ಬೆಂಗಳೂರು: ಸರ್ಕಾರಿ ಕೆಲಸದ ಕನಸು ಕಾಣುತ್ತಿರುವ ರಾಜ್ಯದ ಯುವಜನತೆಗೆ ರಾಜ್ಯ ಸರ್ಕಾರವು ಜೂನ್ ತಿಂಗಳಿನಲ್ಲಿ ಭರ್ಜರಿ ಸಿಹಿ ಸುದ್ದಿಯೊಂದನ್ನು ನೀಡಿದೆ. ಕರ್ನಾಟಕದ 22 ಜಿಲ್ಲೆಗಳಲ್ಲಿ ಖಾಲಿ ಇರುವ ಬರೋಬ್ಬರಿ 572 ಗ್ರಾಮ ಆಡಳಿತ ಅಧಿಕಾರಿಗಳ (Village Administrative Officer – VAO) ಹುದ್ದೆಗಳನ್ನು ನೇರ ನೇಮಕಾತಿ ಮೂಲಕ ಭರ್ತಿ ಮಾಡಲು ಆರ್ಥಿಕ ಇಲಾಖೆಯು ಅಧಿಕೃತವಾಗಿ ಅನುಮೋದನೆ ನೀಡಿದೆ
ಆರ್ಥಿಕ ಇಲಾಖೆಯ ಒಪ್ಪಿಗೆ ಸಿಗುತ್ತಿದ್ದಂತೆಯೇ ಅಲರ್ಟ್ ಆಗಿರುವ ಕಂದಾಯ ಇಲಾಖೆಯು, ಹುದ್ದೆಗಳ ಭರ್ತಿಗೆ ತಕ್ಷಣವೇ ಸರ್ಕಾರಕ್ಕೆ ಅಧಿಕೃತ ಪ್ರಸ್ತಾವನೆ ಸಲ್ಲಿಸುವಂತೆ ಸಂಬಂಧಪಟ್ಟ 22 ಜಿಲ್ಲೆಗಳ ಜಿಲ್ಲಾಧಿಕಾರಿಗಳಿಗೆ (DCs) ಖಡಕ್ ಪತ್ರ ಬರೆದಿದೆ. ಇದರಿಂದಾಗಿ ಶೀಘ್ರದಲ್ಲೇ ಈ ಹುದ್ದೆಗಳಿಗೆ ಬೃಹತ್ ಅಧಿಸೂಚನೆ (Notification) ಹೊರಬೀಳೋದು ಗ್ಯಾರಂಟಿ ಆಗಿದೆ.
ಆ 22 ಜಿಲ್ಲೆಗಳು ಯಾವುವು? ನಿಮ್ಮ ಜಿಲ್ಲೆಯೂ ಇದೆಯಾ ಚೆಕ್ ಮಾಡಿ
ರಾಜ್ಯದ ಕಂದಾಯ ಇಲಾಖೆಯು ನೀಡಿರುವ ಮಾಹಿತಿ ಪ್ರಕಾರ, ಈ ಕೆಳಗಿನ 22 ಜಿಲ್ಲೆಗಳಲ್ಲಿ ನೇರ ನೇಮಕಾತಿ ಪ್ರಕ್ರಿಯೆ ನಡೆಯಲಿದೆ:
ಬೆಂಗಳೂರು ವಿಭಾಗ: ಬೆಂಗಳೂರು ನಗರ, ಬೆಂಗಳೂರು ಗ್ರಾಮಾಂತರ, ರಾಮನಗರ (ಬೆಂಗಳೂರು ದಕ್ಷಿಣ), ತುಮಕೂರು, ಚಿಕ್ಕಬಳ್ಳಾಪುರ, ಕೋಲಾರ, ಚಿತ್ರದುರ್ಗ, ಶಿವಮೊಗ್ಗ.
ಮೈಸೂರು ವಿಭಾಗ: ಮೈಸೂರು, ಮಂಡ್ಯ, ಹಾಸನ, ಚಾಮರಾಜನಗರ, ಚಿಕ್ಕಮಗಳೂರು, ದಕ್ಷಿಣ ಕನ್ನಡ, ಉಡುಪಿ.
ಬೆಳಗಾವಿ ವಿಭಾಗ: ಬೆಳಗಾವಿ, ಬಾಗಲಕೋಟೆ, ಗದಗ, ಹಾವೇರಿ.
ಕಲಬುರಗಿ ವಿಭಾಗ: ಕಲಬುರಗಿ, ಬೀದರ್, ರಾಯಚೂರು.
ಪರಿಷ್ಕೃತ ರೋಸ್ಟರ್ ಬಿಂದು ಮೀಸಲಾತಿ ಜಾರಿ
ನೇರ ನೇಮಕಾತಿ ಕೋಟಾದಡಿ ಖಾಲಿ ಇರುವ ಈ ಗ್ರಾಮ ಆಡಳಿತಾಧಿಕಾರಿ ಹುದ್ದೆಗಳನ್ನು ಭರ್ತಿ ಮಾಡುವ ಮುನ್ನ, ಇಲಾಖೆಯು ಅನುಸರಿಸಬೇಕಾದ ಪರಿಷ್ಕೃತ ರೋಸ್ಟರ್ ಬಿಂದು ಮೀಸಲಾತಿಯ (Revised Roster Points) ವಿವರಗಳನ್ನು ಮರುನಿಗದಿಪಡಿಸಿದೆ.
