ಮರ್ಯಾದೆಗೇಡು ಹತ್ಯೆಗೊಳಗಾದ ಯುವತಿ ಸಾಯುವ ಗಂಟೆಗಳ ಮೊದಲು ಪ್ರಿಯಕರನಿಗೆ ಬರೆದ ನನ್ನನ್ನು ಉಳಿಸಿ ಎಂದು ಮನಕಲಕುವ ಸಂದೇಶ ಕಳಿಸಿದ ಸಂಗತಿ ಬೆಳಕಿಗೆ ಬಂದಿದೆ
ಮರ್ಯಾದೆಗೇಡು ಹತ್ಯೆಯ ಶಂಕಿತ ಪ್ರಕರಣದಲ್ಲಿ ಗುಜರಾತ್ನ ಬನಸ್ಕಂತ ಜಿಲ್ಲೆಯ 18 ವರ್ಷದ ಯುವತಿಯನ್ನು ಆಕೆಯ ತಂದೆ ಮತ್ತು ಇಬ್ಬರು ಚಿಕ್ಕಪ್ಪಂದಿರು ಕೊಂದಿದ್ದಾರೆ ಎಂದು ಆರೋಪಿಸಲಾಗಿದೆ.
ಜೂನ್ 24 ರಂದು ಆಕೆಯ ಸಾವಿಗೆ ಕೆಲವೇ ಗಂಟೆಗಳ ಮೊದಲು, ಅವಳು ತನ್ನ ಗೆಳೆಯನಿಗೆ “ನನ್ನನ್ನು ಉಳಿಸಿ ಇಲ್ಲದಿದ್ದರೆ ಅವರು ನನ್ನನ್ನು ಉಳಿಸುವುದಿಲ್ಲ, ಅಥವಾ ಬೇರೆ ಮದುವೆ ಮಾಡುತ್ತಾರೆ” ಎಂದು ಸಂದೇಶ ಕಳುಹಿಸಿದ್ದಳು.
ಲಿವ್-ಇನ್ ಸಂಬಂಧದಲ್ಲಿದ್ದ ಯುವತಿ, ತಮ್ಮ ಸಂಬಂಧಕ್ಕೆ ಕುಟುಂಬದವರ ಭಯದಲ್ಲಿ ಬದುಕುತ್ತಿದ್ದಳು. ನನ್ನನ್ನು ಕರೆದುಕೊಂಡು ಹೋಗಿ, ಇಲ್ಲದಿದ್ದರೆ ನನ್ನ ಕುಟುಂಬವು ನನ್ನ ಇಚ್ಛೆಗೆ ವಿರುದ್ಧವಾಗಿ ಮದುವೆ ಮಾಡುತ್ತದೆ. ನಾನು ನಿರಾಕರಿಸಿದರೆ, ಅವರು ನನ್ನನ್ನು ಕೊಲ್ಲುತ್ತಾರೆ. ನನ್ನನ್ನು ಉಳಿಸಿ” ಎಂದು ಆಕೆಯ ಗೆಳೆಯನಿಗೆ ನೀಡಿದ ಕೊನೆಯ ಸಂದೇಶವು ಆಕೆಯ ಸಂಕಷ್ಟವನ್ನು ವಿವರಿಸಿದೆ. ಅದಾಗಿ ಗಂಟೆಗಳ ನಂತರ ಆಕೆಯ ಶವ ಪತ್ತೆಯಾಗಿದೆ.
ನಂತರ ಯುವತಿಯ ಲೈವ್-ಇನ್-ಪಾಲುದಾರ ಪೊಲೀಸ್ ದೂರು ದಾಖಲಿಸಿದ್ದಾರೆ. ಹಿರಿಯ ಪೊಲೀಸ್ ಅಧಿಕಾರಿಯ ಪ್ರಕಾರ, ಆಕೆಯ ತಂದೆ ಮತ್ತು ಚಿಕ್ಕಪ್ಪ ಅಪರಾಧದಲ್ಲಿ ಭಾಗಿಯಾಗಿದ್ದಾರೆ, ಒಬ್ಬ ಚಿಕ್ಕಪ್ಪನನ್ನು ಬಂಧಿಸಲಾಗಿದೆ ಆದರೆ ಆಕೆಯ ತಂದೆ ತಲೆಮರೆಸಿಕೊಂಡಿದ್ದಾರೆ.
