ಸ್ನಾಯು ಬಿಗಿತ ಕಡಿಮೆ ಮಾಡಲು ಅಭ್ಯಾಸ ಮಾಡಿ ಈ ಯೋಗ ಭಂಗಿ

ಕೆಲವರಿಗೆ ತೊಡೆಗಳ ಹಿಂಭಾಗದಲ್ಲಿರುವ ಸ್ನಾಯುಗಳಲ್ಲಿ ಬಿಗಿತ ಮತ್ತು ಸೆಳೆತ ಕಂಡುಬರುತ್ತದೆ. ಇದರಿಂದ ಅವರಿಗೆ ತುಂಬಾ ನೋವಾಗುತ್ತಿರುತ್ತದೆ. ಹಾಗಾಗಿ ನಡೆಯುವುದು, ಓಡುವುದು ಮತ್ತು ಬಾಗುವುದು ಮುಂತಾದ ಚಟುವಟಿಕೆಗಳನ್ನು ಮಾಡಲು ಕಷ್ಟವಾಗುತ್ತದೆ. ಇದು ಕೆಳ ಬೆನ್ನು ಮತ್ತು ಮೊಣಕಾಲು ನೋವಿಗೆ ಕಾರಣವಾಗಬಹುದು. ಈ ಬಿಗಿಯಾದ ಸ್ನಾಯುಗಳ ಸಮಸ್ಯೆಯನ್ನು ನಿವಾರಿಸಲು ಕೆಲವು ಯೋಗಗಳಿವೆ. ಅವು ಸ್ನಾಯು ಬಿಗಿತ, ಸೆಳೆತವನ್ನು ನಿವಾರಿಸಿ ಮತ್ತು ಸ್ನಾಯುಗಳನ್ನು ಸುಧಾರಿಸಲು ಸಹಾಯ ಮಾಡುತ್ತವೆ. ಆ ಯೋಗ ಭಂಗಿಗಳ ಬಗ್ಗೆ ತಿಳಿದುಕೊಳ್ಳಿ.

ಪಾದಹಸ್ತಾಸನ: ನಿಮ್ಮ ಕಾಲುಗಳನ್ನು ಒಟ್ಟಿಗೆ ಸೇರಿಸಿ ನೇರವಾಗಿ ಇಟ್ಟು ನಿಮ್ಮ ಕೈಗಳನ್ನು 180 ಡಿಗ್ರಿ ರೇಖೆಯಲ್ಲಿ ಬಾಗಿಸಿ ಕಾಲ್ಬೆರಳುಗಳನ್ನು ಸ್ಪರ್ಶಿಸಿ. ನಿಮ್ಮ ಬೆನ್ನನ್ನು ನೇರವಾಗಿ ಇರಿಸಿ. ಈ ಸ್ಥಾನದಲ್ಲಿ ಕೆಲವು ಸೆಕೆಂಡುಗಳ ಕಾಲ ಹಿಡಿದಿಟ್ಟುಕೊಳ್ಳಿ. ಇದನ್ನು ದಿನಕ್ಕೆ 5 ಬಾರಿ ಮಾಡಿ.

ಪಶ್ಚಿಮೋತ್ತನಾಸನ : ಎರಡೂ ಕಾಲುಗಳನ್ನು ಹೊರಕ್ಕೆ ಚಾಚಿ ನೆಲದ ಮೇಲೆ ಕುಳಿತುಕೊಳ್ಳಿ. ಕಾಲ್ಬೆರಳುಗಳು ಒಟ್ಟಿಗೆ ಇರಲಿ, ನಂತರ ಉಸಿರಾಡುವಂತೆ ನಿಮ್ಮ ತೋಳುಗಳನ್ನು ಮೇಲಕ್ಕೆತ್ತಿ ಮತ್ತು ದೇಹವನ್ನು ಸಾಧ್ಯವಾದಷ್ಟು ಮುಂದಕ್ಕೆ ಬಾಗಿಸಿ ಮತ್ತು ದೇಹವನ್ನು ಓರೆಯಾಗಿಸಿ. ಮುಂದಕ್ಕೆ ಬಾಗುವಾಗ ಉಸಿರನ್ನು ಬಿಡಿ.

ಆದರೆ ಇದನ್ನು ಎಲ್ಲರೂ ಮಾಡುವಂತಿಲ್ಲ. ಕೆಲವೊಂದು ಆರೋಗ್ಯ ಸಮಸ್ಯೆಗಳಿಂದ ಬಳಲುತ್ತಿರುವವರು ಈ ಯೋಗ ಭಂಗಿಗಳನ್ನು ಮಾಡಬೇಡಿ. ತೀವ್ರವಾದ ಬೆನ್ನುನೋವು ಇರುವವರು, ಅಧಿಕ ರಕ್ತದೊತ್ತಡ ಸಮಸ್ಯೆಯನ್ನು ಹೊಂದಿರುವವರು ಈ ಯೋಗ ಭಂಗಿಗಳನ್ನು ತಪ್ಪಿಸಬೇಕು. ಹಾಗೇ ಗರ್ಭಿಣಿಯರು, ಸೊಂಟ, ಮೊಣಕಾಲುಗಳು ಅಥವಾ ಪಾದಗಳಲ್ಲಿ ತೀವ್ರವಾದ ಗಾಯಗಳನ್ನು ಹೊಂದಿರುವವರು ಈ ಯೋಗಗಳನ್ನು ಮಾಡಬೇಡಿ. ತಪ್ಪಿಸಬೇಕು.