ನವದೆಹಲಿ: ಭಾರತದಲ್ಲಿ ಪಾಲ್ಕನ್ -2000 ವಾಣಿಜ್ಯ ವಿಮಾನಗಳ ತಯಾರಿಕೆಗೆ ಸಂಬಂಧಿಸಿದಂತೆ ಉದ್ಯಮಿ ಅನಿಲ್ ಅಂಬಾನಿ ಒಡೆತನದ ರಿಲಯನ್ಸ್ ಏರೋಸ್ಟ್ರಕ್ಚರ್ ಹಾಗೂ ಫ್ರಾನ್ಸ್ ಮೂಲದ ವಿಮಾನ ತಯಾರಿಕಾ ಸಂಸ್ಥೆ ಡೆಸಾಲ್ಟ್ ಏವಿಯೇಷನ್ ಸಹಿ ಹಾಕಿವೆ.
2028ರ ವೇಳೆಗೆ ನಾಗಪುರದಲ್ಲಿರುವ ರಿಲಯನ್ಸ್ ಏರೋ ಸ್ಟ್ರಕ್ಚರ್ ಫ್ಯಾಕ್ಟರಿಯಿಂದ ಮೇಡ್ ಇನ್ ಇಂಡಿಯಾ ಪಾಲ್ಕನ್ -2000 ವಿಮಾನಗಳ ಮೊದಲ ಬ್ಯಾಚ್ ಉತ್ಪಾದನೆ ಪೂರ್ಣವಾಗುವ ಸಾಧ್ಯತೆ ಇದೆ.
ಮೊದಲ ಬಾರಿಗೆ ಫಾಲ್ಕನ್ ವಿಮಾನಗಳನ್ನು ಫ್ರಾನ್ಸ್ ನಿಂದ ಹೊರಗೆ ತಯಾರಿಸಲಾಗುತ್ತಿದೆ. ರಿಲಯನ್ಸ್ ಸಹಯೋಗದಲ್ಲಿ ವಿಮಾನ ಉತ್ಪಾದನೆಗೆ ಭಾರತದಲ್ಲಿ ಮತ್ತಷ್ಟು ಇಂಜಿನಿಯರ್ ಗಳನ್ನು ನೇಮಕಾತಿ ಮಾಡಿಕೊಳ್ಳಲು ಡೆಸಾಲ್ಟ್ ಏಷಿಯೇಷನ್ ಯೋಜಿಸಿದೆ ಎಂದು ಹೇಳಲಾಗಿದೆ.
