ಬೆಂಗಳೂರು: ಸಂಬಳ ಪಡೆಯುವ ಪ್ರತಿಯೊಬ್ಬ ಉದ್ಯೋಗಿಗೂ ಪಿಎಫ್ (Provident Fund) ಎನ್ನುವುದು ಕಷ್ಟಕಾಲದ ಆಪ್ತಮಿತ್ರನಿದ್ದಂತೆ. ನಿವೃತ್ತಿಯ ನಂತರದ ಜೀವನಕ್ಕೆ ಅಥವಾ ತುರ್ತು ಹಣದ ಅವಶ್ಯಕತೆ ಇದ್ದಾಗ ನಾವು ಮೊದಲು ಅವಲಂಬಿಸುವುದೇ ಈ ಇಪಿಎಫ್ (EPF) ಹಣವನ್ನು. ಆದರೆ, ಅನೇಕ ಬಾರಿ ಅರ್ಜಿ ಸಲ್ಲಿಸಿದಾಗ ಕ್ಲೈಮ್ ರಿಜೆಕ್ಟ್ (Claim Rejected) ಎಂಬ ಮೆಸೇಜ್ ಬಂದು ನಮಗೆ ನಿರಾಸೆ ಮೂಡಿಸುತ್ತದೆ. ಅಷ್ಟಕ್ಕೂ ಸಣ್ಣ ತಪ್ಪುಗಳು ನಿಮ್ಮ ಹಣ ನಿಮಗೆ ಸಿಗದಂತೆ ಮಾಡುತ್ತವೆಯೇ? ಇಪಿಎಫ್ಒ ನಿಮ್ಮ ಅರ್ಜಿಯನ್ನು ಏಕೆ ತಿರಸ್ಕರಿಸುತ್ತದೆ? ಇಲ್ಲಿದೆ ಕಂಪ್ಲೀಟ್ ಡೀಟೇಲ್ಸ್.
ನಿಮ್ಮ PF ಕ್ಲೈಮ್ ರಿಜೆಕ್ಟ್ ಆಗಲು ಇವೇ ಕಾರಣ:
1.ಕವೈಸಿ (KYC) ಅಪ್ಡೇಟ್ ಇಲ್ಲದಿರುವುದು: ನಿಮ್ಮ ಯುಎಎನ್ (UAN) ಖಾತೆಗೆ ಆಧಾರ್, ಪಾನ್ ಕಾರ್ಡ್ ಅಥವಾ ಬ್ಯಾಂಕ್ ಖಾತೆ ಸರಿಯಾಗಿ ಲಿಂಕ್ ಆಗದಿದ್ದರೆ ಕ್ಲೈಮ್ ತಿರಸ್ಕೃತವಾಗುವ ಸಾಧ್ಯತೆ 90% ಇರುತ್ತದೆ. ಇವುಗಳಲ್ಲಿ ಸಣ್ಣ ವ್ಯತ್ಯಾಸವಿದ್ದರೂ ಇಪಿಎಫ್ಒ ಅನುಮೋದನೆ ನೀಡುವುದಿಲ್ಲ.
2.ಹೆಸರು ಅಥವಾ ಜನ್ಮ ದಿನಾಂಕದಲ್ಲಿ ವ್ಯತ್ಯಾಸ: ನಿಮ್ಮ ಕಂಪನಿಯ ದಾಖಲೆಗಳಲ್ಲಿರುವ ಹೆಸರು ಮತ್ತು ಆಧಾರ್ ಕಾರ್ಡ್ನಲ್ಲಿರುವ ಹೆಸರು ಒಂದೇ ಆಗಿರಬೇಕು. ಅಕ್ಷರಗಳಲ್ಲಿನ ಸಣ್ಣ ವ್ಯತ್ಯಾಸ ಅಥವಾ ಜನ್ಮ ದಿನಾಂಕ (Date of Birth) ತಪ್ಪಾಗಿದ್ದರೆ ನಿಮ್ಮ ಅರ್ಜಿ ನೇರವಾಗಿ ರಿಜೆಕ್ಟ್ ಆಗುತ್ತದೆ.
