ಬೆಂಗಳೂರು: ಭಾರತದ ಪ್ರಮುಖ ಐಟಿ ಕಂಪನಿಗಳಲ್ಲಿ ಒಂದಾದ ಇನ್ಫೋಸಿಸ್ ಗುರುವಾರ ತನ್ನ ಭಾರತೀಯ ಉದ್ಯೋಗಿಗಳಿಗೆ 6-8% ರಷ್ಟು ವಾರ್ಷಿಕ ವೇತನ ಹೆಚ್ಚಳ ಮಾಡುವುದಾಗಿ ಘೋಷಿಸಿದೆ. 2025ರ ಜನವರಿಯಿಂದ ಜಾರಿಗೆ ಬರಲಿರುವ ಈ ವೇತನ ವೃಹೆಚ್ಚಳ, ಎನ್.ಆರ್. ನಾರಾಯಣ ಮೂರ್ತಿ ನೇತೃತ್ವದ ಕಂಪನಿಯ ಯೋಜಿತ ವೇತನ ಪರಿಷ್ಕರಣೆಯ ಮೊದಲ ಹಂತವಾಗಿದೆ. ಎರಡನೇ ಹಂತವು 2025ರ ಏಪ್ರಿಲ್ನಲ್ಲಿ ನಿಗದಿಯಾಗಿದೆ. ಭಾರತದ ಹೊರಗಿನ ಉದ್ಯೋಗಿಗಳು ಕಡಿಮೆ ಏಕ ಅಂಕಿಯ ಹೆಚ್ಚಳವನ್ನು ಪಡೆಯುವ ಸಾಧ್ಯತೆಯಿದೆ.
“ಸಾಮಾನ್ಯವಾಗಿ, ನಾವು ನಿರೀಕ್ಷಿಸುವ ವಾರ್ಷಿಕ ವೇತನ ಹೆಚ್ಚಳ ಭಾರತದಲ್ಲಿ 6-8% ಆಗಿದೆ ಮತ್ತು ವಿದೇಶದಲ್ಲಿ ಹಿಂದಿನ ಪರಿಷ್ಕರಣೆಗಳಿಗೆ ಅನುಗುಣವಾಗಿರುತ್ತವೆ” ಎಂದು ಇನ್ಫೋಸಿಸ್ನ ಮುಖ್ಯ ಹಣಕಾಸು ಅಧಿಕಾರಿ ಜಯೇಶ್ ಸಂಘರಾಜ್ಕಾ ಗುರುವಾರ ಕಂಪನಿಯ Q3FY25 ಫಲಿತಾಂಶಗಳನ್ನು ಪ್ರಕಟಿಸಿದ ನಂತರ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಹೇಳಿದರು.
3.23 ಲಕ್ಷಕ್ಕೂ ಹೆಚ್ಚು ವೃತ್ತಿಪರರನ್ನು ಹೊಂದಿರುವ ಬೆಂಗಳೂರು ಮೂಲದ ಈ ಐಟಿ ದೈತ್ಯ ಹಿಂದೆ ತನ್ನ ವಾರ್ಷಿಕ ವೇತನ ವೃದ್ಧಿಯನ್ನು ಪ್ರಸ್ತುತ ಹಣಕಾಸು ವರ್ಷದ ನಾಲ್ಕನೇ ತ್ರೈಮಾಸಿಕಕ್ಕೆ ಮುಂದೂಡಿತ್ತು. ಕೊನೆಯ ವೇತನ ಪರಿಷ್ಕರಣೆಯನ್ನು ನವೆಂಬರ್ 2023 ರಲ್ಲಿ ಜಾರಿಗೊಳಿಸಲಾಗಿತ್ತು.
