ಸಾಮಾನ್ಯವಾಗಿ, ಉದ್ಯೋಗಿಗಳು ತಮ್ಮ ಕೆಲಸವನ್ನು ತೊರೆಯುವ ನಿರ್ಧಾರ ಕೈಗೊಂಡಾಗ ಅವರ ಮೇಲಧಿಕಾರಿಗಳು ಅಷ್ಟು ಚೆನ್ನಾಗಿ ಪ್ರತಿಕ್ರಿಯಿಸುವುದಿಲ್ಲ. ಹೆಚ್ಚಿನ ಮೇಲಧಿಕಾರಿಗಳು ಇಂತಹ ಕ್ರಮಗಳನ್ನು ಅನುಮೋದಿಸದಿದ್ದರೂ, ಅವರಲ್ಲಿ ಕೆಲವರು ಉತ್ತಮ ವೃತ್ತಿಜೀವನದ ಬೆಳವಣಿಗೆಗಾಗಿ ಉದ್ಯೋಗ ಬದಲಾಯಿಸುವ ತಮ್ಮ ಉದ್ಯೋಗಿಗಳ ನಿರ್ಧಾರವನ್ನು ಬೆಂಬಲಿಸುತ್ತಾರೆ.
ಇದೀಗ ಅಂತಹುದೇ ಪ್ರಕರಣವೊಂದು ಬೆಳಕಿಗೆ ಬಂದಿದ್ದು, ಉದ್ಯೋಗಿಯೊಬ್ಬರು ಉತ್ತಮ ಅವಕಾಶಗಳನ್ನು ಅರಸಿ ಇತ್ತೀಚೆಗಷ್ಟೇ ತಮ್ಮ ಕಂಪನಿಗೆ ರಾಜೀನಾಮೆ ನೀಡಿದ್ದು, ಕೆಲಸವನ್ನು ತೊರೆಯುವ ಬಗ್ಗೆ ತನ್ನ ಮ್ಯಾನೇಜರ್‌ನೊಂದಿಗೆ ನಡೆಸಿದ ಆರೋಗ್ಯಕರ ಸಂಭಾಷಣೆಯ ವೀಡಿಯೊವನ್ನು ಸಿಮಿ ಎಂಬ ಈ ಉದ್ಯೋಗಿ instagram ನಲ್ಲಿ ಹಂಚಿಕೊಂಡಿದ್ದಾರೆ.
“ಇದು ಪ್ರಾಮಾಣಿಕವಾಗಿ ನನಗೆ ತುಂಬಾ ಕಷ್ಟಕರವಾದ ಪೋಸ್ಟ್ ಆಗಿತ್ತು, ಏಕೆಂದರೆ ನಾನು ಸಾಮಾಜಿಕ ಮಾಧ್ಯಮದಲ್ಲಿ ನನ್ನ ಭಾವನಾತ್ಮಕ ವಿಷಯಗಳನ್ನು ಹಂಚಿಕೊಳ್ಳಲು ಇಷ್ಟಪಡುವುದಿಲ್ಲ, ಆದರೆ ಅದೇ ಸಮಯದಲ್ಲಿ, ಉತ್ತಮ ಮ್ಯಾನೇಜರ್ ಹೇಗಿದ್ದಾರೆಂದು ತಿಳಿಸಲು ನಾನು ಬಯಸುತ್ತೇನೆ” ಎಂದಿದ್ದಾರೆ.
ಕ್ಲಿಪ್‌ನಲ್ಲಿ, ಸಿಮಿ ತನ್ನ ಮ್ಯಾನೇಜರ್‌ಗೆ ಕೆಲಸವನ್ನು ತೊರೆಯುತ್ತಿರುವುದಾಗಿ ತಿಳಿಸುತ್ತಾರೆ, ಅದಕ್ಕೆ ಬಾಸ್ ತಕ್ಷಣವೇ “ಅಭಿನಂದನೆಗಳು” ಎಂದು ಪ್ರತಿಕ್ರಿಯಿಸಿದ್ದು, ನಂತರ ಹೊಸ ಅವಕಾಶಗಳ ಬಗ್ಗೆ ತಿಳಿದುಕೊಳ್ಳಲು ಉತ್ಸಾಹವನ್ನು ವ್ಯಕ್ತಪಡಿಸುತ್ತಾರೆ.
ಕೆಲವು ದಿನಗಳ ಹಿಂದೆ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿರುವ ವೀಡಿಯೊ ಇಂಟರ್ನೆಟ್ ನಲ್ಲಿ ಭಾರೀ ವೈರಲ್ ಆಗಿದ್ದು, ಇದು 283,000 ಕ್ಕೂ ಹೆಚ್ಚು ಲೈಕ್ಸ್ ಮತ್ತು 4.4 ಮಿಲಿಯನ್ ವೀಕ್ಷಣೆಗಳನ್ನು ಸಂಗ್ರಹಿಸಿದೆ. ಕಾಮೆಂಟ್‌ಗಳ ವಿಭಾಗದಲ್ಲಿ, ಕೆಲವು ಬಳಕೆದಾರರು ವೀಡಿಯೊವನ್ನು ಹೃದಯಸ್ಪರ್ಶಿ ಎಂದು ಕರೆದರೆ, ಇತರರು ಅವರ ಆರೋಗ್ಯಕರ ಪ್ರತಿಕ್ರಿಯೆಗಾಗಿ ನಿರ್ವಾಹಕರನ್ನು ಹೊಗಳಿದ್ದಾರೆ.
