ಅಮೆರಿಕಾದ ಅಲಬಾಮಾದಲ್ಲಿ ಒಂದು ವಿಚಿತ್ರ ಘಟನೆ ನಡೆದಿದೆ. ಅಲ್ಲಿ ಮಹಿಳೆಯೊಬ್ಬರಿಗೆ ಹೆಣ್ಣು ಮಗು ಹುಟ್ಟಿದ್ದು, ಆ ಮಗುವಿನ ತೂಕ ಕೇಳಿದ್ರೆ ನೀವೂ ಶಾಕ್ ಆಗ್ತೀರಿ. ಆ ಮಗು ಹುಟ್ಟಿದಾಗ 6 ಕಿಲೋ ತೂಕ ಇತ್ತು!
ಪಮೇಲಾ ಮೈನ್ ಅನ್ನೋ ಹೆಂಗಸು ಆ ಮಗುವಿಗೆ ಜನ್ಮ ಕೊಟ್ಟಿದ್ದಾರೆ. ಆ ಹೆರಿಗೆ ಆದಾಗ ಅಲ್ಲಿನ ಡಾಕ್ಟರ್ಸ್ ಕೂಡ ಆಶ್ಚರ್ಯಚಕಿತರಾಗಿದ್ದಾರೆ. ಪಮೇಲಾ ಅವರು ಮಗು ಹುಟ್ಟಿದಾಗ ಏನಾಯ್ತು ಅಂತ ಕೇಳಿದ್ದಾರೆ. “ಡಾಕ್ಟರ್ಸ್ ಮಗುವನ್ನು ಹೊರಗೆ ತೆಗೆದಾಗ, ಅಲ್ಲಿದ್ದ ನರ್ಸ್ ಗಳು ‘ಓ ದೇವರೇ’ ಅಂದರು. ನನಗೂ ಏನು ಆಗ್ತಿದೆ ಅಂತ ಗೊತ್ತಾಗಲಿಲ್ಲ” ಅಂತ ಪಮೇಲಾ ಹೇಳಿದ್ದಾರೆ.
ಮಗು ಹುಟ್ಟಿದಾಗ 6 ಕಿಲೋ ತೂಕ ಇತ್ತು. ಸಾಮಾನ್ಯವಾಗಿ ಮಗು ಹುಟ್ಟಿದಾಗ 3 ಕಿಲೋ ತೂಕ ಇರುತ್ತೆ. ಆದ್ರೆ ಈ ಮಗು ಮಾತ್ರ ಡಬಲ್ ತೂಕ ಇತ್ತು.
ಮಗು ಹುಟ್ಟೋಕೆ ನಾಲ್ಕು ವಾರ ಇರುವಾಗ ಸ್ಕ್ಯಾನ್ ಮಾಡಿದ್ರು. ಆಗ ಮಗು 4 ಕಿಲೋ ತೂಕ ಇದೆ ಅಂದಿದ್ರು. ಆದ್ರೆ, ಆಮೇಲೆ ಮತ್ತೆ ಸ್ಕ್ಯಾನ್ ಮಾಡಿದಾಗ 5 ಕಿಲೋ ಇದೆ ಅಂದಿದ್ರು. ಆದ್ರೆ ಮಗು ಹುಟ್ಟಿದಾಗ 6 ಕಿಲೋ ತೂಕ ಇತ್ತು!
ಈ ಮಗು ಹುಟ್ಟಿದ ಮೂರೇ ದಿನಕ್ಕೆ ಆರು ತಿಂಗಳ ಮಗು ಹಾಕೋ ಬಟ್ಟೆ ಹಾಕಿಕೊಳ್ಳುತ್ತಿದೆ. ಅಲ್ಲಿದ್ದ ನರ್ಸ್ ಗಳು ಆ ಮಗುವನ್ನು ನೋಡಿ ಆಶ್ಚರ್ಯ ಪಡ್ತಿದ್ರು.
ಇಷ್ಟೆಲ್ಲಾ ಆದ್ರೂ, ಈ ಮಗು ವರ್ಲ್ಡ್ ರೆಕಾರ್ಡ್ ಮಾಡಿಲ್ಲ. 1955ರಲ್ಲಿ ಇಟಲಿಯಲ್ಲಿ ಒಂದು ಮಗು ಹುಟ್ಟಿತ್ತು. ಅದು 10 ಕಿಲೋ ತೂಕ ಇತ್ತು.
