ನವದೆಹಲಿ: ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ(RBI) ರೆಪೊ ದರವನ್ನು ಕಡಿತಗೊಳಿಸಿದ ಹಿನ್ನೆಲೆಯಲ್ಲಿ ಎಲ್ಐಸಿ ಹೌಸಿಂಗ್ ಫೈನಾನ್ಸ್ ಹೊಸ ಗೃಹಸಾಲಗಳ ಮೇಲಿನ ಬಡ್ಡಿ ದರವನ್ನು ಶೇಕಡ 0.50 ರಷ್ಟು ಇಳಿಕೆ ಮಾಡಿದೆ.
ಇನ್ನು ಮುಂದೆ ಗೃಹ ಸಾಲದ ಮೇಲಿನ ಬಡ್ಡಿದರ ಶೇಕಡ 7.50 ರಿಂದ ಆರಂಭವಾಗಲಿದ್ದು, ಜೂನ್ 19ರಿಂದಲೇ ಇದು ಜಾರಿಗೆ ಬಂದಿದೆ.
ಈಗಾಗಲೇ ಅನೇಕ ಸರ್ಕಾರಿ ಸ್ವಾಮ್ಯದ ಮತ್ತು ಖಾಸಗಿ ಬ್ಯಾಂಕುಗಳು ಬಡ್ಡಿ ದರವನ್ನು ಕಡಿಮೆ ಮಾಡಿವೆ. ಇದೀಗ ಎಲ್ಐಸಿ ಹೌಸಿಂಗ್ ಫೈನಾನ್ಸ್ ಕೂಡ ಇದೆ ಕ್ರಮ ಕೈಗೊಂಡಿದೆ. ಮಾಧ್ಯಮ ಪ್ರಮಾಣದ ಆದಾಯ ಇರುವ ಕುಟುಂಬಗಳ ಮನೆ ನಿರ್ಮಿಸುವ ಬಹುದಿನದ ಕನಸುಗಳ ಈಡೇರಿಕೆಗೆ ಬಡ್ಡಿ ದರ ಇಳಿಕೆಯಿಂದ ಅನುಕೂಲವಾಗುತ್ತದೆ. ರಿಜರ್ವ್ ಬ್ಯಾಂಕ್ ಆಫ್ ಇಂಡಿಯಾ ನೀತಿಯನ್ನು ನಾವು ಚಾಚೂತಪ್ಪದೇ ಜಾರಿಗೊಳಿಸಿದ್ದೇವೆ. ಗ್ರಾಹಕರಿಗೆ ನಮ್ಮ ಲಾಭವನ್ನು ದಾಟಿಸುವುದೇ ಗುರಿಯಾಗಿದೆ ಎಂದು ಎಲ್ಐಸಿ ಹೌಸಿಂಗ್ ಫೈನಾನ್ಸ್ ಮಾಹಿತಿ ನೀಡಿದೆ.
