ನವದೆಹಲಿ: ದೇಶಾದ್ಯಂತ ಜನಗಣತಿ ನಡೆಸುವ ಕುರಿತಾಗಿ ಅತಿ ಶೀಘ್ರವೇ ಪ್ರಕಟಣೆ ಹೊರಬೀಳಲಿದೆ ಎಂದು ಕೇಂದ್ರ ಗೃಹ ಸಚಿವ ಅಮಿತ್ ಶಾ ಹೇಳಿದ್ದಾರೆ.
ಮೋದಿ 3.0 ಸರ್ಕಾರ 100 ದಿನ ಪೂರ್ಣಗೊಳಿಸಿದ ಹಿನ್ನೆಲೆಯಲ್ಲಿ ಮಂಗಳವಾರ ನಡೆದ ಕಾರ್ಯಕ್ರಮ ಉದ್ದೇಶಿಸಿ ಮಾತನಾಡಿದ ಅವರು, ಜನಗಣತಿ ನಡೆಸುವ ಕುರಿತು ಅತಿ ಶೀಘ್ರವೇ ಪ್ರಕಟಣೆ ವರ ಬೀಳಲಿದೆ ಎಂದು ಖಚಿತಪಡಿಸಿದ್ದಾರೆ.
ಜನಗಣತಿಯ ಬಗ್ಗೆ ಹೆಚ್ಚಿನ ವಿವರ ನೀಡಲು ನಿರಾಕರಿಸಿದ ಅವರು, ಜನಗಣತಿ ಘೋಷಿಸಿದಾಗ ಎಲ್ಲಾ ವಿವರಗಳನ್ನು ಬಹಿರಂಗಪಡಿಸಲಾಗುವುದು ಎಂದು ತಿಳಿಸಿದ್ದಾರೆ.
ಪ್ರತಿ 10 ವರ್ಷಗಳಿಗೊಮ್ಮೆ ದೇಶದಲ್ಲಿ ಜನಗಣತಿ ನಡೆಸಲಾಗುತ್ತದೆ. ಆದರೆ ಕೋವಿಡ್ ಕಾರಣದಿಂದ 2020ರಲ್ಲಿ ಆರಂಭವಾಗಬೇಕಿದ್ದ ಜನಗಣತಿ ಮುಂದೂಡಲಾಗಿತ್ತು. ಶೀಘ್ರವೇ ಜನಗಣತಿ ಶುರುವಾಗಲಿದೆ.
