ಜನಪ್ರಿಯ ಯೂಟ್ಯೂಬರ್ ಮತ್ತು ರಾಜಕೀಯ ವಿಶ್ಲೇಷಕ ಧ್ರುವ ರಾಠಿ (Dhruv Rathee), ತಮ್ಮ ಜರ್ಮನ್ ಪತ್ನಿ ಜೂಲಿಗೆ ಮೋಸ ಮಾಡಿದ್ದಾರೆ ಎಂಬ ವದಂತಿಗಳಿಗೆ ಇತ್ತೀಚೆಗೆ ಅತ್ಯಂತ ವ್ಯಂಗ್ಯವಾಗಿ ಮತ್ತು ಹಾಸ್ಯಭರಿತವಾಗಿ ಪ್ರತಿಕ್ರಿಯಿಸಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿರುವ ಈ ಸುಳ್ಳು ಸುದ್ದಿಗಳ ಬಗ್ಗೆ ಧ್ರುವ ಅವರು ಶನಿವಾರ (ಜನವರಿ 17, 2026) ವಿಡಿಯೋ ಒಂದನ್ನು ಬಿಡುಗಡೆ ಮಾಡಿ, ವದಂತಿ ಹರಡುವವರಿಗೆ ತಿರುಗೇಟು ನೀಡಿದ್ದಾರೆ.
ಘಟನೆಯ ಹಿನ್ನೆಲೆ: ಇಂಟರ್ನೆಟ್‌ನಲ್ಲಿ ಸದ್ಯ ಚಾಲ್ತಿಯಲ್ಲಿರುವ ‘Spill the Tea’ ಎಂಬ ಟ್ರೆಂಡ್‌ನ ಭಾಗವಾಗಿ, ಧ್ರುವ ರಾಠಿ ಅವರು ನಾಲ್ಕೈದು ತಿಂಗಳ ಹಿಂದೆ ಒಬ್ಬ ಪ್ರಭಾವಿ ವ್ಯಕ್ತಿಯೊಂದಿಗೆ (Influencer) ಫ್ಲರ್ಟ್ ಮಾಡುತ್ತಿದ್ದರು ಎಂಬ ಅನಾಮಧೇಯ ಮತ್ತು ಆಧಾರರಹಿತ ಆರೋಪವೊಂದು ಕೇಳಿಬಂದಿತ್ತು. ಈ ಕುರಿತು ಯಾವುದೇ ಪುರಾವೆಗಳಿರಲಿಲ್ಲ.
ಧ್ರುವ ರಾಠಿ ಅವರ ವ್ಯಂಗ್ಯಭರಿತ ಪ್ರತಿಕ್ರಿಯೆ:
ಸುಮಾರು 55 ಸೆಕೆಂಡ್‌ಗಳ ಈ ವಿಡಿಯೋದಲ್ಲಿ ಧ್ರುವ ಅವರು ನಗುತ್ತಲೇ ಈ ಕೆಳಗಿನಂತೆ ಮಾತನಾಡಿದ್ದಾರೆ:
ಬಿಲ್ಕುಲ್ ಬಕ್ವಾಸ್” (ತೀರಾ ಅಸಂಬದ್ಧ): “ಅರೇ ಯಾರ್.. ನಾನು ನನ್ನ ಪತ್ನಿಗೆ ಮೋಸ ಮಾಡಿದ್ದೇನಾ? ಗಂಭೀರವಾಗಿಯೇ? ಒಂದು ಸುಳ್ಳು ಕಥೆ ಸೃಷ್ಟಿಸಲು ನಿಮಗೆ ಇಷ್ಟು ಕನಿಷ್ಠ ಪ್ರಯತ್ನವೂ ಮಾಡಲು ಸಾಧ್ಯವಾಗಲಿಲ್ವೇ?” ಎಂದು ಗೇಲಿ ಮಾಡಿದ್ದಾರೆ.
ಪುರಾವೆ ಶೂನ್ಯ: “ನಾಲ್ಕೈದು ತಿಂಗಳ ಹಿಂದೆ ಯಾರೋ ಇನ್‌ಫ್ಲುಯೆನ್ಸರ್ ಜೊತೆ ಫ್ಲರ್ಟ್ ಮಾಡಿದ್ದೇನಂತೆ.. ಇದಕ್ಕೆ ಪುರಾವೆ ಎಲ್ಲಿದೆ? ಶೂನ್ಯ! ಏನಾದರೂ ಎಐ (AI) ಬಳಸಿ ಫೇಕ್ ಚಾಟ್ ಕ್ರಿಯೇಟ್ ಮಾಡಬಾರದಾಗಿತ್ತಾ? ಸ್ವಲ್ಪ ಬುದ್ಧಿ ಉಪಯೋಗಿಸಿ,” ಎಂದು ವದಂತಿ ಹರಡುವವರ ಕಾಲೆಳೆದಿದ್ದಾರೆ.
ನೆಕ್ಸ್ಟ್ ಟೈಮ್ ಟ್ರೈ ಮಾಡಿ: “ಖಂಡಿತವಾಗಿಯೂ ಇದು ಬಕ್ವಾಸ್ ಸುದ್ದಿ. ಬೆಟರ್ ಲಕ್ ನೆಕ್ಸ್ಟ್ ಟೈಮ್,” ಎಂದು ಹೇಳುವ ಮೂಲಕ ಈ ವಿವಾದಕ್ಕೆ ಮಂಗಳ ಹಾಡಿದ್ದಾರೆ.
ಪತ್ನಿ ಜೂಲಿ ಪ್ರತಿಕ್ರಿಯೆ: ಇತ್ತ ಧ್ರುವ ಅವರ ಪತ್ನಿ ಜೂಲಿ (Juli) ಕೂಡ ಈ ಬಗ್ಗೆ ಇನ್‌ಸ್ಟಾಗ್ರಾಮ್‌ನಲ್ಲಿ ಪ್ರತಿಕ್ರಿಯಿಸಿದ್ದು, “ಇಂತಹ ಕೆಟ್ಟ ವದಂತಿಗಳನ್ನು ಹರಡಬೇಡಿ. ಧ್ರುವ ಅತ್ಯಂತ ಪ್ರೀತಿಯ ಪತಿ, ನಾವಿಬ್ಬರೂ ತುಂಬಾ ಸಂತೋಷವಾಗಿದ್ದೇವೆ,” ಎಂದು ಸ್ಪಷ್ಟಪಡಿಸಿದ್ದಾರೆ.
