ಭಾರತದ ಬೀದಿಬದಿ ಆಹಾರ (Street Food) ಎಂದ ಕೂಡಲೇ ಮೊದಲು ನೆನಪಾಗುವುದೇ ಕೋಲ್ಕತ್ತಾದ ಫೇಮಸ್ ಎಗ್ ರೋಲ್. ಗರಿಗರಿಯಾದ ಪರೋಟ, ಅದರ ಮೇಲೆ ಬೆಣ್ಣೆಯಂತೆ ಹರಡಿರುವ ಮೊಟ್ಟೆ, ಒಳಗೆ ಮಸಾಲೆಯುಕ್ತ ಈರುಳ್ಳಿಯ ಘಮ ಆಹಾ ಈ ಹೆಸರನ್ನು ಕೇಳಿದರೆ ಸಾಕು, ಎಂತಹವರಿಗಾದರೂ ಬಾಯಲ್ಲಿ ನೀರೂರುತ್ತದೆ.ಸಂಜೆಯ ಕಾಫಿ ಸಮಯಕ್ಕೆ ಅಥವಾ ಮಕ್ಕಳ ಸ್ಕೂಲ್ ಬಾಕ್ಸ್‌ಗೆ ಇದು ಅತ್ಯುತ್ತಮ ಮತ್ತು ಪೌಷ್ಟಿಕ ಆಯ್ಕೆ. ಒಮ್ಮೆ ಟ್ರೈ ಮಾಡಿ ನೋಡಿ, ಮನೆಯವರು ಮತ್ತೆ ಮತ್ತೆ ಬೇಕೆಂದು ಕೇಳುವುದು ಗ್ಯಾರಂಟಿ
ಸಾಮಾನ್ಯವಾಗಿ ಹೋಟೆಲ್‌ ಅಥವಾ ರಸ್ತೆ ಬದಿಯ ಗಾಡಿಗಳಲ್ಲಿ ಸಿಗುವ ಅದೇ ಪರ್ಫೆಕ್ಟ್ ರುಚಿಯನ್ನು ಮನೆಯಲ್ಲೇ ಪಡೆಯಲು ಸಾಧ್ಯವೇ? ಖಂಡಿತ ಸಾಧ್ಯ. ಶುಚಿಯಾಗಿ ಮತ್ತು ಅಷ್ಟೇ ರುಚಿಯಾಗಿ ಕೋಲ್ಕತ್ತಾ ಸ್ಟೈಲ್ ಎಗ್ ರೋಲ್ ತಯಾರಿಸುವ ರಹಸ್ಯ ಇಲ್ಲಿದೆ.
ಪರ್ಫೆಕ್ಟ್ ಎಗ್ ರೋಲ್ ತಯಾರಿಸಲು ಬೇಕಾಗುವ ಸಾಮಗ್ರಿಗಳು
ಮೈದಾ ಅಥವಾ ಗೋಧಿ ಹಿಟ್ಟು
ಉಪ್ಪು
ಸಕ್ಕರೆ.
ಎಣ್ಣೆ;2 ಚಮಚ (ಹಿಟ್ಟು ಕಲಸಲು).
ನೀರು: ಹಿಟ್ಟು ಕಲಸಲು ಅಗತ್ಯವಿರುವಷ್ಟು.
ರೋಲ್ ತಯಾರಿಕೆಗೆ:
ಮೊಟ್ಟೆಗಳು: ಪ್ರತಿ ರೋಲ್‌ಗೆ ಒಂದರಂತೆ (ಹೆಚ್ಚಿನ ರುಚಿಗೆ ಡಬಲ್ ಎಗ್ ಕೂಡ ಬಳಸಬಹುದು).
ಎಣ್ಣೆ ಅಥವಾ ಬೆಣ್ಣೆ: ಪರೋಟ ಕರಿಯಲು.
3.ಒಳಗಿನ ಹೂರಣಕ್ಕೆ (Filling):
ಈರುಳ್ಳಿ: ಉದ್ದಕ್ಕೆ ಸಣ್ಣದಾಗಿ ಹೆಚ್ಚಿದ್ದು.
ಸೌತೆಕಾಯಿ: ಸಣ್ಣದಾಗಿ ಹೆಚ್ಚಿದ್ದು
ಹಸಿಮೆಣಸಿನಕಾಯಿ: ಖಾರಕ್ಕೆ ತಕ್ಕಷ್ಟು.
ಕ್ಯಾರೆಟ್: ಸಣ್ಣದಾಗಿ ತುರಿದಿದ್ದು (ಆಪ್ಷನಲ್).
4.ರುಚಿ ಹೆಚ್ಚಿಸಲು
ಚಾಟ್ ಮಸಾಲ ಅಥವಾ ಕಾಳುಮೆಣಸಿನ ಪುಡಿ: ಸ್ವಲ್ಪ.
