ಸಿಂಗಾಪುರದಲ್ಲಿ ನಡೆದ ದುರಂತ ಸ್ಕೂಬಾ ಡೈವಿಂಗ್ ಅಪಘಾತದಲ್ಲಿ ಖ್ಯಾತ ಅಸ್ಸಾಮಿ ಗಾಯಕ ಮತ್ತು ಸಾಂಸ್ಕೃತಿಕ ಐಕಾನ್ ಜುಬೀನ್ ಗಾರ್ಗ್ ಸಾವನ್ನಪ್ಪಿದ್ದಾರೆ.
ಸ್ಕೂಬಾ ಡೈವಿಂಗ್’ ವೇಳೆ ಅಪಘಾತ ಸಂಭವಿಸಿದ್ದು, , ಸಿಂಗಾಪುರ ಪೊಲೀಸರು ಅವರನ್ನು ಸಮುದ್ರದಿಂದ ರಕ್ಷಿಸಿ ಹತ್ತಿರದ ಆಸ್ಪತ್ರೆಗೆ ಸಾಗಿಸಿದರು. ತೀವ್ರ ವೈದ್ಯಕೀಯ ನಿಗಾದಲ್ಲಿ ಇರಿಸಲಾಗಿದ್ದರೂ, ವೈದ್ಯರು ಅವರನ್ನು ಉಳಿಸಲು ಸಾಧ್ಯವಾಗಲಿಲ್ಲ. ನಾರ್ತ್ ಈಸ್ಟ್ ಫೆಸ್ಟಿವಲ್ನಲ್ಲಿ ಭಾಗವಹಿಸಲು ದ್ವೀಪ ರಾಷ್ಟ್ರಕ್ಕೆ ಪ್ರಯಾಣಿಸಿದ್ದ ಗಾಯಕ ಸ್ಕೂಬಾ ಡೈವಿಂಗ್ ಸಮಯ ಸಮುದ್ರದಲ್ಲಿ ಪ್ರಜ್ಞೆ ಕಳೆದುಕೊಂಡಿದ್ದಾರೆ. ಅವರನ್ನು ತಕ್ಷಣ ಆಸ್ಪತ್ರೆಗೆ ದಾಖಲಿಸಲಾಯಿತು. ಆದರೆ ಅವರು ಬದುಕುಳಿಯಲಿಲ್ಲ.
ಜುಬೀನ್ ಪ್ರದರ್ಶನ ನೀಡಬೇಕಿದ್ದ ಈಶಾನ್ಯ ಸಂಗೀತ ಉತ್ಸವದಲ್ಲಿ ಭಾಗವಹಿಸಲು ಸಿಂಗಾಪುರದಲ್ಲಿದ್ದರು. ಅವರ ಹಠಾತ್ ನಿಧನವು ಅಭಿಮಾನಿಗಳು ಮತ್ತು ಇಡೀ ಅಸ್ಸಾಮಿ ಸಮುದಾಯವನ್ನು ಆಘಾತಕ್ಕೀಡು ಮಾಡಿದೆ. ಅಸ್ಸಾಂ, ಈಶಾನ್ಯ ಮತ್ತು ಅದರಾಚೆಗಿನ ಭಾಗಗಳಿಂದ ಶ್ರದ್ಧಾಂಜಲಿ ಮತ್ತು ಸಂತಾಪಗಳು ಹರಿದು ಬರುತ್ತದೆ.