ಯಾರಿಗೂ ಅನ್ಯಾಯವಾಗದಂತೆ ಈ ಎಲ್ಲಾ ಹೊಸ ನಿಯಮ ಹಾಗೂ ಅಂಶಗಳನ್ನು ಕಟ್ಟುನಿಟ್ಟಾಗಿ ಪರಿಗಣಿಸಿ, ಆಯಾ ಜಿಲ್ಲೆಗಳಿಗೆ ನಿಗದಿಪಡಿಸಲಾಗಿರುವ ಹುದ್ದೆಗಳನ್ನು ಭರ್ತಿ ಮಾಡಲು ಜಿಲ್ಲಾಧಿಕಾರಿಗಳು ತಕ್ಷಣವೇ ಸರ್ಕಾರಕ್ಕೆ ರಿಪೋರ್ಟ್ ಕಳುಹಿಸಬೇಕು ಎಂದು ಕಂದಾಯ ಇಲಾಖೆಯ ಅಧೀನ ಕಾರ್ಯದರ್ಶಿಗಳು ಸೂಚನೆ ನೀಡಿದ್ದಾರೆ.
ಶೀಘ್ರದಲ್ಲೇ ಅಧಿಕೃತ ನೋಟಿಫಿಕೇಶನ್ ಫಿಕ್ಸ್
ಆರ್ಥಿಕ ಇಲಾಖೆಯು ಆಡಳಿತಾತ್ಮಕ ಮತ್ತು ಆರ್ಥಿಕ ಅನುಮೋದನೆ ನೀಡಿರುವುದರಿಂದ, ಈ ನೇಮಕಾತಿ ಪ್ರಕ್ರಿಯೆಗೆ ಇದ್ದ ಅತಿ ದೊಡ್ಡ ಅಡ್ಡಿ ನಿವಾರಣೆಯಾಗಿದೆ. ಜಿಲ್ಲಾಧಿಕಾರಿಗಳಿಂದ ಪ್ರಸ್ತಾವನೆ ಸಲ್ಲಿಕೆಯಾಗುತ್ತಿದ್ದಂತೆಯೇ, ಅರ್ಜಿ ಸಲ್ಲಿಕೆಯ ದಿನಾಂಕ, ವಯೋಮಿತಿ, ಶೈಕ್ಷಣಿಕ ಅರ್ಹತೆ ಮತ್ತು ಪರೀಕ್ಷಾ ವಿಧಾನಗಳ ಕಂಪ್ಲೀಟ್ ಗೈಡ್ಲೈನ್ಸ್ ಒಳಗೊಂಡ ಅಧಿಕೃತ ಅಧಿಸೂಚನೆ ಹೊರಬೀಳಲಿದೆ.
ಕಂದಾಯ ಇಲಾಖೆಯು ಆರ್ಥಿಕ ಇಲಾಖೆಯ ಅನುಮೋದನೆ ಪಡೆದು, ಜಿಲ್ಲಾಧಿಕಾರಿಗಳಿಗೆ ಕಳುಹಿಸಿರುವ ಅಧಿಕೃತ ಆದೇಶದ ಪ್ರಕಾರ ಪ್ರಸ್ತುತ ಭರ್ತಿ ಮಾಡಲು ನಿರ್ಧರಿಸಲಾಗಿರುವ 572 ಹುದ್ದೆಗಳ ಜಿಲ್ಲಾವಾರು ಸಂಪೂರ್ಣ ವಿವರ ಹೀಗಿದೆ:
| ಕ್ರ.ಸಂ. | ಜಿಲ್ಲೆಯ ಹೆಸರು | ಮಂಜೂರಾದ ಹುದ್ದೆಗಳು | ಖಾಲಿ ಇರುವ ಹುದ್ದೆಗಳು | ನೇಮಕಾತಿ ಹುದ್ದೆಗಳು |
|---|---|---|---|---|
| 1 | ಬೆಳಗಾವಿ | 648 | 82 | 48 |
| 2 | ತುಮಕೂರು | 305 | 78 | 50 |
| 3 | ಮಂಡ್ಯ | 258 | 71 | 50 |
| 4 | ಮೈಸೂರು | 479 | 75 | 45 |
| 5 | ದಕ್ಷಿಣ ಕನ್ನಡ | 134 | 48 | 37 |
| 6 | ಹಾಸನ | 475 | 52 | 35 |
| 7 | ಕಲಬುರಗಿ | 410 | 66 | 35 |
| 8 | ಚಾಮರಾಜನಗರ | 215 | 50 | 31 |
| 9 | ಬೆಂಗಳೂರು ದಕ್ಷಿಣ (ರಾಮನಗರ) | 376 | 55 | 30 |
| 10 | ಬೆಂಗಳೂರು ಗ್ರಾಮಾಂತರ | 223 | 47 | 29 |
| 11 | ಕೋಲಾರ | 289 | 44 | 22 |
| 12 | ಚಿಕ್ಕಬಳ್ಳಾಪುರ | 266 | 45 | 21 |
| 13 | ಬೆಂಗಳೂರು ನಗರ | 252 | 32 | 20 |
| 14 | ಶಿವಮೊಗ್ಗ | 275 | 44 | 18 |
| 15 | ಬಾಗಲಕೋಟೆ | 297 | 30 | 16 |
| 16 | ಬೀದರ್ | 193 | 34 | 16 |
| 17 | ಚಿತ್ರದುರ್ಗ | 356 | 37 | 15 |
| 18 | ಹಾವೇರಿ | 295 | 41 | 15 |
| 19 | ಗದಗ್ | 232 | 33 | 14 |
| 20 | ಉಡುಪಿ | 459 | 23 | 10 |
| 21 | ಚಿಕ್ಕಮಗಳೂರು | 326 | 29 | 10 |
| 22 | ರಾಯಚೂರು | 200 | 22 | 5 |
| ಒಟ್ಟು ಪರಿಗಣಿಸಿರುವ ಹುದ್ದೆಗಳು: | 572 | |||
