ಶಂಕಿತ ರೋಡ್ ರೇಜ್ ಘಟನೆಯಲ್ಲಿ ಹೊಸದಾಗಿ ವಿವಾಹವಾದ ಭಾರತೀಯ ಮೂಲದ ವ್ಯಕ್ತಿಯನ್ನು ಯುಎಸ್ನ ಇಂಡಿಯಾನಾದಲ್ಲಿ ಪತ್ನಿಯ ಎದುರೇ ಗುಂಡಿಕ್ಕಿ ಕೊಂದಿದ್ದಾರೆ.
29 ವರ್ಷದ ಸಂತ್ರಸ್ತ ಗವಿನ್ ದಸೌರ್ ತನ್ನ ಮೆಕ್ಸಿಕನ್ ಪತ್ನಿಯೊಂದಿಗೆ ಮನೆಗೆ ತೆರಳುತ್ತಿದ್ದಾಗ ಘಟನೆ ನಡೆದಿದೆ.
ಆರಂಭದಲ್ಲಿ ಘಟನಾ ಸ್ಥಳದಲ್ಲಿ ಬಂಧಿಸಲ್ಪಟ್ಟ ಆರೋಪಿ ಶೂಟರ್ ನನ್ನು ನಂತರ ಬಿಡುಗಡೆ ಮಾಡಲಾಯಿತು. ಕಳೆದ ವಾರ ದಸೌರ್ ಮತ್ತು ಅವರ ಪತ್ನಿ ವಿವಿಯಾನಾ ಝಮೋರಾ ಮನೆಗೆ ಹಿಂದಿರುಗುತ್ತಿದ್ದಾಗ ಕೊಲೆ ಮಾಡಲಾಗಿದೆ. ಸ್ಥಳೀಯ ವರದಿಗಳ ಪ್ರಕಾರ, ಆಗ್ರಾ(ಉತ್ತರ ಪ್ರದೇಶ) ಮೂಲದ ದಸೌರ್ ಜೂನ್ 29 ರಂದು ಝಮೋರಾ ಅವರನ್ನು ವಿವಾಹವಾದರು.
ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. @ManyFaces_Death ಎಂಬ ಬಳಕೆದಾರರಿಂದ ಮೈಕ್ರೋಬ್ಲಾಗಿಂಗ್ ಪ್ಲಾಟ್ಫಾರ್ಮ್ X ನಲ್ಲಿ ಪೋಸ್ಟ್ ಮಾಡಿದ ವೀಡಿಯೊ, ಪೋಸ್ಟ್ ಮಾಡಿದ ನಂತರ 442.8K ವೀಕ್ಷಣೆಗಳು, 2.9K ಲೈಕ್ ಗಳು ಮತ್ತು 391 ಕಾಮೆಂಟ್ಗಳನ್ನು ಪಡೆದಿದೆ.
ಇನ್ನೊಬ್ಬ ಚಾಲಕ ರೆಕಾರ್ಡ್ ಮಾಡಿದ ವೀಡಿಯೊದಲ್ಲಿ, ಬಲಿಪಶು ತನ್ನ ಬಲಗೈಯಲ್ಲಿ ಮಾರಕಾಸ್ತ್ರವನ್ನು ಹಿಡಿದುಕೊಂಡು ತನ್ನ ಕಾರಿನಿಂದ ಇಳಿಯುವುದನ್ನು ಕಾಣಬಹುದು. ಅವನು ಪಿಕಪ್ ಟ್ರಕ್ ಅನ್ನು ಸಮೀಪಿಸಿದಾಗ, ಅವನು ಬಂದೂಕಿನಿಂದ ಬಾಗಿಲನ್ನು ಗುದ್ದುತ್ತಾನೆ. ನಂತರ ಅವನು ತನ್ನ ಎಡಗೈಗೆ ಬಂದೂಕನ್ನು ಬದಲಾಯಿಸುತ್ತಾನೆ. ಪಿಕಪ್ ಚಾಲಕನು ಶೂಟಿಂಗ್ ಮೂಲಕ ಪ್ರತಿಕ್ರಿಯಿಸುತ್ತಾನೆ. ದಸೌರ್ ತಕ್ಷಣವೇ ನೆಲಕ್ಕೆ ಬೀಳುತ್ತಾನೆ.
ದಾಸೌರ್ ಅವರನ್ನು ಕೂಡಲೇ ಆಸ್ಪತ್ರೆಗೆ ಸಾಗಿಸಲಾಯಿತಾದರೂ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾರೆ.
ಘಟನೆಯ ಕುರಿತು ಪ್ರತಿಕ್ರಿಯಿಸಿರುವ ಇಂಡಿಯಾನಾಪೊಲಿಸ್ ಪೊಲೀಸ್ ಇಲಾಖೆ(IMPD) ಅಧಿಕಾರಿ ಅಮಂಡಾ ಹಿಬ್ಶ್ಮನ್, ಶಂಕಿತ ಶೂಟರ್ ಅನ್ನು ಘಟನಾ ಸ್ಥಳದಲ್ಲಿ ಬಂಧಿಸಲಾಗಿದೆ. ಹೆಚ್ಚಿನ ತನಿಖೆಯ ನಂತರ ಮತ್ತು ಮರಿಯನ್ ಕೌಂಟಿ ಪ್ರಾಸಿಕ್ಯೂಟರ್ ಕಚೇರಿಯೊಂದಿಗೆ ಸಮಾಲೋಚಿಸಿದ ನಂತರ, ವ್ಯಕ್ತಿಯನ್ನು ಬಿಡುಗಡೆ ಮಾಡಲಾಯಿತು, ಆತ್ಮರಕ್ಷಣೆಗಾಗಿ ಆ ರೀತಿ ವರ್ತಿಸಿರಬಹುದು ಎಂದು ಹೇಳಿದ್ದಾರೆ.
https://twitter.com/ManyFaces_Death/status/1814057754572829162
