ಬೆಂಗಳೂರು : ರೇಣುಕಾ ಸ್ವಾಮಿ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಜೈಲಿನಲ್ಲಿರುವ ನಟ ದರ್ಶನ್ ಇತ್ತೀಚೆಗೆ ಜೈಲಿನಿಂದ ಹೊರನಡೆಯುವಾಗ ಕ್ಯಾಮೆರಾಗಳಿಗೆ ಮಧ್ಯದ ಬೆರಳನ್ನು ತೋರಿಸುವ ಮೂಲಕ ದರ್ಪ,ಅಹಂಕಾರ ಮೆರೆದಿದ್ದಾರೆ.
ಗುರುವಾರ, ದರ್ಶನ್ ತಮ್ಮ ಕುಟುಂಬವನ್ನು ಭೇಟಿಯಾಗಲು ತಮ್ಮ ಸೆಲ್ ನಿಂದ ಹೊರಗೆ ಕರೆದೊಯ್ದಾಗ ಅವರು ಮಾಧ್ಯಮಗಳಿಗೆ ಮಧ್ಯದ ಬೆರಳನ್ನು ತೋರಿಸಿದರು. ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಕೊಲೆ ಮಾಡಿ ಜೈಲು ಸೇರಿ ಮುದ್ದೆ ಮುರಿಯುತ್ತಿದ್ದರೂ ದಾಸನ ಅಹಂ, ಸೊಕ್ಕು ಒಂಚೂರು ಕಡಿಮೆ ಆದಂತಿಲ್ಲ.
ಪತ್ನಿ ವಿಜಯಲಕ್ಷ್ಮಿ ಮತ್ತು ಸಹೋದರ ದಿನಕರ್ ಅವರನ್ನು ಭೇಟಿಯಾಗಲು ದರ್ಶನ್ ಅವರನ್ನು ಜೈಲಿನ ಸೆಲ್ ನಿಂದ ಹೊರಗೆ ಕರೆದೊಯ್ಯಲಾಯಿತು .ಅವರಿಗೆ ಸಂವಹನ ನಡೆಸಲು ಜೈಲು ಅಧಿಕಾರಿಗಳು ೩೦ ನಿಮಿಷಗಳ ಕಾಲಾವಕಾಶ ನೀಡಿದರು. ಇದಲ್ಲದೆ, ಕಳೆದ ವಾರ ಸಲ್ಲಿಸಲಾದ ಚಾರ್ಜ್ಶೀಟ್ ಬಗ್ಗೆ ಚರ್ಚಿಸಲು ನಟನ ವಕೀಲರಿಗೆ ಪ್ರತ್ಯೇಕ ಸಮಯವನ್ನು ಸಹ ನಿಗದಿಪಡಿಸಲಾಗಿದೆ.
Loading ...