ರಾಮಮಂದಿರ ಉದ್ಘಾಟನೆ ವೇಳೆ ತಯಾರಾಗಲಿದೆ 7 ಸಾವಿರ ಕೆಜಿ ಪ್ರಸಾದ, 12 ವಿಶ್ವ ದಾಖಲೆಗಳನ್ನು ಮಾಡಿದ್ದಾರೆ ಈ ಬಾಣಸಿಗ…!

ಅಯೋಧ್ಯೆಯಲ್ಲಿ ಭವ್ಯವಾದ ರಾಮಮಂದಿರವು ಜನವರಿ 22 ರಂದು ಉದ್ಘಾಟನೆಗೊಳ್ಳಲಿದೆ. ಈ ವಿಶೇಷ ಸಂದರ್ಭದಲ್ಲಿ 1.5 ಲಕ್ಷ ರಾಮ ಭಕ್ತರು ಅರ್ಪಿಸಿದ 7000 ಕೆಜಿಯ ಬೃಹತ್ ಹಲ್ವಾ ಪ್ರಸಾದ ವಿತರಣೆಯಾಗಲಿದೆ. ದೇವಾಲಯದ ಉದ್ಘಾಟನೆಗೆ ಭರದ ಸಿದ್ಧತೆಗಳು ನಡೆಯುತ್ತಿದ್ದು, ಪವಿತ್ರ ಮಹಾಮಸ್ತಕಾಭಿಷೇಕವೂ ನಡೆಯಲಿದೆ.

ಈ ಐತಿಹಾಸಿಕ ಸಂದರ್ಭಕ್ಕೆ ದೇಶದ ಹಲವು ಗಣ್ಯರು, ರಾಜಕಾರಣಿಗಳು, ಬಾಲಿವುಡ್ ತಾರೆಯರು ಮತ್ತು ಕ್ರಿಕೆಟ್ ಆಟಗಾರರು ಸಾಕ್ಷಿಯಾಗಲಿದ್ದಾರೆ. ಲಕ್ಷಗಟ್ಟಲೆ ಭಕ್ತರಿಗೆ ಪ್ರಸಾದವೂ ಸಿಗುತ್ತದೆ. ಇಷ್ಟೊಂದು ಬೃಹತ್‌ ಪ್ರಮಾಣದಲ್ಲಿ ಹಲ್ವಾ ತಯಾರಿಸುವ ಪರಿಣಿತ ಕುಶಲಕರ್ಮಿ ಯಾರು ಎಂಬ ಕುತೂಹಲ ಎಲ್ಲರಲ್ಲೂ ಇದೆ.

7000 ಕೆಜಿಯ ಪ್ರಸಾದ ಹಲ್ವಾವನ್ನು ನಾಗ್ಪುರದ ನುರಿತ ಮಿಠಾಯಿ ತಯಾರಕ ವಿಷ್ಣು ಮನೋಹರ್ ತಯಾರಿಸಲಿದ್ದಾರೆ. ಅವರು 1.5 ಲಕ್ಷ ರಾಮ ಭಕ್ತರಿಗೆ ರುಚಿಕರವಾದ ಹಲ್ವಾವನ್ನು ಸಿದ್ಧಪಡಿಸಲಿದ್ದಾರೆ.

ಇದನ್ನು ತಯಾರಿಸಲು ವಿಷ್ಣು ಅವರ ಬಳಿ ವಿಶೇಷವಾದ ಸಲಕರಣೆಗಳಿವೆ. ಇದರ ತೂಕವೇ 1400 ಕೆಜಿ. ಇದನ್ನು ನಾಗ್ಪುರದಿಂದ ಅಯೋಧ್ಯೆಗೆ ತರಲಾಗಿದೆ. ಇಷ್ಟು ಪ್ರಮಾಣದಲ್ಲಿ ಹಲ್ವಾ ಮಾಡುವ ದೃಶ್ಯವೇ ಅದ್ಭುತವಾಗಿರಲಿದೆ.

ವಿಷ್ಣು ಮನೋಹರ್ ಅದ್ಭುತ ಬಾಣಸಿಗ. ಇಲ್ಲಿಯವರೆಗೆ ಅವರ ಹೆಸರಿನಲ್ಲಿ 12 ವಿಶ್ವ ದಾಖಲೆಗಳಿವೆ. ಕಳೆದ ಬಾರಿ ಅವರು 285 ನಿಮಿಷಗಳಲ್ಲಿ 75 ಬಗೆಯ ಅಕ್ಕಿಯಿಂದ 75 ವಿವಿಧ ಭಕ್ಷ್ಯಗಳನ್ನು ತಯಾರಿಸಿದರು. ಅವರು ಲೈವ್ ಅಡುಗೆ ತರಗತಿಗಳನ್ನು ಸಹ ತೆಗೆದುಕೊಳ್ಳುತ್ತಾರೆ.

ಇಷ್ಟೊಂದು ಪ್ರಮಾಣದಲ್ಲಿ ಹಲ್ವಾ ತಯಾರಿಸಲು 900 ಕೆಜಿ ರವೆ, 1000 ಕೆಜಿ ಸಕ್ಕರೆ, 2500 ಲೀಟರ್ ಹಾಲು, 300 ಕೆಜಿ ಡ್ರೈ ಫ್ರೂಟ್ಸ್, 1000 ಕೆಜಿ ತುಪ್ಪ ಮತ್ತು 2500 ಲೀಟರ್ ನೀರನ್ನು ಬಳಸುತ್ತಾರೆ. ಹಾಗಾಗಿ ರುಚಿ ಕೂಡ ಅದ್ಭುತವಾಗಿರಲಿದೆ.

Share This Article

Latest News

ಬಸನಗೌಡ ಪಾಟೀಲ್ ಯತ್ನಾಳ್ ಉಚ್ಚಾಟನೆಯಿಂದ ಬಿಜೆಪಿಗೆ ಹಿನ್ನಡೆಯಾಗುತ್ತದಾ ?

View Results

Loading ... Loading ...

Most Read