ನವದೆಹಲಿ: ಇಂಡಿಯನ್ ಆಯಿಲ್ LPG ಗ್ಯಾಸ್ ದರಗಳನ್ನು ನವೀಕರಿಸಿದೆ. ಇಂದು 19 ಕೆಜಿ ವಾಣಿಜ್ಯ ಸಿಲಿಂಡರ್‌ಗಳು ಅಗ್ಗವಾಗಿವೆ.
ವಾಣಿಜ್ಯ ಸಿಲಿಂಡರ್ ದರವನ್ನು 17 ರೂ.ವರೆಗೆ ಕಡಿಮೆ ಮಾಡಲಾಗಿದೆ. ಇಂದು ಮೇ 1 ರಂದು ಕೋಲ್ಕತ್ತಾದಲ್ಲಿ ವಾಣಿಜ್ಯ ಸಿಲಿಂಡರ್ ಈಗ 1868.50 ರೂ ಬದಲಿಗೆ 1851.50 ರೂ., ಮುಂಬೈನಲ್ಲಿ 1713.50 ರೂ. ಬದಲು 1699 ರೂ.ಆಗಿದೆ.
ಚೆನ್ನೈನಲ್ಲಿ ವಾಣಿಜ್ಯ ಸಿಲಿಂಡರ್ ದರ 1921.50 ರೂ. ಬದಲು 1906.50 ರೂ.ಆಗಿದೆ. ದೆಹಲಿಯಲ್ಲಿ 1747.50 ರೂ.ಗೆ ಲಭ್ಯವಾಗಲಿದೆ.
ಇಂದು ದೇಶೀಯ ಎಲ್‌ಪಿಜಿ ಸಿಲಿಂಡರ್ ದೆಹಲಿಯಲ್ಲಿ 853 ರೂ., ಕೋಲ್ಕತ್ತಾದಲ್ಲಿ 879 ರೂ., ಮುಂಬೈನಲ್ಲಿ 852.50 ರೂ. ಮತ್ತು ಚೆನ್ನೈನಲ್ಲಿ 868.50 ರೂ. ಲಭ್ಯವಿರುತ್ತದೆ.
ದೇಶೀಯ ಎಲ್‌ಪಿಜಿ ಗ್ಯಾಸ್ ದರವನ್ನು ಏಪ್ರಿಲ್ 8 ರಂದು ನವೀಕರಿಸಲಾಯಿತು. ನಂತರ ಸರ್ಕಾರವು 14.2 ಕೆಜಿ ಎಲ್‌ಪಿಜಿ ಸಿಲಿಂಡರ್‌ನ ಬೆಲೆಯನ್ನು 50 ರೂ.ಹೆಚ್ಚಿಸಿತ್ತು. ಸುಮಾರು ಒಂದು ವರ್ಷದ ನಂತರ ಈ ಹೆಚ್ಚಳವಾಗಿದೆ.
ದೇಶದಲ್ಲಿ ಒಟ್ಟು 32.9 ಕೋಟಿ ಎಲ್‌ಪಿಜಿ ಸಂಪರ್ಕಗಳಿವೆ. ಈ ಪೈಕಿ 10.33 ಕೋಟಿ ಉಜ್ವಲ ಯೋಜನೆಯಡಿ ಬಡವರಿಗೆ 300 ರೂ. ಕಡಿಮೆ ದರದಲ್ಲಿ ಸಿಲಿಂಡರ್ ಸಿಗುತ್ತದೆ.
