ಮಡಿಕೇರಿ ನಗರಸಭಾ ವ್ಯಾಪ್ತಿಯ ಎಲ್ಲಾ ಕುರಿ, ಕೋಳಿ, ಆಡು ಮಾಂಸ ಮಾರಾಟಗಾರರು ಮಾರಾಟ ಮಾಡಲಾಗುತ್ತಿರುವ ಕತ್ತರಿಸಲಾದ ಮಾಂಸಗಳನ್ನು ಅಂಗಡಿ/ ಸ್ಟಾಲ್ಗಳ ಎದುರು ತೆರೆದ ಸ್ಥಿತಿಯಲ್ಲಿ ಪ್ರದರ್ಶನಕ್ಕಾಗಿ ತೂಗು ಹಾಕುವುದು, ತೆರೆದಿಟ್ಟು ಮಾರಾಟ ಮಾಡುವುದು ಕಂಡುಬಂದಿದೆ.
ಇದರಿಂದ ಮಾಂಸದಲ್ಲಿ ನೊಣಗಳು ಕುಳಿತು ರೋಗಾಣುಗಳು ಹರಡಿ ಸಾರ್ವಜನಿಕ ವಲಯದಲ್ಲಿ ಆರೋಗ್ಯ ಸಮಸ್ಯೆಗಳು ಉಂಟಾಗಬಹುದಾಗಿದೆ. ಇದರಿಂದಾಗಿ ತಮ್ಮ-ತಮ್ಮ ಅಂಗಡಿಗಳಲ್ಲಿ ಮಾರಾಟ ಮಾಡಲು ಇರಿಸಲಾದ ಮಾಂಸ ಪದಾರ್ಥಗಳನ್ನು ಮುಚ್ಚಿದ ಗಾಜಿನ ಡಬ್ಬಿಗಳಲ್ಲಿ ಇರಿಸುವುದು ಹಾಗೂ ಸ್ವಚ್ಚತೆಯನ್ನು ಕಾಪಾಡಿಕೊಳ್ಳುವಂತೆ ನಗರಸಭೆ ಪೌರಾಯುಕ್ತರಾದ ವಿಜಯ್ ಅವರು ತಿಳಿಸಿದ್ದಾರೆ.
