಮಾದಕ ದ್ರವ್ಯ ಮೆಫೆಡ್ರೋನ್ ಅಥವಾ ಆಲ್ಪ್ರಜೋಲಮ್ ಆಗಿದೆಯೇ ಎಂದು ಇನ್ನೂ ಖಚಿತವಾಗಿಲ್ಲ.
ಶೇಖ್ ಅವರ ವಿಚಾರಣೆಯ ಸಮಯದಲ್ಲಿ, ದನ್ಯಾಂಡಿಯೋ ಶಿಂಧೆ, ರುಷಿಕೇಶ್ ಚಿತ್ತರ್ ಮತ್ತು ಮಹೇಶ್ ಗಾಯಕ್ವಾಡ್ ಅವರ ಹೆಸರುಗಳು ಕಂಡುಬಂದವು ಮತ್ತು ಅವರಿಂದ 9.6 ಕೆಜಿ ಮಾದಕ ದ್ರವ್ಯವನ್ನು ವಶಪಡಿಸಿಕೊಳ್ಳಲಾಗಿದೆ. ಅಹಲ್ಯಾನಗರ ಜಿಲ್ಲೆಯ ಪೊಲೀಸ್ ಠಾಣೆಗೆ ನಿಯೋಜಿಸಲಾದ ಕಾನ್‌ಸ್ಟೆಬಲ್ ಶ್ಯಾಮ್‌ಸುಂದರ್ ಗುಜರ್ ಅವರಿಂದ ಚಿತ್ತರ್ ಈ ವಸ್ತುವನ್ನು ಖರೀದಿಸಿದ್ದಾರೆ ಎಂದು ತನಿಖೆಯಿಂದ ತಿಳಿದುಬಂದಿದೆ. ಪ್ರಕರಣವೊಂದರಲ್ಲಿ ವಶಪಡಿಸಿಕೊಂಡ ಮಾದಕವಸ್ತುವನ್ನು ಗುಜರ್ ಕದ್ದು ಚಿತ್ತಾರ್‌ ಗೆ ಮಾರಾಟ ಮಾಡಿದ್ದಾನೆ. ಹೆಚ್ಚಿನ ತನಿಖೆ ನಡೆಯುತ್ತಿದೆ ಎಂದು ಅಧಿಕಾರಿಯೊಬ್ಬರು ಹೇಳಿದ್ದಾರೆ.
