ನವದೆಹಲಿ: ಕುವೈತ್ ಗೆ ಎರಡು ದಿನಗಳ ಪ್ರವಾಸ ಕೈಗೊಂಡಿರುವ ಪ್ರಧಾನಿ ಮೋದಿ ಶನಿವಾರ ಶೇಖ್ ಸಾದ್ ಅಲ್ ಅಬ್ದುಲ್ಲಾ ಕ್ರೀಡಾ ಸಂಕೀರ್ಣದಲ್ಲಿ ನಡೆದ ‘ಹಲಾ ಮೋದಿ’ ಕಾರ್ಯಕ್ರಮದಲ್ಲಿ ಭಾರತೀಯ ವಲಸಿಗರನ್ನು ಉದ್ದೇಶಿಸಿ ಮಾತನಾಡಿದರು.
“ಉತ್ತರ, ಪಶ್ಚಿಮ, ಪೂರ್ವ ಮತ್ತು ದಕ್ಷಿಣದ ವಿವಿಧ ಭಾಷೆಗಳನ್ನು ಮಾತನಾಡುವ ಜನರು ಇಲ್ಲಿದ್ದಾರೆ. ‘ಲೇಕಿನ್ ಸಬ್ ಕೆ ದಿಲ್ ಮೆ ಏಕ್ ಹೈ ಗೂಂಜ್ ಹೈ – ಭಟ್ರತ್ ಮಾತಾ ಕೀ ಜೈ” ಎಂದು ಹೇಳಿದರು. “ಕೇವಲ 2-2.5 ಗಂಟೆಗಳ ಹಿಂದೆ, ನಾನು ಕುವೈತ್ಗೆ ಬಂದೆ, ಇಲ್ಲಿಗೆ ಕಾಲಿಟ್ಟಾಗಿನಿಂದ, ನನ್ನ ಸುತ್ತಮುತ್ತಲಿನ ಅಸಾಧಾರಣ ಭಾವನೆ ಅನುಭವಿಸಿದೆ. ನೀವೆಲ್ಲರೂ ಭಾರತದ ವಿವಿಧ ರಾಜ್ಯಗಳಿಂದ ಬಂದಿದ್ದೀರಿ, ಆದರೆ ನಿಮ್ಮನ್ನು ನೋಡಿ ಇಲ್ಲಿ ನನ್ನ ಮುಂದೆ ‘ಮಿನಿ ಹಿಂದೂಸ್ತಾನ್’ ಬಂದಂತೆ ಭಾಸವಾಗುತ್ತಿದೆ ಎಂದು ಹೇಳಿದ್ದಾರೆ.
ನೀವು ಕುವೈತ್ನ ಕ್ಯಾನ್ವಾಸ್ನಲ್ಲಿ ಭಾರತೀಯ ಕೌಶಲ್ಯಗಳ ಬಣ್ಣಗಳಿಂದ ತುಂಬಿದ್ದೀರಿ, ಭಾರತದ ಪ್ರತಿಭೆ, ತಂತ್ರಜ್ಞಾನ ಮತ್ತು ಸಂಪ್ರದಾಯದ ಮಿಶ್ರ ಸಾರ ಇದು. ಹಣ ರವಾನೆಯನ್ನು ಸ್ವೀಕರಿಸುವಲ್ಲಿ ಭಾರತವು ಪ್ರಪಂಚದಲ್ಲಿ ಮುಂಚೂಣಿಯಲ್ಲಿದೆ, ಈ ಶ್ರೇಯವು ನಿಮ್ಮೆಲ್ಲರಿಗೂ ಸಲ್ಲುತ್ತದೆ. ನಾನು ಕುವೈತ್ನ ನಾಯಕತ್ವದ ಜೊತೆ ಮಾತನಾಡುವಾಗ, ಅವರು ಯಾವಾಗಲೂ ಭಾರತೀಯ ಸಮುದಾಯವನ್ನು ಹೊಗಳುತ್ತಾರೆ. ಭಾರತ ಮತ್ತು ಕುವೈತ್ ಅರಬ್ಬಿ ಸಮುದ್ರದ ಎರಡು ದಡಗಳಲ್ಲಿ ನೆಲೆಗೊಂಡಿವೆ; ನಮ್ಮನ್ನು ರಾಜತಾಂತ್ರಿಕತೆ ಮಾತ್ರವಲ್ಲ, ಹೃದಯದ ಬಂಧಗಳೂ ಸಹ ಸಂಪರ್ಕಿಸಿವೆ ಎಂದು ಹೇಳಿದ್ದಾರೆ.
The warmth and affection of the Indian diaspora in Kuwait is extraordinary. Addressing a community programme. https://t.co/XzQDP6seLL
— Narendra Modi (@narendramodi) December 21, 2024
