ವಿಶ್ವದ ಮೊದಲ CNG-ಚಾಲಿತ ಬೈಕ್‌;‌ ಇಲ್ಲಿದೆ ಬಜಾಜ್‌ ಫ್ರೀಡಮ್ 125 ನ ವಿಶೇಷತೆ ಮತ್ತು ಬೆಲೆ ವಿವರ

ವಿಶ್ವದ ಮೊದಲ CNG-ಚಾಲಿತ ಮೋಟಾರ್‌ಬೈಕ್ ಅನ್ನು ಬಜಾಜ್ ಆಟೋ ಕಂಪನಿ ಬಿಡುಗಡೆ ಮಾಡಿದೆ. ಇದಕ್ಕೆ ಬಜಾಜ್ ಫ್ರೀಡಮ್ 125 ಎಂದು ಹೆಸರಿಸಲಾಗಿದೆ. ಈ ಬೈಕ್ ಪೆಟ್ರೋಲ್‌ನಲ್ಲಿ ಕೂಡ ಚಲಿಸುತ್ತದೆ, ಒಂದು ಬಟನ್‌ ಅದುಮುವ ಮೂಲಕ ಅದನ್ನು ಸಿಎನ್‌ಜಿಗೆ ಬದಲಾಯಿಸಬಹುದು. ಸಿಎನ್‌ಜಿ ಚಾಲಿತ ಕಾರುಗಳು ಅಸ್ತಿತ್ವಕ್ಕೆ ಬಂದು ದಶಕಗಳೇ ಕಳೆದಿವೆ. ಆದರೆ ಈವರೆಗೂ ಸಿಎನ್‌ಜಿ ಚಾಲಿತ ಮೋಟಾರ್‌ಬೈಕ್‌ ಭಾರತದಲ್ಲಿ ಇರಲಿಲ್ಲ.

ಭಾರತದಲ್ಲಿ ಮಾತ್ರವಲ್ಲದೆ ಜಾಗತಿಕವಾಗಿ ಈ ತಂತ್ರಜ್ಞಾನವನ್ನು ಬಳಸಿರುವ ಮೊದಲ ಮೋಟಾರ್‌ಸೈಕಲ್ ಇದಾಗಿದೆ. ಈ ಬೈಕ್‌ನ ಬೆಲೆ 95,000 ರೂಪಾಯಿ. ಕಂಪನಿಯ ಅಧಿಕೃತ ವೆಬ್‌ಸೈಟ್ ಮತ್ತು ಅಧಿಕೃತ ಶೋರೂಂಗಳ ಮೂಲಕ ಆಸಕ್ತರು ಬುಕ್ಕಿಂಗ್‌ ಮಾಡಬಹುದು. ಫ್ರೀಡಂ 125 ಅನ್ನು ಮೂರು ರೂಪಾಂತರಗಳಲ್ಲಿ ಬಿಡುಗಡೆ ಮಾಡಲಾಗಿದೆ: NG04 ಡಿಸ್ಕ್ LED, NG04 ಡ್ರಮ್ LED ಮತ್ತು NG04 ಡ್ರಮ್. ಎಲ್ಇಡಿ ರೂಪಾಂತರಗಳು ಐದು ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಿವೆ. ಎಲ್ಇಡಿ ಅಲ್ಲದ ಡ್ರಮ್ ರೂಪಾಂತರವು ಎರಡು ಬಣ್ಣಗಳಲ್ಲಿ ಲಭ್ಯವಿದೆ.

ಬೆಲೆ…

NG04 ಡಿಸ್ಕ್ LED: 1,10,000 ರೂ.

NG04 ಡ್ರಮ್ LED: 1,05,000 ರೂ.

NG04 ಡ್ರಮ್: 95,000 ರೂ.

ಬಜಾಜ್ ಫ್ರೀಡಂ 125 ದ್ವಿಚಕ್ರ ವಾಹನ ಮಾರುಕಟ್ಟೆಯ ಮೇಲೆ ಗಮನಾರ್ಹವಾಗಿ ಪ್ರಭಾವ ಬೀರಬಹುದು. CNG ತಂತ್ರಜ್ಞಾನವು ಇಂಧನ ವೆಚ್ಚವನ್ನು ಕಡಿಮೆ ಮಾಡುತ್ತದೆ. ಪರಿಸರಕ್ಕೂ ಇದು ಮಾರಕವಲ್ಲ. ಇವೆರಡೂ ಭಾರತೀಯ ದ್ವಿಚಕ್ರ ವಾಹನ ಮಾಲೀಕರಿಗೆ ನಿರ್ಣಾಯಕ ಅಂಶಗಳಾಗಿವೆ.

ಈ ಬೈಕ್‌ ಕೇವಲ ಎರಡು ಲೀಟರ್‌ ಸಾಮರ್ಥ್ಯದ ಪುಟ್ಟ ಪೆಟ್ರೋಲ್ ಟ್ಯಾಂಕ್ ಹೊಂದಿದೆ. ಇದು ಪ್ರತಿ ಕಿಲೋ ಸಿಎನ್‌ಜಿಗೆ 213 ಕಿಲೋಮೀಟರ್ ಮೈಲೇಜ್ ನೀಡುತ್ತದೆ. ಬೈಕ್‌ ಬಿಡುಗಡೆಗೂ ಮುನ್ನ 11 ಸುರಕ್ಷತಾ ಪರೀಕ್ಷೆಗಳಿಗೆ ಒಳಗಾಗಿದೆ.