ನಿಂಬೆ ರಸ: ಅರ್ಧ ಚಮಚ.
ಟೊಮೆಟೊ ಕೆಚಪ್: ಅಗತ್ಯವಿರುವಷ್ಟು.
ಚಿಲ್ಲಿ ಸಾಸ್: ರುಚಿಗೆ ತಕ್ಕಷ್ಟು.
ಮನೆಯಲ್ಲೇ ತಯಾರಿಸುವ ಸರಳ ವಿಧಾನ:
1.ಮೃದುವಾದ ಪರೋಟ ಸಿದ್ಧಪಡಿಸಿ: ಮೊದಲು ಮೈದಾ ಅಥವಾ ಗೋಧಿ ಹಿಟ್ಟಿಗೆ ಸ್ವಲ್ಪ ಎಣ್ಣೆ, ಉಪ್ಪು ಮತ್ತು ಉಗುರು ಬೆಚ್ಚಗಿನ ನೀರು ಹಾಕಿ ಮೃದುವಾಗಿ ಕಲಸಿಕೊಳ್ಳಿ. ಅರ್ಧ ಗಂಟೆ ನೆನೆಯಲು ಬಿಟ್ಟು, ನಂತರ ತೆಳುವಾದ ಪರೋಟಗಳನ್ನು ಲಟ್ಟಿಸಿ ಹದವಾಗಿ ಕರಿಯಿರಿ.
2.ಮೊಟ್ಟೆಯ ಸಂಯೋಜನೆ: ಪರೋಟ ಬೆಂದ ನಂತರ, ಅದರ ಮೇಲೆ ಚೆನ್ನಾಗಿ ಹೊಡೆದ ಮೊಟ್ಟೆಯನ್ನು ಹರಡಿ. ಮೊಟ್ಟೆ ಪರೋಟಕ್ಕೆ ಸರಿಯಾಗಿ ಅಂಟಿಕೊಳ್ಳುವಂತೆ ಎರಡು ಬದಿ ಸ್ವಲ್ಪ ಎಣ್ಣೆ ಹಾಕಿ ಬೇಯಿಸಿ.
3.ಚಟ್ಪಟಾ ಮಸಾಲೆ ಹೂರಣ: ಈಗ ಪರೋಟದ ಮಧ್ಯಭಾಗದಲ್ಲಿ ಸಣ್ಣಗೆ ಹೆಚ್ಚಿದ ಈರುಳ್ಳಿ, ಹಸಿಮೆಣಸಿನಕಾಯಿ, ಸೌತೆಕಾಯಿ ಚೂರುಗಳನ್ನು ಸಾಲಾಗಿ ಜೋಡಿಸಿ. ಮೇಲೆ ಸ್ವಲ್ಪ ಚಾಟ್ ಮಸಾಲಾ, ನಿಂಬೆ ರಸ ಮತ್ತು ನಿಮ್ಮಿಷ್ಟದ ಸಾಸ್‌ಗಳನ್ನು (ಟೊಮೆಟೊ ಅಥವಾ ಚಿಲ್ಲಿ ಸಾಸ್) ಸೇರಿಸಿ.
4.ನೀಟಾಗಿ ರೋಲ್ ಮಾಡಿ: ಕೊನೆಯದಾಗಿ, ಈ ಮಿಶ್ರಣವನ್ನು ಪರೋಟದೊಂದಿಗೆ ನೀಟಾಗಿ ಸುರುಳಿ ಸುತ್ತಿ, ಕೆಳಭಾಗದಲ್ಲಿ ಒಂದು ಟಿಶ್ಯೂ ಪೇಪರ್ ಅಥವಾ ಫಾಯಿಲ್ ಪೇಪರ್‌ನಿಂದ ಪ್ಯಾಕ್ ಮಾಡಿ.
ಹಿಟ್ಟನ್ನು ಕಲಸಿ 20 ನಿಮಿಷ ನೆನೆಯಲು ಬಿಡಿ. ನಂತರ ತೆಳುವಾಗಿ ಲಟ್ಟಿಸಿ ಮೊದಲು ಪರೋಟ ಬೇಯಿಸಿಕೊಳ್ಳಿ. ಅದರ ಮೇಲೆ ಮೊಟ್ಟೆಯನ್ನು ಹಾಕಿ ಎರಡೂ ಬದಿ ಬೇಯಿಸಿ, ತಯಾರಿಸಿದ ತರಕಾರಿ ಮಿಶ್ರಣ ಮತ್ತು ಸಾಸ್‌ಗಳನ್ನು ಹಾಕಿ ಸುರುಳಿ ಸುತ್ತಿದರೆ ನಿಮ್ಮ ಬಿಸಿಬಿಸಿ ಕೋಲ್ಕತ್ತಾ ಎಗ್ ರೋಲ್ ರೆಡಿ