ಆಕೆಯ ಲಿವ್-ಇನ್ ಪಾಲುದಾರ ಸಲ್ಲಿಸಿದ ದೂರಿನ ಆಧಾರದ ಮೇಲೆ ಆಗಸ್ಟ್ 6 ರಂದು ಸ್ಥಳೀಯ ಪೊಲೀಸರು ಹುಡುಗಿಯ ತಂದೆ ಸೆಂಧಭಾಯಿ ಪಟೇಲ್ ಮತ್ತು ಚಿಕ್ಕಪ್ಪ ಶಿವರಾಂಭಾಯ್ ಪಟೇಲ್ ಅವರ ವಿರುದ್ಧ ಕೊಲೆ ಪ್ರಕರಣ ದಾಖಲಿಸಿದ್ದಾರೆ. ಪೊಲೀಸ್ ತನಿಖೆಯಲ್ಲಿ ಯುವತಿಯನ್ನು ಶಿವರಾಂಭಾಯ್ ಮನೆಯಲ್ಲಿ ಕೊಲ್ಲಲಾಯಿತು. ಜೂನ್ 24 ರ ರಾತ್ರಿ ತರಾಡ್ನ ದಾಂತಿಯಾ ಗ್ರಾಮದಲ್ಲಿರುವ ಶಿವರಾಂಭಾಯ್ ಅವರ ಮನೆಯಲ್ಲಿದ್ದಾಗ, ಆಕೆಗೆ ನಿದ್ರೆ ಮಾತ್ರೆಗಳನ್ನು ಹೊಂದಿರುವ ಹಾಲು ನೀಡಲಾಯಿತು. ಆಕೆ ಪ್ರಜ್ಞೆ ತಪ್ಪಿದಾಗ, ಆಕೆಯ ಕತ್ತು ಹಿಸುಕಿ ಕೊಂದು ಮರುದಿನ ಬೆಳಿಗ್ಗೆ ತಮ್ಮ ಅಪರಾಧವನ್ನು ಮರೆಮಾಡಲು ಅವರಿಬ್ಬರು ಅಂತಿಮ ವಿಧಿಗಳನ್ನು ನಡೆಸಿದ್ದಾರೆ ಎಂದು ಹಿರಿಯ ಪೊಲೀಸ್ ಅಧಿಕಾರಿ ಹೇಳಿದ್ದಾರೆ.
ಯುವತಿ ವೈದ್ಯಕೀಯ ಕಾಲೇಜು ಪ್ರವೇಶಕ್ಕಾಗಿ ಸ್ಪರ್ಧಾತ್ಮಕ ಪರೀಕ್ಷೆಯಾದ ರಾಷ್ಟ್ರೀಯ ಅರ್ಹತಾ ಮತ್ತು ಪ್ರವೇಶ ಪರೀಕ್ಷೆ (NEET)ಯಲ್ಲಿ ಯಶಸ್ವಿಯಾಗಿ ಉತ್ತೀರ್ಣಳಾಗಿದ್ದಾಳೆ. ಆಕೆ ಸಂದೇಶ ಕಳಿಸಿದ್ದ ಸಂದರ್ಭದಲ್ಲಿ ಪ್ರಿಯಕರ ಜೈಲಿನಲ್ಲಿದ್ದ ಕಾರಣ ಪ್ರತಿಕ್ರಿಯಿಸಲು ಸಾಧ್ಯವಾಗಲಿಲ್ಲ. ನಂತರ ಅವರು ನ್ಯಾಯಾಲಯದಲ್ಲಿ ಹೇಬಿಯಸ್ ಕಾರ್ಪಸ್ ಅರ್ಜಿ ಸಲ್ಲಿಸಿದರು, ಆದರೆ ವಿಚಾರಣೆ ನಿಗದಿಯಾಗುವ ಹೊತ್ತಿಗೆ ಯುವತಿ ಸಾವನ್ನಪ್ಪಿದ್ದಳು. ಜೂನ್ 25 ರಂದು ವಿಚಾರಣೆಗೆ ಎರಡು ದಿನಗಳ ಮೊದಲು, ಜೂನ್ 24 ರ ರಾತ್ರಿ ಅವಳು ಸಾವನ್ನಪ್ಪಿದ್ದಾಳೆಂದು ಪ್ರಿಯಕರನಿಗೆ ಗೊತ್ತಾಗಿದೆ. ಮತ್ತು ಮರುದಿನ ಬೆಳಿಗ್ಗೆ ಅವಳ ಅಂತ್ಯಕ್ರಿಯೆಯನ್ನು ಸಹ ಮಾಡಲಾಗಿದೆ. FIR ಪ್ರಕಾರ, ದೂರುದಾರ ಯುವಕನೊಂದಿಗೆ ಮತ್ತೊಮ್ಮೆ ಓಡಿಹೋಗಬಹುದೆಂಬ ಭಯದಿಂದ ಹುಡುಗಿಯ ತಂದೆ ಮತ್ತು ಚಿಕ್ಕಪ್ಪ ಅವಳನ್ನು ಕೊಲ್ಲಲು ನಿರ್ಧರಿಸಿದ್ದರು.
