ಅಡುಗೆ ಮನೆಯಲ್ಲಿ ಹೊಸ ಪ್ರಯೋಗಗಳು ನಡೆಯುವುದು ಸಾಮಾನ್ಯ. ಆದರೆ, ಅಮೆರಿಕದ ಖ್ಯಾತ ಬಾಣಸಿಗ ಜೋಶ್ ಎಲ್ಕಿನ್ ಮಾಡಿದ ಪ್ರಯೋಗ ಮಾತ್ರ ನೆಟ್ಟಿಗರಲ್ಲಿ ಅಚ್ಚರಿ ಮೂಡಿಸಿದೆ. ಅವರು ಚಿಕನ್ ಟಿಕ್ಕಾ ಮಸಾಲಾವನ್ನು ಕೇಕ್ ರೂಪಕ್ಕೆ ಬದಲಾಯಿಸಿ, ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
ಸಾಮಾನ್ಯವಾಗಿ ಸಿಹಿ ತಿಂಡಿಗಳನ್ನು ಬಳಸಿ ಕೇಕ್ ತಯಾರಿಸುವುದು ವಾಡಿಕೆ. ಆದರೆ, ಜೋಶ್ ಎಲ್ಕಿನ್, ಚಿಕನ್ ಟಿಕ್ಕಾ ಮಸಾಲಾ, ನಾನ್, ರಾಯಿತಾ, ಈರುಳ್ಳಿ ಭಜಿ ಮತ್ತು ಉಪ್ಪಿನಕಾಯಿ ಈರುಳ್ಳಿಯನ್ನು ಬಳಸಿ ಕೇಕ್ ತಯಾರಿಸಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ.
ಕೆಲವರು ಈ ಪ್ರಯೋಗವನ್ನು ಮೆಚ್ಚಿಕೊಂಡರೆ, ಇನ್ನು ಕೆಲವರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. “ಇದು ನಿಜಕ್ಕೂ ರುಚಿಕರವಾಗಿದೆ” ಎಂದು ಕೆಲವರು ಕಾಮೆಂಟ್ ಮಾಡಿದರೆ, “ಇದು ವಿಚಿತ್ರ ಪ್ರಯೋಗ” ಎಂದು ಇನ್ನು ಕೆಲವರು ಪ್ರತಿಕ್ರಿಯಿಸಿದ್ದಾರೆ.
ಜೋಶ್ ಎಲ್ಕಿನ್ ಈ ಹಿಂದೆ ಕೂಡ ವಿಚಿತ್ರ ಪ್ರಯೋಗಗಳನ್ನು ಮಾಡಿ ಸುದ್ದಿಯಾಗಿದ್ದರು. ಅವರ ಈ ಪ್ರಯೋಗವು ಭಾರತೀಯ ಖಾದ್ಯದ ವಿಶಿಷ್ಟ ರೂಪಾಂತರವಾಗಿದ್ದು, ನೆಟ್ಟಿಗರಲ್ಲಿ ಚರ್ಚೆಗೆ ಗ್ರಾಸವಾಗಿದೆ.
View this post on Instagram
Loading ...