3.ಬ್ಯಾಂಕ್ ಖಾತೆ ಮತ್ತು ಐಎಫ್ಎಸ್ಸಿ (IFSC) ಕೋಡ್: ಪಿಎಫ್ ಹಣ ಬರಬೇಕಾದ ಬ್ಯಾಂಕ್ ಖಾತೆ ಚಾಲ್ತಿಯಲ್ಲಿರಬೇಕು. ಇತ್ತೀಚೆಗೆ ಹಲವು ಬ್ಯಾಂಕ್ಗಳು ವಿಲೀನವಾಗಿರುವುದರಿಂದ ಐಎಫ್ಎಸ್ಸಿ ಕೋಡ್ಗಳು ಬದಲಾಗಿವೆ. ಹಳೆಯ ಕೋಡ್ ನೀಡಿದರೆ ಹಣ ವರ್ಗಾವಣೆಯಾಗದೆ ಕ್ಲೈಮ್ ರದ್ದಾಗುತ್ತದೆ.
4.ಸಹಿ ಅಥವಾ ಫೋಟೋ ಅಸ್ಪಷ್ಟತೆ: ಆನ್ಲೈನ್ನಲ್ಲಿ ಅಪ್ಲೋಡ್ ಮಾಡುವ ಚೆಕ್ ಬುಕ್ ಅಥವಾ ಬ್ಯಾಂಕ್ ಪಾಸ್ಬುಕ್ ಫೋಟೋ ಸ್ಪಷ್ಟವಾಗಿರಬೇಕು. ನಿಮ್ಮ ಹೆಸರು ಮತ್ತು ಅಕೌಂಟ್ ನಂಬರ್ ಸರಿಯಾಗಿ ಕಾಣಿಸದಿದ್ದರೆ ಅಧಿಕಾರಿಗಳು ಅರ್ಜಿಯನ್ನು ತಿರಸ್ಕರಿಸುತ್ತಾರೆ.
5.ಉದ್ಯೋಗದ ಅವಧಿ ಮತ್ತು ನಿಯಮಗಳ ಉಲ್ಲಂಘನೆ: ಕೆಲವು ನಿರ್ದಿಷ್ಟ ಕಾರಣಗಳಿಗಾಗಿ (ಮನೆ ಖರೀದಿ, ಮದುವೆ, ಅನಾರೋಗ್ಯ) ಹಣ ಪಡೆಯಲು ಇಂತಿಷ್ಟು ವರ್ಷಗಳ ಕಾಲ ಕೆಲಸ ಮಾಡಿರಬೇಕು ಎಂಬ ನಿಯಮವಿದೆ. ಆ ಅವಧಿ ಪೂರ್ಣಗೊಳ್ಳುವ ಮೊದಲೇ ಅರ್ಜಿ ಸಲ್ಲಿಸಿದರೆ ರಿಜೆಕ್ಟ್ ಆಗುವುದು ಗ್ಯಾರಂಟಿ.
ತಿರಸ್ಕಾರ ತಪ್ಪಿಸಲು ಏನು ಮಾಡಬೇಕು?
ಕ್ಲೈಮ್ ಸಲ್ಲಿಸುವ ಮೊದಲು ನಿಮ್ಮ UAN ಪೋರ್ಟಲ್ ಲಾಗಿನ್ ಆಗಿ ಪ್ರೊಫೈಲ್ ಪರಿಶೀಲಿಸಿ.
ಆಧಾರ್ ಕಾರ್ಡ್ಗೆ ಫೋನ್ ನಂಬರ್ ಲಿಂಕ್ ಆಗಿದೆಯೇ ಎಂದು ಖಚಿತಪಡಿಸಿಕೊಳ್ಳಿ.
