2025ನೇ ವರ್ಷ ಅಂತ್ಯಗೊಳ್ಳುತ್ತಿದೆ. ಈ ಸಂದರ್ಭದಲ್ಲಿ ಹೊಸ ಫೋನ್ ಖರೀದಿಸಲು ಯೋಜಿಸುತ್ತಿರುವವರಿಗೆ, ಅದರಲ್ಲೂ ಮುಖ್ಯವಾಗಿ ಚಾರ್ಜಿಂಗ್ ಚಿಂತೆ ಇಲ್ಲದೆ ದಿನವಿಡೀ ಬಳಸಲು ಬಯಸುವವರಿಗೆ ಮಾರುಕಟ್ಟೆಯಲ್ಲಿ ಭರ್ಜರಿ ಆಯ್ಕೆಗಳಿವೆ. ಕೇವಲ 15,000 ರೂಪಾಯಿ ಒಳಗೆ ಬರೋಬ್ಬರಿ 7,000 mAh ಸಾಮರ್ಥ್ಯದ ದೈತ್ಯ ಬ್ಯಾಟರಿ ಹೊಂದಿರುವ ಅತ್ಯುತ್ತಮ ಸ್ಮಾರ್ಟ್ಫೋನ್ಗಳ ಪಟ್ಟಿ ಇಲ್ಲಿದೆ.
15,000 ರೂ. ಒಳಗೆ ಲಭ್ಯವಿರುವ ದೈತ್ಯ ಬ್ಯಾಟರಿ ಸ್ಮಾರ್ಟ್ಫೋನ್ಗಳು
ಬಜೆಟ್ ಬೆಲೆಯಲ್ಲಿ ಗೇಮಿಂಗ್, ವಿಡಿಯೋ ಸ್ಟ್ರೀಮಿಂಗ್ ಮತ್ತು ದೀರ್ಘಕಾಲದ ಬಳಕೆಗೆ ಸಾಥ್ ನೀಡುವ ಪ್ರಮುಖ ಮೂರು ಫೋನ್ಗಳ ವಿವರ ಇಲ್ಲಿದೆ:
ಪೋಕೋ M7 ಪ್ಲಸ್ 5G (POCO M7 Plus 5G) ದೀರ್ಘಕಾಲದ ಬ್ಯಾಟರಿ ಬಾಳಿಕೆ ಬಯಸುವವರಿಗೆ ಇದು ಹೇಳಿ ಮಾಡಿಸಿದ ಫೋನ್. ಇದರಲ್ಲಿ ಸ್ನಾಪ್ಡ್ರಾಗನ್ 6s ಜೆನ್ 3 ಪ್ರೊಸೆಸರ್ ಬಳಸಲಾಗಿದ್ದು, 6.9 ಇಂಚಿನ ದೊಡ್ಡ ಡಿಸ್ಪ್ಲೇ ಹೊಂದಿದೆ.
- ಬ್ಯಾಟರಿ: 7,000mAh ಮತ್ತು 33W ವೇಗದ ಚಾರ್ಜಿಂಗ್.
- ಕ್ಯಾಮೆರಾ: 50MP AI ಡ್ಯುಯಲ್ ಕ್ಯಾಮೆರಾ.
- ಬೆಲೆ: 6GB RAM ಮತ್ತು 128GB ಸ್ಟೋರೇಜ್ ಮಾದರಿಯ ಬೆಲೆ ಸುಮಾರು 13,000 ರೂಪಾಯಿಗಳು.
ರಿಯಲ್ಮಿ ನಾರ್ಜೋ 90x 5G (Realme Narzo 90x 5G) ವೇಗದ ಪರ್ಫಾರ್ಮೆನ್ಸ್ ಮತ್ತು ಸ್ಮೂತ್ ಡಿಸ್ಪ್ಲೇ ಇಷ್ಟಪಡುವವರಿಗೆ ಇದು ಉತ್ತಮ ಆಯ್ಕೆ. ಇದರಲ್ಲಿ 144 Hz ರಿಫ್ರೆಶ್ ರೇಟ್ ಹೊಂದಿರುವ 6.80 ಇಂಚಿನ ಡಿಸ್ಪ್ಲೇ ಇದೆ. ಮೀಡಿಯಾಟೆಕ್ ಡೈಮೆನ್ಸಿಟಿ 6300 ಪ್ರೊಸೆಸರ್ ಫೋನ್ ಲ್ಯಾಗ್ ಆಗದಂತೆ ನೋಡಿಕೊಳ್ಳುತ್ತದೆ.
- ಬ್ಯಾಟರಿ: 7,000mAh ಮತ್ತು 60W ವಯರ್ಡ್ ಫಾಸ್ಟ್ ಚಾರ್ಜಿಂಗ್.
- ಕ್ಯಾಮೆರಾ: 50MP ಸೋನಿ IMX852 ಪ್ರೈಮರಿ ಕ್ಯಾಮೆರಾ.
- ಬೆಲೆ: 6GB+128GB ಮಾದರಿಯ ಆರಂಭಿಕ ಬೆಲೆ ಸುಮಾರು 13,800 ರೂಪಾಯಿಗಳು.
ಮೊಟೊರೊಲಾ G57 ಪವರ್ 5G (Motorola G57 Power 5G) ಸ್ಟಾಕ್ ಆಂಡ್ರಾಯ್ಡ್ ಅನುಭವ ಮತ್ತು ನಂಬಲರ್ಹ ಪರ್ಫಾರ್ಮೆನ್ಸ್ ಬಯಸುವವರಿಗೆ ಮೊಟೊರೊಲಾ ಉತ್ತಮ. ಇದರಲ್ಲಿ ಸ್ನಾಪ್ಡ್ರಾಗನ್ 6s ಜೆನ್ 4 ಪ್ರೊಸೆಸರ್ ಮತ್ತು 6.72 ಇಂಚಿನ ಫುಲ್ ಹೆಚ್ಡಿ ಪ್ಲಸ್ ಡಿಸ್ಪ್ಲೇ ಇದೆ.
- ಬ್ಯಾಟರಿ: 7,000mAh ಮತ್ತು 33W ಟರ್ಬೋಪವರ್ ಫಾಸ್ಟ್ ಚಾರ್ಜಿಂಗ್.
- ಕ್ಯಾಮೆರಾ: 50MP + 8MP ಕ್ಯಾಮೆರಾ ಸೆಟಪ್.
- ವಿಶೇಷತೆ: 8GB RAM ಮತ್ತು 128GB ಸ್ಟೋರೇಜ್ ಹೊಂದಿರುವ ಈ ಫೋನ್ 15,000 ರೂಪಾಯಿಗಿಂತ ಕಡಿಮೆ ಬೆಲೆಗೆ ಲಭ್ಯವಿದೆ.
ಈ ಮೂರು ಸ್ಮಾರ್ಟ್ಫೋನ್ಗಳು ಕಡಿಮೆ ಬೆಲೆಯಲ್ಲಿ ಹೆಚ್ಚಿನ ಬ್ಯಾಟರಿ ಸಾಮರ್ಥ್ಯ ಮತ್ತು ವೇಗದ ಚಾರ್ಜಿಂಗ್ ಸೌಲಭ್ಯವನ್ನು ನೀಡುತ್ತಿವೆ. ವರ್ಷದ ಕೊನೆಯಲ್ಲಿ ಆಕರ್ಷಕ ರಿಯಾಯಿತಿಗಳೊಂದಿಗೆ ಇವುಗಳನ್ನು ನಿಮ್ಮದಾಗಿಸಿಕೊಳ್ಳಬಹುದು.
