ಇತ್ತೀಚಿನ ಅಧ್ಯಯನದ ಪ್ರಕಾರ, ಗರ್ಭಾವಸ್ಥೆಯಲ್ಲಿ ವ್ಯಾಪಕವಾಗಿ ಬಳಸಲಾಗುವ ನೋವು ನಿವಾರಕ ಪ್ಯಾರಸಿಟಮಾಲ್ ಮಾತ್ರೆಯು ಮಕ್ಕಳಲ್ಲಿ ಆಟಿಸಂ ಸ್ಪೆಕ್ಟ್ರಮ್ ಡಿಸಾರ್ಡರ್ (ASD) ಮತ್ತು ಗಮನ-ಕೊರತೆ/ಹೈಪರ್ಆಕ್ಟಿವಿಟಿ ಡಿಸಾರ್ಡರ್ (ADHD) ಯ ಹೆಚ್ಚಿನ ಅಪಾಯಕ್ಕೆ ಸಂಬಂಧಿಸಿರಬಹುದು.
ಇತ್ತೀಚಿನ ಸಂಶೋಧನೆಗಳು ಕಾರಣವನ್ನು ಸಾಬೀತುಪಡಿಸುವಲ್ಲಿ ವಿಫಲವಾಗಿದ್ದರೂ, ಪ್ರಸೂತಿ ಆರೈಕೆಯಲ್ಲಿ ಎಚ್ಚರಿಕೆಯಿಂದ ಬಳಸುವುದಕ್ಕೆ ಈ ಅಧ್ಯಯನವು ಬಲ ನೀಡುತ್ತದೆ ಎಂದು ಭಾರತೀಯ ತಜ್ಞರು ಒಪ್ಪುತ್ತಾರೆ.
ಅಧ್ಯಯನದ ಪ್ರಕಾರ, ಅಸೆಟಾಮಿನೋಫೆನ್ ಅಥವಾ ಪ್ಯಾರಸಿಟಮಾಲ್ ಗರ್ಭಾವಸ್ಥೆಯಲ್ಲಿ ಸಾಮಾನ್ಯವಾಗಿ ಬಳಸುವ ಔಷಧಿಯಾಗಿದೆ, ವಿಶ್ವಾದ್ಯಂತ ಶೇಕಡಾ 50 ಕ್ಕೂ ಹೆಚ್ಚು ಗರ್ಭಿಣಿಯರು ಅಸೆಟಾಮಿನೋಫೆನ್ ಅನ್ನು ಬಳಸುತ್ತಾರೆ.
ಅಧ್ಯಯನವು ಏನು ಕಂಡುಹಿಡಿದಿದೆ?
ಗರ್ಭಾವಸ್ಥೆಯಲ್ಲಿ ಪ್ಯಾರಾಸಿಟಮಾಲ್ ಬಳಕೆಯು ಭ್ರೂಣದ ಬೆಳವಣಿಗೆಗೆ ಅಡ್ಡಿ ಉಂಟು ಮಾಡಬಹುದು ಎಂದು ವಿಜ್ಞಾನಿಗಳು ಎಚ್ಚರಿಕೆ ನೀಡಿದ್ದಾರೆ. ಅಲ್ಲದೇ ಇದು ಅನೇಕ ರೀತಿಯ ಅಸ್ವಸ್ಥತೆಗಳನ್ನು ಉಂಟುಮಾಡಬಹುದು ಎಂದು ವಿಜ್ಞಾನಿಗಳು ಎಚ್ಚರಿಸಿದ್ದಾರೆ.
ಜ್ವರ ಬಂದಾಗ ನಮ್ಮ ದೇಹದ ಉಷ್ಣತೆಗೆ ಮೆದುಳಿನಲ್ಲಿರುವ ರಾಸಾಯನಿಕ ಸಂದೇಶವಾಹಕಗಳು ಅನುಮತಿಸುತ್ತವೆ. ಪ್ಯಾರಾಸಿಟಮಾಲ್ ಮೆದುಳಿನಲ್ಲಿರುವ ರಾಸಾಯನಿಕ ಸಂದೇಶವಾಹಕಗಳನ್ನು ತಡೆಯುವ ಮೂಲಕ ನಮ್ಮ ದೇಹದ ಉಷ್ಣತೆಯನ್ನು ನಿಯಂತ್ರಿಸಲು ಅನುವು ಮಾಡಿಕೊಡುತ್ತದೆ ಎಂಬುದಾಗಿ ಕೆಲವು ಅಧ್ಯಯನಗಳು ಹೇಳುತ್ತವೆ. ಮಾತನಾಡುವಾಗ ತೊದಲುವುದು ಮತ್ತು ಐಕ್ಯೂ ಮಟ್ಟದಲ್ಲಿನ ಇಳಿಕೆಗೆ ಪ್ಯಾರಾಸಿಟಮಲ್ನ ಕಾರಣವಾಗಬಹುದು ಎಂಬುದಾಗಿ ಹಲವು ಅಧ್ಯಯನಗಳು ಹೇಳಿವೆ.
ಸೂಚನೆ : ವೈದ್ಯರ ಸಲಹೆಯ ಮೇರೆಗೆ ಮಾತ್ರ ಪ್ಯಾರಾಸಿಟಮಲ್ ಅನ್ನು ಬಳಸಬೇಕೆಂದು ಸಂಶೋಧಕರು ಗರ್ಭಿಣಿಯರಿಗೆ ಎಚ್ಚರಿಸಿದ್ದಾರೆ