ಇತ್ತೀಚಿನ ಐಎಫ್ಎಸ್ಸಿ ಕೋಡ್ ಇರುವ ಚೆಕ್ ಲೀಫ್ ಅಪ್ಲೋಡ್ ಮಾಡಿ.
ಪಿಎಫ್ ಹಣವನ್ನು ನೀವು ಎರಡು ರೀತಿಯಲ್ಲಿ ಹಿಂಪಡೆಯಬಹುದು:
ಒಂದು ಸಂಪೂರ್ಣ ಮೊತ್ತ (Full Withdrawal) ಮತ್ತು ಮತ್ತೊಂದು ಭಾಗಶಃ ಮೊತ್ತ (Partial/Advance Withdrawal).
1.ಸಂಪೂರ್ಣ ಹಣವನ್ನು (Total PF) ಯಾವಾಗ ಪಡೆಯಬಹುದು?
ನಿವೃತ್ತಿಯ ನಂತರ: ಉದ್ಯೋಗಿಯು 58 ವರ್ಷ ಪೂರೈಸಿ ನಿವೃತ್ತರಾದಾಗ ಖಾತೆಯಲ್ಲಿರುವ ಪೂರ್ಣ ಹಣವನ್ನು ಪಡೆಯಬಹುದು.
ನಿರುದ್ಯೋಗದ ಸಮಯದಲ್ಲಿ: ನೀವು ಕೆಲಸ ಬಿಟ್ಟಿದ್ದರೆ ಅಥವಾ ಕೆಲಸ ಕಳೆದುಕೊಂಡಿದ್ದರೆ, ಸತತ 2 ತಿಂಗಳುಗಳ ಕಾಲ (60 ದಿನಗಳು) ನಿರುದ್ಯೋಗಿಯಾಗಿ ಉಳಿದ ನಂತರ ನಿಮ್ಮ ಪಿಎಫ್ ಹಣವನ್ನು ಸಂಪೂರ್ಣವಾಗಿ ವಿತ್ಡ್ರಾ ಮಾಡಬಹುದು.
2.ಭಾಗಶಃ ಹಣವನ್ನು (PF Advance) ಯಾವಾಗ ಪಡೆಯಬಹುದು? ವಿಶೇಷ ಸಂದರ್ಭಗಳಲ್ಲಿ ಆರ್ಥಿಕ ನೆರವಿಗಾಗಿ ನಿಮ್ಮ ಖಾತೆಯಲ್ಲಿರುವ ಹಣದ ಸ್ವಲ್ಪ ಭಾಗವನ್ನು ಪಡೆಯಲು ಅವಕಾಶವಿದೆ:
ವೈದ್ಯಕೀಯ ತುರ್ತುಸ್ಥಿತಿ: ಸ್ವಂತಕ್ಕೆ ಅಥವಾ ಕುಟುಂಬ ಸದಸ್ಯರ ಅನಾರೋಗ್ಯದ ಚಿಕಿತ್ಸೆಗಾಗಿ.
ಮದುವೆ: ಸ್ವಂತ ಮದುವೆ ಅಥವಾ ಮಕ್ಕಳ ಮದುವೆಯ ಖರ್ಚಿಗಾಗಿ.
ಶಿಕ್ಷಣ: ಮಕ್ಕಳ ಉನ್ನತ ವ್ಯಾಸಂಗಕ್ಕಾಗಿ.
ಮನೆ ಅಥವಾ ಸೈಟ್ ಖರೀದಿ: ಹೊಸ ಮನೆ ಕಟ್ಟಲು ಅಥವಾ ಗೃಹ ಸಾಲದ (Home Loan) ಮರುಪಾವತಿಗಾಗಿ.
ನೈಸರ್ಗಿಕ ವಿಕೋಪ: ಪ್ರಕೃತಿ ವಿಕೋಪದಿಂದ ಮನೆ ಹಾನಿಗೊಳಗಾದ ಸಂದರ್ಭದಲ್ಲಿ.
