ಬೀಜಿಂಗ್: ಬಾವಲಿಗಳಿಂದ ಮನುಷ್ಯನ ದೇಹಕ್ಕೆ ಹಬ್ಬಬಹುದಾದ ಕೋವಿಡ್ -19 ಮಾದರಿಯ ಮತ್ತೊಂದು ವೈರಸ್ ಅನ್ನು ಚೀನಾ ವಿಜ್ಞಾನಿಗಳು ಗುರುತಿಸಿದ್ದಾರೆ.
2019ರದಲ್ಲಿ ಚೀನಾದ ಪ್ರಯೋಗಾಲಯದಿಂದಲೇ ಕೋವಿಡ್ -19 ಹಬ್ಬಿದ ಹಿನ್ನೆಲೆಯಲ್ಲಿ ಈಗ ಚೀನಾದ ಸಂಶೋಧಕರು ಹೊಸ ವೈರಸ್ ಪತ್ತೆ ಮಾಡಿರುವುದು ಮತ್ತೊಮ್ಮೆ ಸಾಂಕ್ರಾಮಿಕದ ಆತಂಕ ಮೂಡಿಸಿದೆ.
HKU5-CoV-2 ಎಂದು ಹೆಸರಿಸಲಾದ ಈ ವೈರಸ್ ಪ್ರಯೋಗಾಲಯದಿಂದ ಮಾನವ ದೇಹ ಹೊಕ್ಕು ದೊಡ್ಡ ಮಟ್ಟದಲ್ಲಿ ವ್ಯಾಪಿಸುವ ಸಾಧ್ಯತೆ ಬಗ್ಗೆ ಕಳವಳ ವ್ಯಕ್ತವಾಗಿದೆ. ಕೋವಿಡ್- 19 ವೈರಸ್ ಮಾದರಿಯನ್ನೇ ಹೊಸ ವೈರಸ್ ಕೂಡ ಮಾನವನ ದೇಹದಲ್ಲಿ ಕೋಶಗಳಿಗೆ ಅಂಟಿಕೊಂಡು ಸೋಕು ಸೋಂಕು ವ್ಯಾಪಿಸುವುದನ್ನು ವಿಜ್ಞಾನಿಗಳು ಗುರುತಿಸಿದ್ದಾರೆ.
ಕೋವಿಡ್-19 ಸಾಂಕ್ರಾಮಿಕ ರೋಗಕ್ಕೆ ಕಾರಣವಾದ SARS-CoV-2 ಕುರಿತ ಸಂಶೋಧನೆಗೆ ಕುಖ್ಯಾತರಾದ ಚೀನೀ ವಿಜ್ಞಾನಿ ಶಿ ಝೆಂಗ್ಲಿ ತಮ್ಮ ಇತ್ತೀಚಿನ ಅಧ್ಯಯನದಿಂದ ಎಲ್ಲರಿಗೂ ಆಘಾತವನ್ನುಂಟು ಮಾಡಿದ್ದಾರೆ. ಮಾನವರಿಗೆ ಸಂಭಾವ್ಯ ಬೆದರಿಕೆಯಾಗಬಹುದಾದ ಹೊಸ ಕರೋನಾ ವೈರಸ್ ಅನ್ನು ಕಂಡುಹಿಡಿದಿದ್ದಾರೆ. ಇದು ಬಾವಲಿಗಳಿಂದ ಮನುಷ್ಯರಿಗೆ ಸುಲಭವಾಗಿ ಹರಡಬಹುದು ಎನ್ನಲಾಗಿದೆ.
ಕೊರೋನಾ ವೈರಸ್ಗಳ ಕುಟುಂಬದಿಂದ SARS, SARS-CoV-2, MERS ಮತ್ತು ಇತರ ಕೆಲವು ವೈರಸ್ಗಳು ಮಾತ್ರ ಮನುಷ್ಯರಿಗೆ ಸೋಂಕು ತಗುಲಿಸಬಹುದು. ಈ ವಾರ ಸೆಲ್ ಜರ್ನಲ್ನಲ್ಲಿ ಪ್ರಕಟವಾದ ಇತ್ತೀಚಿನ ಅಧ್ಯಯನದಲ್ಲಿ ಶಿ HKU5 ಕರೋನಾ ವೈರಸ್ಗೆ ಸಂಬಂಧಿಸಿದ ಹೊಸ ವೈರಸ್ ಅನ್ನು ಕಂಡುಕೊಂಡಿದ್ದಾರೆ, ಅದು ಜೀವಿಗಳಿಗೆ ಸೋಂಕು ತಗುಲಿಸಲು ACE2 ಗ್ರಾಹಕವನ್ನು ಬಳಸುತ್ತದೆ. SARS-CoV-2 ಸಹ ಅದೇ ರೀತಿಯಲ್ಲಿ ಕಾರ್ಯನಿರ್ವಹಿಸುತ್ತದೆ ಎಂದು ಹೇಳಲಾಗಿದೆ.
HKU5-CoV-2 ಎಂದು ಹೆಸರಿಸಲಾದ ಈ ವೈರಸ್ “ನೇರ ಪ್ರಸರಣದ ಮೂಲಕ ಅಥವಾ ಮಧ್ಯಂತರ ಹೋಸ್ಟ್ ಗಳಿಂದ ಸುಗಮಗೊಳಿಸಲ್ಪಟ್ಟ ಮಾನವರಿಗೆ ಹರಡುವ ಹೆಚ್ಚಿನ ಅಪಾಯವನ್ನು ಉಂಟು ಮಾಡುತ್ತದೆ.
